ပေါင်းသတ်ဆေးအကြောင်း တစ်စေ့တစ်စောင်း

တောင်သူဦးကြီးတွေ အားတဲ့အချိန်လေးမှာ လေ့လာလို့ရမဲ့ အကြောင်းအရာလေးတွေထဲ က တစ်ခုဖြစ်တဲ့ ပေါင်းသတ်ဆေးတွေအကြာင်းကို ဒီတစ်ခေါက်တော့ လေ့လာကြည့်ကြတာပေါ့။

ပေါင်းသတ်ဆေးဆိုတာ ဘာလဲ

ရှင်းပါတယ်။ စိုက်ခင်းထဲမှာ ကိုယ်မလိုချင်တဲ့ အပင်တွေကို သတ်ဖို့အတွက်သုံးတဲ့ ဆေးပါ။ တကယ်တမ်း ထိထိရောက်ရောက်သုံးတတ်တယ် သုံးနိုင်တယ်ဆိုရင်တော့ အချိန်နဲ့ လူကို သက်သာစေပေမဲ့လို့ တစ်ခြားဆိုးကျိုးတွေအနေနဲ့ဆိုရင်လည်း မရည်ရွယ်ထားတဲ့ အပင်တွေကို ပါ ထိမိခိုက်မိပြီး သေစေတာမျိုး၊ လူတွေမှာပါ ထိခိုက်ပြီးတော့ ကင်ဆာရောဂါတွေလိုမျိုး ဖြစ်တာမျိုးတွေပါ ဖြစ်နိုင်ပါတယ်။

ပေါင်းသတ်ဆေး ဘယ်နှစ်မျိုးလောက်ရှိလဲ

ပေါင်းသတ်ဆေးတွေကိုလည်း ခွဲခြားထားပါတယ်။ သူတို့ ရဲ့

၁။ အကျိုးသက်ရောက်မှု

၂။ ရွေးချယ်နိုင်မှု နဲ့

၃။ တာရှည်ခံမှု စတဲ့အချက် (၃)ချက်အပေါ်မှာ မူတည်ပြီးတော့ အမျိုးအစားတွေ ပြန်ပြီးတော့ ခွဲကြပါတယ်။

၁။ အကျိုးသက်ရောက်မှု (Effect)

အဲ့အချက်မှာဆိုရင်

၁။ (က) မထွက်ခင် ကြိုတင်ကာကွယ်ဆေး (Pre-emergent Herbicides)

ကိုယ်မလိုချင်တဲ့ ပေါင်းပင်တွေရဲ့ မျိုးစေ့တွေမှာ ကပ်တွယ်ပြီးတော့ မျိုးညှောင့်ပေါက်တာကို ဟန့်တားပေးနိုင်တဲ့ အကျိုးသက်ရောက်မှုရှိပါတယ်။ အဲ့လို ဆေးတွေကိုကျတော့ ကိုယ့်အခင်းမှာ ပေါက်တတ်တဲ့ ပေါင်းပင်တွေ ထွက်ခါနီးအချိန်လောက်ကို မှန်းပြီးတော့ ဖျန်းပေးရမှာဖြစ်ပါတယ်။ အချိန်ကိုက် သုံးနိုင်တယ်ဆိုရင်တော့ တကယ်ကို အကျိုးသက်ရောက်မှုများတဲ့ ဆေးဖြစ်ပြီးတော့ အပင်ထွက်လာမှ သုံးမိလိုက်တယ်ဆိုရင်တော့ ဆေးက အလကားဖြစ်သွားမှာပါ။ သူက မျိုးစေ့ကနေ မျိုးညှောင့်မပေါက်အောင်လို့ပဲ ဖော်စပ်ထားလို့ ဖြစ်ပါတယ်။

၁။ (ခ) နောက်တစ်ခုက ထိသေ ပေါင်းသတ်ဆေး (Contact Herbicide)

