တစ်နိုင်ငံလုံး မိုးဆက်ရွာနေဦးမယ့် စက်တင်ဘာ

ဘင်္ဂလားပင်လယ်အနောက်မြောက်ပိုင်းမှာဖြစ်ခဲ့တဲ့ လေဖိအားနည်းရပ်ဝန်းကတော့ ကုန်းတွင်းကိုဝင်ပြီးသွားပေမဲ့ နောက်ထပ်လေဖိအားနည်းရပ်ဝန်းတစ်ခုက နောက်လာမဲ့ ၅ ရက်အတွင်း(စက်တင်ဘာလ ၁၂ ရက်နေ့ညနေပိုင်း)မှာထပ်ဖြစ်လာဖို့ရှိနေပြီး ဆိုင်ကလုန်းမုန်တိုင်းဖြစ်နိုင်ချေ ၅၀% ရှိနေပါတယ်။

ဘင်္ဂလားပင်လယ်အော် အနောက်မြောက်ပိုင်းနဲ့ မြန်မာနိုင်ငံတောင်ပိုင်း၊ ထိုင်းနိုင်ငံ၊ လာအိုနိုင်ငံ၊ ဗီယက်နမ်နိုင်ငံတွေကို ဖြတ်သွားတဲ့ လေဖိအားနည်းချိုင့်ဝှမ်းမျဉ်း(TROUGH LINE)ကတော့ ဆက်ရှိနေဦးမှာမို့ အနောက်တောင်မုတ်သုံလေဆက်အားကောင်းနေပြီး တစ်နိုင်ငံလုံးအတိုင်းအတာနဲ့ မိုးကဆက်ရွာနေပါဦးမယ်။

နောက်လာမယ့် ၃ ရက်အတွင်း ( စက်တင်ဘာလ ၈ ရက် နံနက် ၆ နာရီခွဲမှ စက်တင်ဘာလ ၁၁ ရက် နံနက် ၆ နာရီခွဲအထိ) အတွင်း မိုးများ/မိုးနည်းနိုင်မယ့် ဒေသတွေက 

၈၀ မီလီမီတာမှ ၁၂၀ မီလီမီတာအထက် မြို့နယ်များ (မိုးများနိုင်သည့် ဒေသများ)

နေပြည်တော်၊ ဧလာ၊ ကေတုမတီ၊ တောင်ငူ၊ အုတ်တွင်း၊ ကျောက်တခါး၊ ပိန်းဇလုတ်၊ ကျောက်ကြီး၊ ပြွန်တဇာ၊ ညောင်လေးပင်၊ ကျိုက်ထို၊ ယင်းငြိမ်၊ ဇင်းကျိုက်၊ ကမမောင်း၊ ကျိုက်ဒုံ၊ ဘားအံ၊ တာပေါင် ကျောက်တောင်၊ ကြက်တူရွေး၊ ဒေါ်လန်း၊ အိန္ဒု၊ သာမည၊ ရွှေဂွန်း၊ လှိုင်းဘွဲ၊ မော်လမြိုင်၊ ကျိုက္ခမီ၊ ကြာအင်းဆိပ်ကြီး၊ ဘုရားငုတ်တို၊ ဝဲလောင်၊ ဇီးဖြူသောင်၊ အနင်း၊ လမိုင်း၊ ကန်ဘောက်၊ ကလိန်အောင်၊ လွန်းစီ(Lon Si)၊ ထီးဖလမော၊ ထားဝယ်၊ မြိတ်၊ မော်တင်စွန်း၊ ဟိုင်းကြီး။

၂၀ မီလီမီတာမှ ၃၀ မီလီမီတာအောက် မြို့နယ်များ (မိုးနည်းနိုင်သည့် ဒေသများ)

