လာမည့် ၃ ရက်အတွင်း မိုးများ၊ မိုးနည်းနိုင်သည့် ဒေသများနှင့် မြစ်ရေအခြေအနေ

အပြည်ပြည်ဆိုင်ရာ မိုးလေဝသကြိုတင်ခန့်မှန်းရေး model တွေက နောက်ဆုံးရရှိတဲ့ အချက်အလက်တွေမှာတော့ ဘင်္ဂလားပင်လယ်အော် အနောက်မြောက်ပိုင်းမှာ ဖြစ်ပေါ်နေတဲ့ လေဖိအားနည်းရပ်ဝန်းက တဖြည်းဖြည်းအားပိုကောင်းလာပြီး သိသာထင်ရှားတဲ့ လေဖိအားနည်းရပ်ဝန်းအဖြစ်ရောက်ရှိလာနိုင်မယ်လို့ တွေ့ရပါတယ်။

အိန္ဒိယမိုးလေဝသဌာနကတော့ ဘင်္ဂလားပင်လယ်အော် အနောက်မြောက်ပိုင်းမှာဒီနေ့မနက် ၉ နာရီခွဲအချိန်က လေစိုင်ဝဲတစ်ခုဖြစ်နေပြီး နောက်လာမဲ့ ၁၂ နာရီအတွင်းမှာ လေဖိအားနည်းရပ်ဝန်းဖြစ်လာနိုင်ကြောင်း ထုတ်ပြန်ထားပါတယ်။

အခုဖြစ်ပေါ်နေတဲ့ လေဖိအားနည်းရပ်ဝန်းရဲ့ သက်ရောက်မှုကြောင့် နောက်လာမဲ့ ၃ ရက်(ဩဂုတ်လ ၁၇ ရက် ညနေ ၃ နာရီမှ ဩဂုတ်လ ၂၀ ရက် ညနေ ၃ နာရီအထိ) အချိန်ကာလအတွင်းမှာ -

တနင်္သာရီတိုင်း၊ ကရင်ပြည်နယ်၊ မွန်ပြည်နယ်၊ ပဲခူးတိုင်း၊ ရန်ကုန်တိုင်း၊ ဧရာဝတီတိုင်း၊ ရခိုင်ပြည်နယ်၊ ရှမ်းပြည်နယ်မြောက်ပိုင်း၊ စစ်ကိုင်းတိုင်းအထက်ပိုင်း၊ ချင်းပြည်နယ်နဲ့ ကချင်ပြည်နယ်တွေမှာ မိုးများနိုင်ပါမယ်။

၃ ရက်အတွင်း မိုးရေချိန်စုစုပေါင်း ၆၀ မီလီမီတာမှ ၉၈ မီလီမီတာအထိ မိုးထစ်ချုန်းရွာသွန်းနိုင်ပါတယ်။

ကျန်ပြည်နယ်နဲ့တိုင်းတွေမှာတော့ မိုးအသင့်အတင့် (၃ ရက်အတွင်း မိုးရေချိန် ၂၀ မီလီမီတာမှ ၅၀ မီလီမီတာအထိ) ရွာနိုင်ပြီး မကွေးတိုင်း၊ မန္တလေးတိုင်း၊ စစ်ကိုင်းတိုင်းနဲ့ ရှမ်းပြည်နယ်တောင်ပိုင်းဒေသအချို့မှာတော့ ၃ ရက်မိုးရေချိန် ၂၀ မီလီမီတာအောက်သာရွာသွန်းနိုင်ပြီး မိုးနည်းနေပါမယ်။

မြစ်ရေအခြေအနေတွေကိုလေ့လာကြည့်တဲ့အခါ - လက်ရှိပဲခူးမြစ်ရေက ၇၃၃ စင်တီမီတာရှိပြီး နောက်ဆုံးခန့်မှန်းချက်အရ ၃၈ စင်တီမီတာ အတက် ရှိနေပါတယ်။ မိုးထပ်များလာရင်တော့ စိုးရိမ်ရေမှတ် ၈၈၀ စင်တီမီတာကိုကျော်ပြီး ရေထပ်ကြီးနိုင်ပါတယ်။

မိုးလေဝသခန့်မှန်းချက်အရ နောက်လာမဲ့ ၅ ရက်မိုးရေချိန် စုစုပေါင်း ၆.၄ စင်တီမီတာရှိနေတဲ့အတွက် ပဲခူးမြစ်ရိုးတစ်လျှောက်နဲ့ မြို့နယ်အတွင်းမိုးဆက်များနေရင် ရေထပ်ကြီးနိုင်ပါတယ်။ ပင်လယ်ဒီရေတက်ချိန်လဲ ဖြစ်နေလို့ပါ။