ဖျန်းလိုက်တယ်။ အပင်နဲ့ ဆေးထိသမျှနေရာတိုင်းကို သေစေတယ်။ ထိတာနဲ့ သေစေတဲ့ ဆေးမျိုးပါ။ အစွမ်းကတော့ ပြင်းပေမဲ့လို့ တစ်ချို့ အသက်ပြင်းတဲ့အပင်မျိုးကို ဖျန်းမိလို့ မထိလိုက်တဲ့ အဆစ်လိုမျိုးနေရာကနေ ပေါင်းပင်တွေက ပြန်ပြီး ရှင်နိုင်ပါသေးတဲ့ အချက်တော့ ရှိပါတယ်။ အပင်တစ်ခုလုံးကို သေစေတာမဟုတ်ပဲနဲ့ သူနဲ့ ထိတဲ့နေရာကိုပဲ သေစေတာဖြစ်လို့ပါ။ အဲ့တော့ ဒီလိုဆေးမျိုးသုံးပြီးတော့ ပေါင်းပင်တွေကို အပြည့်အဝသေစေချင်တယ်ဆိုရင် အပင်တွေသေတဲ့အထိ ခဏခဏတော့ ဖျန်းပေးရမှာဖြစ်ပါတယ်။

၁။ (ဂ) ပင်လုံးပြန့် ပေါင်းသတ်ဆေး (Systemic Herbicides)

အကျိုးသက်ရောက်မှု အနေနဲ့ကတော့ အပင်တစ်ပင်လုံးကို ပြန့်နှံ့သွားပြီးတော့မှ အပင်တစ်ခုလုံးကို သေစေပါတယ်။ အပင်တွေအထဲ ကို အစာကြော ရေကြောတွေကနေ တစ်ဆင့်ဝင်ရောက်ပြီးတော့ အပင်တစ်ခုလုံးကို သေစေတာပါ။ ဆေးကတော့ကောင်းပါရဲ့ စိတ်မကောင်းစရာတစ်ခုကတော့ ဒီလို ပင်လုံးပြန့် ပေါင်းသတ်ဆေးတွေကို အပင်တွေတော်တော်များများက ခံနိုင်ရည်ရှိကြပါတယ်။ အဲ့တော့ သူ့ကိုလည်း အပင်တွေေ သေဆုံးတဲ့အထိ သုံးတာက ပိုပြီးတော့ စိတ်ချရမှာဖြစ်ပါတယ်။

၁။ (ဃ) မြေထဲ သုံးတဲ့ ပေါင်းသတ်ဆေး (Drench Herbicides)

သူကတော့ အပင်ပေါ်ဖျန်းရတာမျိုးမဟုတ်ပဲနဲ့ မြေကြီးထဲကို ထည့်လိုက်ရတဲ့ဆေးမျိုးပါ။ အပင်တွေ အကုန်သေပါတယ်။ မကောင်းတဲ့အချက်ကတော့ ဆေးတစ်ခါသုံးထားရင် အကြာကြီးခံနေတာပါ။ အဲ့လိုဆိုတော့ စိုက်မဲ့ ပျိုးမဲ့မြေကြီးဆိုရင်တော့ အဲ့ဆေးမျိုးကို မသုံးတာ အကောင်းဆုံးဖြစ်ပါလိမ့်မယ်။

၂။ ရွေးချယ်မှု

သူကတော့ သူရွေးချယ်တဲ့ အပင်ကိုပဲ သေစေအောင်လို့ ဖန်တီးထားတဲ့ ဆေးမျိုးဖြစ်ပါတယ်။ စပါးအတွက် ရွေးချယ်ပေါင်းသတ်ဆေးလို့ ပြောလိုက်ရင် စပါးခင်းထဲကို ဖျန်းလိုက်ရင် စပါးကလွဲပြီး ကျန်တဲ့ပေါင်းပင်တွေ အကုန်သေအောင် လုပ်ပေးနိုင်ပါတယ်။ အဲ့လိုဆေးမျိုးပါ။ ဒါပေမဲ့ သူက အားနည်းချက်တွေတော့ ရှိပါသေးတယ်။ အပင်တော်တော်များများက ခံနိုင်ရည်ရှိပြီးတော့ မပြိုလဲတတ်ကြလို့ပါပဲ။

၃။ တာရှည်ခံမှု

သူကျတော့ အမျိုးမျိုးရှိမှာပါ။ တစ်ချို့ပေါင်းသတ်ဆေးတွေက တာရှည်ခံပြီး မပျက်မစီးရှိတာမျိုးကနေ ခဏလောက်ပဲ ခံတာမျိုးတွေအထိ ပါဝင်နေမှာပါ။

ထွန်းဝင်းကျော်

Reference - https://www.weedkillercrisis.com/topics/different-types-of-herbicides/

