ဧပြီလ ၉ ရက် မှ ၁၆ ရက်အထိ ၇ ရက်အတွင်း မိုးအနည်းငယ်ထစ်ချုန်းရွာနိုင်မည့်ဒေသများ

ဧပြီလ ၁၀ ရက် ညနေ ၄ နာရီ Update အရ

ဩစတေးလျတိုက်အရှေ့ဘက်၊ ပစိဖိတ်သမုဒ္ဒရာတောင်ပိုင်းမှ CAT-3 ဆိုင်ကလုန်းမုန်တိုင်း MAILA သည် မူလခန့်မှန်းလမ်းကြောင်းအတိုင်း အနောက်-အနောက်တောင်ဘက်သို့ ဆက်လက်ရွေ့လျားပြီး ဩစတေးလျအရှေ့မြောက်ပိုင်းကို CAT-3 ဆိုင်ကလုန်းမုန်တိုင်းအဖြစ် ဖြတ်ကျော်ဝင်ရောက်နိုင်ပါမယ်။ ပစိဖိတ်သမုဒ္ဒရာအနောက်မြောက်ပိုင်းမှ INVEST-90W သည် လေဖိအားနည်းရပ်ဝန်း TD-04W ဖြစ်လာပါတယ်။

ECMWF forecast via CHART အရ မွန်ပြည်နယ်၊ ကရင်ပြည်နယ်၊ ရန်ကုန်တိုင်း၊ ဧရာဝတီတိုင်း၊ ပဲခူးတိုင်း၊ မကွေးတိုင်း၊ မန္တလေးတိုင်း၊ နေပြည်တော်၊ စစ်ကိုင်းတိုင်းတို့တွင် ဧပြီ ၁၃ ရက်မှ စတင်၍ နေ့အပူချိန်များ မြင့်လာနိုင်ပြီး၊ VENTUSKY APP ကြိုတင်ခန့်မှန်းချက်အရ ရန်ကုန်တိုင်း၊ ပဲခူးတိုင်း၊ နေပြည်တော်၊ မန္တလေးတိုင်း၊ ၊ မကွေးတိုင်း၊ စစ်ကိုင်းတိုင်းတို့တွင် ဧပြီ ၁၆ ရက်၏ နေ့အပူချိန် ၃၉°C မှ ၄၂°C အထိ ရှိနိုင်ပါတယ်။

ဧပြီလ ၉ ရက် မှ ၁၆ ရက်အထိ ၇ ရက်အတွင်း ရှမ်းပြည်နယ်မြောက်ပိုင်း၊ မန္တလေးတိုင်းမြောက်ပိုင်း (မန္တလေးမြို့နှင့်အထက်)၊ စစ်ကိုင်းတိုင်းနှင့် ကချင်ပြည်နယ်တို့တွင် မိုးအနည်းငယ်မှ အသင့်အတင့် ထစ်ချုန်းရွာနိုင်ပါမယ်။ မိုးတိမ်များဝင်ရောက်မည့် လမ်းကြောင်းပေါ်မူတည်ပြီး ရှမ်းပြည်နယ်တောင်ပိုင်းနှင့် မွန်/ကရင်ပြည်နယ်တို့တွင် မိုးအနည်းငယ်ထစ်ချုန်းရွာနိုင်ပါတယ်။

အိန္ဒိယသမုဒ္ဒရာမြောက်ပိုင်းမှ လေစီးကြောင်းများအခြေအနေအရ အနောက်-အနောက်မြောက်လေဆက်လက်အားကောင်းလျှက်ရှိပြီး၊ အီကွေတာဖြတ်ကျော်လေစီးကြောင်း CEF သည် မြောက်မှတောင်သို့ ဆက်လက်တိုက်ခတ်နေဆဲဖြစ်သည်။ CEF တောင်မှမြောက်သို့ပြောင်းလဲ တိုက်ခတ်ပြီး အီကွေတာတလျှောက်မှ ITCZ - INTER-TROPICAL CONVECTION ZONE မြောက်ဘက်သို့ စတင်ရွေ့လာချိန် ခန့်မှန်း မေလ ၂၀ ရက် ဝန်းကျင်တွင် အနောက်တောင်မုတ်သုံလေဦးအစပျိုးလာနိုင်ပါမည်။ အဆိုပါလေကြောင်းပြောင်းလဲမှုကို စတင်တွေ့ရနိုင်ပါသည်။

မိုးလေဝသပညာရှင် ဆရာဦးဝင်းနိုင်၏ ခွင့်ပြုချက်ဖြင့် ပြန်လည်ဖော်ပြသော သတင်းဖြစ်သည်။

Farm Link Co.,Ltd ကြော်ငြာ

🌾စပါးဈေးမကောင်းတဲ့ ရာသီမှာ အမြတ်ကျန်အောင် ဘယ်လိုစိုက်မလဲ⁉️ ❗စပါးဈေးကလည်းမသေချာ၊ သွင်းအားစုစရိတ်တွေကလည်း တက်နေတဲ့ဒီလိုအချိန်မှာ သွင်းအားစုဖိုးကို လျှော့ချပြီး အထွက်နှုန်းကို ထိန်းထားနိုင်မှ ဦးကြီးတို့ အဆင်ပြေမှာနော် ✔️ဒါကြောင့် ကိုယ်သုံးသမျှ ကိုယ့်အတွက်အကျိုးရစေမယ့် အရည်အသွေးစိတ်ချရတဲ့ သွင်းအားစုပစ္စည်းတွေကိုပဲ ရွေးချယ်သုံးသင့်ပါတယ်။