ဩဂုတ် ၉ - ၁၁ ရက်အတွင်း သတိပြုရမည့် မြို့နယ်များ (ရခိုင်၊ တနင်္သာရီ၊ ဧရာဝတီ)

ဩဂုတ်လ ၄ ရက် ညနေ ၃ နာရီတွင် ရရှိသည့် Windy 850 hPa Wind Map (ECMWF, GFS, ICON မော်ဒယ်များ) ၏ ဩဂုတ်လ ၉ ရက် မှ ၁၁ ရက်အထိ ခန့်မှန်းချက် ပုံရိပ်များကို အခြေခံ၍ ဘင်္ဂလားပင်လယ်အော်၊ အနောက်တောင်မုတ်သုံလေနှင့် မြန်မာနိုင်ငံအပေါ် သက်ရောက်နိုင်သည့် မိုးလေဝသ အခြေအနေများ -

၁။ တိုင်ဖွန်းမုန်တိုင်းကြီး DOLPHIN နှင့် မုတ်သုံလေဆက်လက်အားကောင်းနေမည့် အခြေအနေ - ဩဂုတ် (၉) ရက်မှ (၁၁) ရက်အတွင်း တိုင်ဖွန်းမုန်တိုင်းကြီး DOLPHIN သည် တရုတ်ပြည် အရှေ့တောင်ဘက် ကမ်းရိုးတန်း (ရှန်ဟိုင်း/ဝမ်ကျိုး/ကွမ်ကျိုး အနီး) သို့ ကုန်းတွင်းပိုင်း ဖြတ်ကျော်ဝင်ရောက်ပြီး အားလျော့နည်းသွားသော်လည်း အားကောင်းသော လေဖိအားနည်းရပ်ဝန်းအဖြစ် တရုတ်ပြည်တွင်း၌ ဆက်လက်တည်ရှိနေနိုင်ပါသည်။

မုတ်သုံလေစီးကြောင်း/မုတ်သုံမြောင်တန်း (Monsoon Trough) - မုန်တိုင်း၏ ဆွဲအားကြောင့် အိန္ဒိယသမုဒ္ဒရာနှင့် ဘင်္ဂလားပင်လယ်အော်တို့မှ အနောက်တောင်မုတ်သုံလေအားဆက်လက်ကောင်းနေပြီး (Strong Southwestern Monsoon) မြန်မာနိုင်ငံနှင့် ထိုင်းနိုင်ငံ၊ ဗီယက်နမ်နိုင်ငံတို့ဘက်သို့ အတားအဆီးမရှိ တိုက်ရိုက်တိုးဝင်နေသည်ကို (ခရမ်းရောင်နှင့် ပန်းရောင် လေကြောဇုန်များအရ) ထင်ရှားစွာ တွေ့မြင်ရပါသည်။

၂။ ဘင်္ဂလားပင်လယ်အော် မြောက်ပိုင်းမှ လေထု မငြိမ်မသက်မှု (Depression / Cyclonic Circulation) - မော်ဒယ် (၃) ခုစလုံး၏ ဩဂုတ်လ (၉) ရက်မှ (၁၁) ရက်ပြပုံများအရ ဘင်္ဂလားပင်လယ်အော် မြောက်ပိုင်းနှင့် အိန္ဒိယနိုင်ငံ ကမ်းလွန်ပင်လယ်ပြင် တွင် အရေးပါသော ဖြစ်စဉ်တစ်ခုကို တွေ့ရှိရပါသည်။

ဩဂုတ် (၉) ရက်နေ့ အခြေအနေ - ဘင်္ဂလားပင်လယ်အော် မြောက်ပိုင်း (ဘင်္ဂလားဒေ့ရှ်/အိန္ဒိယ အိုဒီရှာ ကမ်းလွန်) တွင် လေဝဲစနစ် (Cyclonic Circulation) သို့မဟုတ် လေဖိအားနည်းရပ်ဝန်း (Low Pressure Area) တစ်ခု စတင် အားကောင်းလှည့်ပတ်လာပါသည်။

ဩဂုတ် (၁၁) ရက်နေ့ အခြေအနေ - ICON မော်ဒယ် အရ ဘင်္ဂလားပင်လယ်အော် မြောက်ပိုင်းတွင် ပိုမိုရှင်းလင်းသော လေဖိအားနည်းရပ်ဝန်း လေဝဲ (997 hPa) အဖြစ် ပြတ်သားစွာ ဖြစ်ပေါ်လာနေသည်ကို တွေ့ရပါသည်။ ECMWF နှင့် GFS မော်ဒယ်များ တွင်လည်း အဆိုပါ ဒေသတစ်ခုလုံး၌ လေထုမငြိမ်မသက်မှု ပိုမိုမြင့်မားလာပြီး မုတ်သုံလေစီးကြောင်းအဖြစ် အိန္ဒိယနိုင်ငံအတွင်းပိုင်းနှင့် မြန်မာနိုင်ငံ အထက်ပိုင်း/အလယ်ပိုင်းသို့ ရေခိုးရေငွေ့ကြွယ်ဝသောလေများ ဆက်တိုက်တွန်းပို့ပေးနေပါသည်။

