မိုးရာသီရောက်လာနိုင်တော့မည့် လက္ခဏာများကို တနင်္သာရီတိုင်းနဲ့ မွန်ပြည်နယ်မှာ စတင်တွေ့မြင်နေရ

အနောက်တောင်မုတ်သုံလေဝင်ရောက်ပြီး မုတ်သုံမိုးရာသီရောက်လာနိုင်တော့မည့် လက္ခဏာများကို တနင်္သာရီတိုင်းနဲ့ မွန်ပြည်နယ်တွေမှာ စတင်တွေ့မြင်နေရပြီ ဖြစ်ပါတယ်။ လက်ရှိဖြစ်ပေါ်လာတဲ့အခြေအနေများကြောင့် အနောက်တောင်မုတ်သုံလေဝင်ရောက်နိုင်ချေကလဲ ပုံမှန်ရက်များနီးပါးဝင်ရောက်နိုင်မယ်လို့တော့ ခန့်မှန်းရပါတယ်။

💦 မွန်-တနင်္သာရီကမ်းရိုးတန်းတလျှောက် တောင်ဘက်အစွန်မှ မြောက်ဘက်အထိ ကော့သောင်း၊ မြိတ်၊ ထားဝယ်၊ ရေး၊ မော်လမြိုင်၊ ဘီးလင်း စတဲ့မြို့များရဲ့ မိုးလေဝသအခြေအနေကြိုတင်ခန့်မှန်းချက်များမှာ -

တနင်္သာရီတိုင်းမြို့တွေဆိုရင် မေလ ၇ ရက်(ယနေ့)မှ စတင်ပြီး မေလ ၂၀ ရက်အတွင်း နေ့စဉ် မိုးပုံမှန်ရွာနိုင်မဲ့ အခြေအနေများဖြစ်လာတာ တွေ့နေရပါတယ်။

💦 မွန်ပြည်နယ်မြို့များကတော့ ရက်အနည်းငယ်နောက်ကျကာ မေလ ၁၅ ရက်နောက်ပိုင်းမှ မိုးမှန်လာနိုင်ကြောင်း တွေ့ရပါတယ်။

💦 မိုးရွာရန်ရာခိုင်နှုန်းများအနေနဲ့ဆိုရင်လဲ တနင်္သာရီတိုင်းမြို့တွေမှာ အနည်းဆုံး ၆၀% မှ ၉၀% ၊ မွန်ပြည်နယ်ကမ်းရိုးတန်းအနီးကမြို့တွေမှာ အနိမ့်ဆုံး ၅၅% မှ ၈၀% အထိရှိလာတာဖြစ်ပါတယ်။

ကပ္ပလီပင်လယ်နဲ့ ဘင်္ဂလားပင်လယ်အော်အတွင်းမှာ မေလ ၂၃ နေ့အထိ GEFS Model(ENSEMBLE)ကြိုတင်ခန့်မှန်းချက်များအရ မုန်တိုင်း/လေဖိအားနည်းရပ်ဝန်းဖြစ်လာနိုင်မဲ့အခြေအနေများ မရှိကြောင်း၊ အနောက်-အနောက်တောင်ဘက်မှ လေတိုက်ခတ်မှုအခြေအနေတဖြည်းဖြည်းတိုးမြင့်လာနိုင်ကြောင်းတို့ကိုလည်း တွေ့ရပါတယ်။

လတ်တလောရရှိတဲ့ ကြိုတင်ခန့်မှန်းချက်များအရ -

မကြာမီရက်များအတွင်းမှာ အများမျှော်လင့်နေကြတဲ့ မိုးရာသီကာလကိုရောက်ရှိပြီး မုတ်သုံမိုးများရွာနိုင်မဲ့ အချိန်တဖြည်းဖြည်းနီးကပ်လာပြီဖြစ်ပါကြောင်း သတင်းကောင်းပါးလိုက်ရပါတယ်။

ဒါ့အပြင် နောက်ဆုံး Data အရ မေလ ၇ ရက်နေ့ ညနေပိုင်း မွန်-တနင်္သာရီဒေသအပေါ် တိမ်တွေဖြစ်လာတာက ပိုများ၊ ပိုထူလာပါတယ်။