နောက်လာမဲ့ ၃ ရက်အထိ ကမ်းရိုးတန်းဒေသအားလုံးနဲ့ ပင်လယ်ပြင်မှာ မိုးသက်လေပြင်းများကျပြီး လှိုင်းကြီးနေနိုင်ပါတယ်။ မိုးသက်လေပြင်းကျတဲ့အချိန်မှာ လေပြင်းတစ်နာရီ မိုင် ၃၀ မှ မိုင် ၄၀ ခန့်အထိအထိတိုက်နိုင်ပြီး လှိုင်းအမြင့် ၆ ပေ မှ ၈ ပေအထိ ရှိနိုင်ပါတယ်။

Photos Crd_ U Win Naing

#(မိမိဒေသ မြို့နယ်တစ်ခုချင်းအလိုက် အသေးစိတ်မိုးလေဝသအခြေအနေများကို သိလိုပါက Green Way app ရှိ ‘ မေးကြ၊ ဖြေကြ ဒေသအလိုက် မိုးလေဝသ’ အဖွဲ့တွင် အခမဲ့အဖွဲ့ဝင်ပြီး ဆရာနှင့် တိုက်ရိုက်မေးမြန်းနိုင်ပါသည်)

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။

Farm Link Co.,Ltd ကြော်ငြာ

စပါးစိုက်ပျိုးဖို့ ပြင်နေကြပြီလား? ဒါဆို Farm Link ရဲ့ အထူး special product တွေနဲ့ မိတ်ဆက်ပေးလိုက်ပါတယ်.. 👉 Erase (အီရေစ့်) က ပေါင်းပင်တွေကို သေစေရုံတင်မကဘဲ နောက်ထပ် ပေါင်းသတ်ဆေး ထပ်ဖျန်းစရာ မလိုလောက်အောင်ကို ပေါင်းပေါက်ရောက်မှုကို ထိထိရောက်ရောက် ဟန့်တားပေးနိုင်ပါတယ်။ 👉 စမတ်သီးစုံဆိုတာ အပင်တိုင်းအတွက် အဓိကအာဟာရNPK (19:7:8)နဲ့ #ဟူးမစ်အက်စစ်တို့ အချိုးကျ ပေါင်းစပ်ထားတဲ့ ကွန်ပေါင်းဓာတ်မြေဩဇာဖြစ်ပါတယ်။ အဓိကအကျိုးကျေးဇူးတွေအနေနဲ့ကတော့ နိုက်ထရိုဂျင် 19%ပါဝင်တဲ့အတွက် ကလိုရိုဖီးလ်ဖွဲ့စည်းမှုကို အားပေးကာ သီးနှံပင်များ၏အရွက်များစိမ်းလန်းသန်စွမ်းပြီး အစာချက်လုပ်မှုအားကောင်းစေပါတယ်။ 👉 ဆလက်ပလက်စ်ဆိုတာ စပါးဆစ်ပိုး (Rice stem borer) ၊ စပါးရွက်လိပ်ပိုး(Rice leaf folder)၊ စပါးငမြောင်တောင်ပိုး( Rice armyworm) စတဲ့ စပါးဖျက်ပိုးတွေကိုလည်း ၇၀%အထိကို ကာကွယ်နှိမ်နင်းနိုင်ပါတယ်။ 👉စပါးနှံတွေ ထွက်လာခါမှ ဂုတ်ကျိုးရောဂါကြောင့် အနှံဖြူပြီး ပျက်စီးသွားတာဟာ တောင်သူတို့အတွက် အကြီးမားဆုံး ဆုံးရှုံးမှုပါပဲ။ ဒီဆုံးရှုံးမှုကို အမြစ်ပြတ် တားဆီးဖို့ဆိုရင် ရှူးဝါး ကိုသာ သတိရလိုက်ပါ။ 👉စပါးခင်းမှာ ရွက်ဖျားဝါပြီး မီးလောင်သလို အကွက်လိုက်ဖြစ်ကာ တဖြည်းဖြည်းခြောက်လိုက်လာပြီဆို အဲ့ဒါကိုဖြုတ်လောင်ခြင်း (hopper burn)လို့ခေါ်ပါတယ်။ မထိန်းချုပ်နိုင်အောင် ဆိုးဆိုးရွားရွာကျရောက်ပါက အထွက်နှုန်းကို ရာနှုန်းပြည့်ထိ ဆုံးရှုံးစေနိုင်တာတာကို ဗိုက်တာဂရိုကိုသာ ထိန်းချုပ်နိုင်တာပါ