ဩဂုတ်လကုန်ရက်များ တစ်နိုင်ငံလုံးမိုးပိုလာဦးမည်..

အိန္ဒိယနိုင်ငံမြောက်ပိုင်းမှ ကုန်းတွင်းလေဖိအားနည်းရပ်ဝန်းသည် အနောက်ဘက်သို့ ဆက်လက်ရွေ့လျားနေပြီး၊ ဘင်္ဂလားပင်လယ်အော်မြောက်ပိုင်း (ဘင်္ဂလားဒေ့ရှ်နိုင်ငံနှင့် ဘင်္ဂလားပင်လယ်အော်မြောက်ပိုင်း)တွင် လေဖိအားနည်းရပ်ဝန်းတစ်ခု အသစ်ထပ်မံဖြစ်ပေါ်လာကြောင်း တွေ့ရပါသည်။

ဩဂုတ် ၂၅ ရက် နံနက် ၁၀ နာရီတွင် တွေ့ရှိရသော REFERING MODELS: ECMWF, ECMWF(AIFS), GFS, ICON(WINDY and METEOBLUE apps) အရ

လေဖိအားနည်းရပ်ဝန်းများ ဆက်လက်ရွေ့လျားနိုင်မည့် အခြေအနေမှာ

ဩဂုတ်လ လအကုန် ၃၀-၃၁ ရက်နေ့များတွင် အိန္ဒိယနိုင်ငံမြောက်ပိုင်းမှ ကုန်းတွင်းလေဖိအားနည်းရပ်ဝန်းသည် အာရေဗျပင်လယ်သို့လည်းကောင်း၊ ဘင်္ဂလားပင်လယ်အော်မြောက်ပိုင်းမှ လေဖိအားနည်းရပ်ဝန်းသည် အိန္ဒိယနိုင်ငံ အရှေ့ဘက်ကမ်းခြေ(အန်ဒရာပရာဒက်ရှ်ပြည်နယ်ကမ်းခြေ)သို့လည်းကောင်း ဦးတည်ရွေ့လျားနိုင်ကြောင်း ECMWF-AI ကြိုတင်ခန့်မှန်းချက်တွင် တွေ့ရပါသည်။

မြန်မာနိုင်ငံဘက်သို့ သက်ရောက်နိုင်မည့် မိုးလေဝသအခြေအနေမှာ

ဘင်္ဂလားပင်လယ်အော်မြောက်ပိုင်းမှ လေဖိအားနည်းရပ်ဝန်းသည် အားကောင်းသောလေဖိအားနည်းရပ်ဝန်းအဆင့်အထိရောက်ရှိလာနိုင်ပြီးမြန်မာနိုင်ငံဘက်သို့ ဦးတည်ရွေ့လျားနိုင်မည့် အခြေအနေမရှိသော်လည်း၊ ဩဂုတ်လ လကုန်ပိုင်းနှင့် စက်တင်ဘာလဆန်း မိုးနှောင်းကာလအစပိုင်းရက်များ၌ မြန်မာတစ်နိုင်ငံလုံးတွင် မိုးပိုလာနိုင်မည်ဖြစ်ကြောင်း ကြိုတင်ခန့်မှန်းချက်များတွင် တွေ့ရပါသည်။

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။

Farm Link Co.,Ltd ကြော်ငြာ

🌾စပါးဈေးမကောင်းတဲ့ ရာသီမှာ အမြတ်ကျန်အောင် ဘယ်လိုစိုက်မလဲ⁉️ ❗စပါးဈေးကလည်းမသေချာ၊ သွင်းအားစုစရိတ်တွေကလည်း တက်နေတဲ့ဒီလိုအချိန်မှာ သွင်းအားစုဖိုးကို လျှော့ချပြီး အထွက်နှုန်းကို ထိန်းထားနိုင်မှ ဦးကြီးတို့ အဆင်ပြေမှာနော် ✔️ဒါကြောင့် ကိုယ်သုံးသမျှ ကိုယ့်အတွက်အကျိုးရစေမယ့် အရည်အသွေးစိတ်ချရတဲ့ သွင်းအားစုပစ္စည်းတွေကိုပဲ ရွေးချယ်သုံးသင့်ပါတယ်။