မုတ်သုံဝင်မဲ့ လက္ခဏာတွေ စပြီးမြင်လာရပါပြီ။ ရွာသွန်းမြဲပြည့်မီအောင် မိုးရွာဖို့ပဲ လိုတော့တယ်။

ဆိုတော့ စပါးရိတ်ရဦးမယ့် တောင်သူဦးကြီးများလည်း မေ ၂၀ ရက်မတိုင်ခင် အပြီးရိတ်နိုင်ရင်ရိတ်၊ အမိုးအကာပြင်ဆင်သင့်တာပြင်ဆင်ကြရမဲ့ အချိန်ရောက်လာပါပြီ။

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။

Farm Link Co.,Ltd ကြော်ငြာ

စပါးစိုက်ပျိုးဖို့ ပြင်နေကြပြီလား? ဒါဆို Farm Link ရဲ့ အထူး special product တွေနဲ့ မိတ်ဆက်ပေးလိုက်ပါတယ်.. 👉 Erase (အီရေစ့်) က ပေါင်းပင်တွေကို သေစေရုံတင်မကဘဲ နောက်ထပ် ပေါင်းသတ်ဆေး ထပ်ဖျန်းစရာ မလိုလောက်အောင်ကို ပေါင်းပေါက်ရောက်မှုကို ထိထိရောက်ရောက် ဟန့်တားပေးနိုင်ပါတယ်။ 👉 စမတ်သီးစုံဆိုတာ အပင်တိုင်းအတွက် အဓိကအာဟာရNPK (19:7:8)နဲ့ #ဟူးမစ်အက်စစ်တို့ အချိုးကျ ပေါင်းစပ်ထားတဲ့ ကွန်ပေါင်းဓာတ်မြေဩဇာဖြစ်ပါတယ်။ အဓိကအကျိုးကျေးဇူးတွေအနေနဲ့ကတော့ နိုက်ထရိုဂျင် 19%ပါဝင်တဲ့အတွက် ကလိုရိုဖီးလ်ဖွဲ့စည်းမှုကို အားပေးကာ သီးနှံပင်များ၏အရွက်များစိမ်းလန်းသန်စွမ်းပြီး အစာချက်လုပ်မှုအားကောင်းစေပါတယ်။ 👉 ဆလက်ပလက်စ်ဆိုတာ စပါးဆစ်ပိုး (Rice stem borer) ၊ စပါးရွက်လိပ်ပိုး(Rice leaf folder)၊ စပါးငမြောင်တောင်ပိုး( Rice armyworm) စတဲ့ စပါးဖျက်ပိုးတွေကိုလည်း ၇၀%အထိကို ကာကွယ်နှိမ်နင်းနိုင်ပါတယ်။ 👉စပါးနှံတွေ ထွက်လာခါမှ ဂုတ်ကျိုးရောဂါကြောင့် အနှံဖြူပြီး ပျက်စီးသွားတာဟာ တောင်သူတို့အတွက် အကြီးမားဆုံး ဆုံးရှုံးမှုပါပဲ။ ဒီဆုံးရှုံးမှုကို အမြစ်ပြတ် တားဆီးဖို့ဆိုရင် ရှူးဝါး ကိုသာ သတိရလိုက်ပါ။ 👉စပါးခင်းမှာ ရွက်ဖျားဝါပြီး မီးလောင်သလို အကွက်လိုက်ဖြစ်ကာ တဖြည်းဖြည်းခြောက်လိုက်လာပြီဆို အဲ့ဒါကိုဖြုတ်လောင်ခြင်း (hopper burn)လို့ခေါ်ပါတယ်။ မထိန်းချုပ်နိုင်အောင် ဆိုးဆိုးရွားရွာကျရောက်ပါက အထွက်နှုန်းကို ရာနှုန်းပြည့်ထိ ဆုံးရှုံးစေနိုင်တာတာကို ဗိုက်တာဂရိုကိုသာ ထိန်းချုပ်နိုင်တာပါ