ဗွေဆော်ဦး ကြော်ငြာ

ကိုယ်မွေးထားတဲ့ ငါး၊ ပုစွန်လေးတွေ မြန်မြန်ကြီး၊ များများရှင်စေချင်တယ်ဆိုရင်... အားဆေးကောင်းလေးတွေ ရှိနေပါတယ်ရှင့်... ငါး၊ ပုစွန်လေးတွေ အားရှိသန်မာထွားကျိုင်းသွားစေမဲ့ Aqua Calcium, Aqua Booster, Aqua Mix ဆိုတဲ့ ဆေးလေးတွေပါနော်.. Aqua Calcium ဆိုတာက.. နာမည်နဲ့လိုက်အောင်ပဲ ငါး၊ ပုစွန်တွေအတွက်လိုအပ်တဲ့ ကယ်လ်ဆီယမ်များ ခဲပျစ်ပါဝင်နေတဲ့ အရည်မျိုးဖြစ်ပြီး ဗီတာမင်စီလည်း ပါဝင်ပါတယ်ရှင့်..။ ဒါလေးထည့်ပေးလိုက်ရင် ငါး၊ ပုစွန်တွေရဲ့ ကြီးထွားနှုန်း၊ အရွယ်အစားနဲ့ အသက်ရှင်နှုန်းတို့ကို မြှင့်တင်ပေးပြီး ကန်ထဲမှာလည်း နိုက်ထရိတ်များလျော့ကျအောင် ဆောင်ရွက်ပေးမှာပါနော်..။ Aqua Booster ဆိုတာကတော့… ဘတ်တီးရီးယား၊ ဗိုင်းရပ်၊ ပရိုတိုဇိုအာတွေရဲ့ တိုက်ခိုက်မှုကို ခံနိုင်ရည်ပိုရှိစေမဲ့ အရေးပါတဲ့ ဇီဝကမ္မဆိုင်ရာ အာဟာရအားတိုးဆေးမျိုးပါ။ သူ့မှာက သြဂဲနစ်အက်စစ်အမျိုးမျိုး၊ glycan နဲ့ အမိုင်နိုအက်ဆစ်များ ပေါင်းစပ်ပါဝင်နေလို့ ငါး၊ ပုစွန်တွေရဲ့ ကျန်းမာရေးကော ဇီဝကမ္မဖြစ်စဉ်ကိုကော ကူညီထောက်ပံ့ပေးနိုင်ပါတယ်ရှင့်။ ဒါ့အပြင် အာဟာရစုပ်ယူနိုင်စွမ်းမြင့်စေပြီး အစာခြေအင်ဇိုင်းများကို လှုံ့ဆော်ပေးသလို ဘက်တီးရီးယားဒဏ်ကို လည်း ခံနိုင်ရည်ရှိစေလို့ ကြီးထွားနှုန်းနဲ့ ရှင်သန်နှုန်း မြင့်တက်စေမှာပါနော်။ နောက်တစ်ခု... Aqua Mix ကကောဆိုရင်တော့.. သူက ကယ်ဆီယမ်၊ မဂ္ဂနီဆီယမ်နှင့် ပိုတက်ဆီယမ် ပါဝင်တဲ့ အရောအ‌နှောဖြစ်လို့ ငါး၊ ပုစွန်လေးတွေရဲ့ အသက်ရှင် နှုန်းကို တိုးမြင့်စေပြီး အစာခြေစနစ်ကိုလည်း တိုးတက်စေပါတယ်။ ပြီးတော့ ကြွက်သားများ ကျုံ့ခြင်းတင်းခြင်းများကိုလျော့စေကာ အရေခွံလဲနှုန်းမြင့်စေပြီး အခွံများကို ပိုမာကြော လာစေနိုင်ပါတယ်။ ဒါတင်ပဲလားဆိုတော့...မဟုတ်သေးဘူး...ကြီးထွားနှုန်းလည်း ပိုကောင်းလာပြီး ဖမ်းဆီးချိန်မှာ အသွေးအရောင် လည်း ပိုလှနေစေမှာ ဖြစ်ပါတယ်ရှင့်။ ဆိုတော့ ဒါလေးတွေကို သုံးပေးမယ်ဆိုရင်... ငါး၊ ပုစွန်လေးတွေ ရှင်သန်ကြီးထွားနှုန်းမြင့်မားလာနိုင်တာဆိုတော့... ဝင်ငွေပိုတိုးလာမယ်ဆိုတာက ပြောနေစရာတောင် လိုမှာမဟုတ်ပါဘူးနော်.. ဒါလေးတွေလိုချင်တယ်ဆိုရင်တော့ ‘ဗွေဆော်ဦး’ မှာ ရနေပါပြီရှင့်...