မြဝတီ၊ သင်္ဃန်းညီနောင်၊ ရွှေကုက္ကို၊ ငဖဲ၊ စေတုတ္တရာ၊ ချောက်၊ ညောင်ဦး၊ မြိုင်၊ မုံရွာ၊ ဂန့်ဂေါ၊ မင်းကင်း၊ ဟားခါး၊ ဟုမ္မလင်း၊ ကာမိုင်း၊ မိုးညှင်း၊ မြို့လှ၊ ဆွန်ပရာဘွန်၊ ချီဘွေ၊ ပန်းဝါ၊ ပန်ဆိုင်း၊ နောင်ချို၊ သီပေါ၊ ကျောက်မဲ၊ မိုင်းတုံ။

ကျန်တိုင်းနှင့်ပြည်နယ်မြို့နယ်များအားလုံး ၃၀ မီလီမီတာအထက် ၈၀ မီလီမီတာအောက် (မိုးအသင့်အတင့်) ရွာသွန်းနိုင်ပါတယ်။

Photo- ဦးဝင်းနိုင်

(မိမိဒေသ မြို့နယ်တစ်ခုချင်းအလိုက် အသေးစိတ်မိုးလေဝသအခြေအနေများကို သိလိုပါက Green Way app ရှိ ‘ မေးကြ၊ ဖြေကြ ဒေသအလိုက် မိုးလေဝသ’ အဖွဲ့တွင် အခမဲ့အဖွဲ့ဝင်ပြီး ဆရာနှင့် တိုက်ရိုက်မေးမြန်းနိုင်ပါသည်)

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်

မာလာမြိုင် ကုမ္ပဏီ ကြော်ငြာ

ပြောင်ခင်းမှာ ပေါင်းရှင်းဖို့ ဘူဒိုဇာ လာပြီ ဒိုး... ပြောင်းခင်း စိုက်နေရင်း ပေါင်းခင်းမဖြစ်သွားရအောင် မအပ်စပ်တဲ့ ပေါင်းတွေအကုန်ဒိုးဖို့ "ဘူဒိုဇာ" လာပြီဗျို့။ ပြောင်းခင်းထဲက ပေါင်းတွေကို အမြစ်ပြတ် သုတ်သင်ပေးမယ့် အစွမ်းထက်ထက် ဆေးတစ်လက် ဆိုရင် ပေါင်းမနိုင်ခင် "ပြောင်း" နိုင်ဖို့ ပြောင်းအထူး ရွေးချယ်ပေါင်းသတ်ဆေး "ဘူဒိုဇာ" နဲ့ဆိုရင် ဘယ်ပေါင်းတွေ ခံနိုင်ပါ့မလဲ? အဓိကပေါက်တတ်တဲ့ "မြေဇာ၊ မြက်ယား၊ ဆင်ငို၊ လက်သဲခွ၊ ဝမ်းဘဲစာ၊ လေးခွမြက်၊ ဝက်ကျွတ်၊ တောဟင်းနုနွယ်၊ မှိုချဥ်၊ ဟင်းဂလာ၊ ခွေးသေးပန်း၊ ဗောက်ပင်၊ ဗောက်လောက်ညို၊ ဆေးပုလဲ၊ ပရန္နဝါ၊ မြက်မုန်ညင်း" တို့ကို အမြစ်ပြတ် အထူးနှိမ်နင်းဖို့ "ဘူဒိုဇာ" ရှိရင် စိတ်သာချလိုက် ဦးကြီးတို့ရေ။ ပြောင်းဖူးပင် တစ်လသားမပြည့်မီ ပေါင်းအရွက် (၂-၄) ရွက် ထွက်ချိန်မှာ အချိန်မှန်မှန်နဲ့ မြန်မြန် သုံးထားဖို့ပဲ တိုက်တွန်းလိုက်ချင်တယ်ဗျ။ လက်မနှေးဘဲ အခုပဲ ပြောင်းခင်းထဲကပေါင်းတွေ "ဘူဒိုဇာ" နဲ့ ရှင်းလိုက်ရအောင်။

Read more

Facebook page သို့သွားရန်