မိုးလယ်ကာလ ဘယ်တော့ကုန်မလဲ..?

ECMWF forecast 2024 မှ ၁ နာရီ ၄၅ မိနစ်အချိန်ရရှိသည့်ဒေတာများအရ

၂၀၂၄ ခုနှစ်မိုးရာသီရဲ့ မိုးလယ်ကာလဟာ ဩဂုတ်လ ၃၁ ရက်နေ့မှ ကုန်ဆုံးပြီး မိုးနှောင်းကာလထဲကိုဝင်ရောက်မှာ ဖြစ်ပါတယ်။

ဒီကာလအတွင်းမှာ ကုန်းတွင်းလေဖိအားနည်းရပ်ဝန်းတွေက အိန္ဒိယနိုင်ငံ၊ ဘင်္ဂလားဒေ့ရှ်နိုင်ငံနဲ့ မြန်မာနိုင်ငံအလယ်ပိုင်းဒေသများအပေါ်မှာ ရံဖန်ရံခါဖြစ်ပေါ်လေ့ရှိပြီး အနောက်တောင်မုတ်သုံလေကို အားကောင်းနေစေမှာဖြစ်ပါတယ်။ အလားတူ တောင်တရုတ်ပင်လယ်နဲ့ တရုတ်ပြည်မ အနောက်တောင်ဘက်ကမ်းခြေဒေသများပေါ်မှာလဲ ကုန်းတွင်းလေဖိအားနည်းရပ်ဝန်းတွေ မကြာခဏဆိုသလို ဖြစ်ပေါ်လာတတ်ပါတယ်။ တောင်တရုတ်ပင်လယ်ဘက်မှာရော၊ ဘင်္ဂလားပင်လယ်အော်၊ အာရေဗျပင်လယ်တွေဘက်မှာရော မုန်တိုင်းဖြစ်ပေါ်နိုင်မဲ့ ကြိုတင်ခန့်မှန်းချက်တွေတော့ ဩဂုတ်လ ၂၂ ရက်အထိ ကြိုတင်တွေ့မြင်ရခြင်း မရှိပါဘူး။

ဒီနေ့ ... ဩဂုတ်လ ၁၃ ရက် နေ့လည်ပိုင်းမှာရရှိတဲ့ ECMWF model forecast က အိန္ဒိယနိုင်ငံတောင်ပိုင်းအစွန်၊ သီရိလင်္ကာကျွန်းအနောက်ဘက်မှာ လေဖိအားနည်းရပ်ဝန်းတခုဖြစ်ပေါ်နေပြီး ၂၄ နာရီအတွင်း မြောက်ဘက်(အိန္ဒိယနိုင်ငံတောင်ဘက်စွန်ပြည်နယ်များဘက်)သို့ရွေ့လျားကာ အိန္ဒိယနိုင်ငံတောင်ပိုင်းကုန်းတွင်းကို ဝင်ရောက်သွားမယ်၊ ကုန်းတွင်းလေဖိအားနည်းရပ်ဝန်းအနေနဲ့ဆက်လက်တည်ရှိနေနိုင်မယ်လို့ ခန့်မှန်းထားတာ တွေ့ရပါတယ်။

ဒီအခြေအနေကြောင့် ...

ဘင်္ဂလားပင်လယ်အော်တောင်ပိုင်းမှာ အနောက်တောင်မုတ်သုံလေအားအလွန်ကောင်းလာကာ

နောက် ၃ ရက်(၇၂ နာရီအတွင်း) -

မွန်ပြည်နယ်၊ ကရင်ပြည်နယ်၊ ပဲခူးတိုင်း၊ နေပြည်တော်၊ ရခိုင်ပြည်နယ်၊ ချင်းပြည်နယ်၊ ကယားပြည်နယ်၊ မန္တလေးတိုင်း၊ ရှမ်းပြည်နယ်တောင်ပိုင်းနှင့် အရှေ့ပိုင်းတို့တွင် မိုးများနိုင်ပြီး၊ ကျန်ပြည်နယ်တိုင်းအားလုံး မိုးအသင့်အတင့်ရွာနိုင်ပါမယ်။

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟု ထည့်ပေးပါရန် မေတ္တာရပ်ခံအပ်ပါသည်။  

မာလာမြိုင် ကုမ္ပဏီ ကြော်ငြာ

ဦးကြီးတို့ရဲ့ မြေကြီးက ရွှေသီးဖို့ပဲ ဖြစ်သင့်တာပေါ့။ ဒါပေမဲ့ စပါးခင်းထဲ ရွှေခရုရောက်လာပြီဆိုရင်တော့ မြေကြီးက ရွှေသီးဖို့ကို အနှောင့်အယှက် ကောင်းကောင်းကြီးပေးပါလိမ့်မယ်။ မြန်မာ့မျိုးရင်းခရုမဟုတ်တဲ့ တောင်အမေရိကမျိုးစိတ်ဖြစ်ပြီး မြန်မာနိုင်ငံကို ကျူးကျော်လာတဲ့ မျိုးစိတ်ဖြစ်တာကြောင့် အကောင်ပွားနှုန်းကလည်း အဆမတန် မြင့်တက်လာပါတယ်။ ခရုအမ တစ်ကောင်က တစ်ခါ ဥ မယ်ဆိုရင် ဥအရေအတွက် ၁၀၀ ကနေ ၁၀၀၀ အထိ အတွဲလိုက်ဥကြပြီး တစ်နှစ်မှာ ၃ ကြိမ်အထိ မျိုးပွားနိုင်ပါတယ်။ စပါးခင်းတွေမှာ ရွှေခရုကျပြီဆိုရင် ပန်းရောင် ဥ တွေ ကို စပါးပင်တွေမှာ တွေ့ရနိုင်ပါတယ်။ ဒီရွှေခရုတွေကို ရှင်းပစ်ဖို့အတွက်ကတော့ မာလာမြိုင်ရဲ့ ခရုဘုရင် ရှိနေပါပြီ။ ခရုဘုရင်က စားသေအစွမ်းနဲ့ အဆိပ်ငွေ့အာနိသင်ရှိတာကြောင့် ရွှေခရုတွေကို အထိရောက်ဆုံး ရှင်းပေးနိုင်မှာပါ။ အစွမ်းရှိပစ္စည်းဖြစ်တဲ့ Niclosamide -olamine 83.1% WP ပါဝင်ပြီး Chloronitrophenol ဆေးအုပ်စုထဲ ပါဝင်ပါတယ်။ ရေဖျော်ဆေးမှုန့်အမျိုးအစားဖြစ်လို့ ရေ ၂၀ လီတာဝင်တဲ့ဆေးဖျန်းပုံး တစ်ပုံးမှာ ၄၀ ကနေ ၅၀ ဂရမ်အထိ အသုံးပြုနိုင်ပါတယ်။ နှုန်းထားကိုတော့ တစ်ဧကမှာ ၁၅၀ ကနေ ၂၀၀ ဂရမ်နဲ့ တွက်ချက်ပေးထားပါတယ်။ သတိပြုရမှာတော့ ဆေးဖျန်းပြီးနောက်ပိုင်း စပါးခင်းအတွင်းမှာရှိတဲ့ ရေကို ၅ စင်တီမီတာနဲ့ ၃ ရက်ထားဖို့ လိုအပ်ပါတယ်။ ဆေးဖျန်းပြီး ၅၂ ရက်ကြာမှ ရိတ်သိမ်းသင့်ပါတယ်။ ခရုဘုရင်နဲ့ဆို စပါးခင်းကို ဒုက္ခပေးတဲ့ ရွှေခရုတွေကို ရှင်းလင်းနိုင်ပြီး မြေကြီးက ရွှေသီးနိုင်ပြီပေါ့ဗျာ။

Read more

Facebook Page သို့သွားရန်