၃။ မြန်မာနိုင်ငံအပေါ် သက်ရောက်နိုင်သည့် မိုးလေဝသ အခြေအနေ ခန့်မှန်းချက် - အထက်ဖေါ်ပြပါ 850 hPa လေကြောင်းပြပုံများအရ ဩဂုတ် (၉) ရက်မှ (၁၁) ရက်အတွင်း မြန်မာနိုင်ငံတစ်ဝန်းတွင် အောက်ပါမိုးလေဝသအခြေအနေများ ဖြစ်ပေါ်နိုင်ပါသည်-

မိုးရွာသွန်းမှု အခြေအနေ -  မြန်မာနိုင်ငံ တောင်ပိုင်း (တနင်္သာရီတိုင်း)၊ မြစ်ဝကျွန်းပေါ် (ဧရာဝတီ၊ ရန်ကုန်) နှင့် ရခိုင်ကမ်းရိုးတန်းဒေသများတွင် မုတ်သုံလေ အလွန်အားကောင်းသည့်အတွက် မိုးကြီးခြင်း၊ မိုးသည်းထန်စွာ ရွာသွန်းခြင်းများ မပြတ်ဖြစ်ပေါ်နိုင်ပါသည်။ မြန်မာနိုင်ငံ အလယ်ပိုင်းနှင့် အထက်ပိုင်း (စစ်ကိုင်းတိုင်း၊ မန္တလေးတိုင်း၊ ကချင်၊ ရှမ်းပြည်နယ်)တို့တွင် ဘင်္ဂလားပင်လယ်အော် မြောက်ပိုင်း လေဖိအားနည်းရပ်ဝန်းနှင့် မုတ်သုံလေစီးကြောင်းတို့ပေါင်းစပ်ကာ စိုစွတ်သော လေထုကို ဆွဲယူသွင်းပေးမည်ဖြစ်သဖြင့် မိုးတိမ်တောင်များ အားကောင်းစွာဖြစ်ထွန်းပြီး နေရာကွက်၍ မိုးကြီးခြင်းနှင့် လျှပ်တစ်ပြက် မိုးကြိုးမုန်တိုင်းများ ဖြစ်ပေါ်နိုင်ပါသည်။

ပင်လယ်ပြင် အခြေအနေ - မြန်မာ့ကမ်းရိုးတန်းတစ်လျှောက်နှင့် ကမ်းလွန်ပင်လယ်ပြင်တို့တွင် လှိုင်းကြီးမည်/လှိုင်းအလွန်ကြီးမည် ဖြစ်ပြီး၊ မုတ်သုံလေ အားကောင်းသဖြင့် လေတိုက်နှုန်းမှာ နာရီလျှင် (၃၅) မိုင်မှ (၄၀) မိုင်အထိ လေပြင်း (WIND GUST)တိုက်ခတ်နိုင်ပါသည်။

၄။ သုံးသပ်အကျဉ်းချုပ်

တိုင်ဖွန်းမုန်တိုင်း DOLPHIN သည် တရုတ်ပြည်တွင်းသို့ ဝင်ရောက်သွားသော်လည်း ဘင်္ဂလားပင်လယ်အော် မြောက်ပိုင်းတွင် လေဖိအားနည်းရပ်ဝန်း စနစ်အသစ်တစ်ခုကို လှုံ့ဆော်ပေးလိုက်သကဲ့သို့ ဖြစ်စေပြီး၊ အနောက်တောင်မုတ်သုံလေကို ပိုမိုအားကောင်းစေပါသည်။ ထို့ကြောင့် ဩဂုတ်လ (၉) ရက်မှ (၁၁) ရက်အတွင်း မြန်မာနိုင်ငံ ကမ်းရိုးတန်းဒေသများ (ရခိုင်၊ တနင်္သာရီ၊ ဧရာဝတီ) ၌ ရေကြီး/ရေလျှံမှုနှင့် လှိုင်းကြီးမှု အန္တရာယ်ကိုလည်းကောင်း၊ အလယ်ပိုင်းနှင့် အထက်ပိုင်းဒေသများ၌ လျှပ်တစ်ပြက် မိုးကြီးခြင်းနှင့် မိုးကြိုး/လေပြင်း အန္တရာယ် ကိုလည်းကောင်း ဆက်လက်သတိပြုရန် လိုအပ်မည်ဖြစ်ပါသည်။

မိုးလေဝသပညာရှင် ဆရာဦးဝင်းနိုင်၏ ခွင့်ပြုချက်ဖြင့် ပြန်လည်ဖော်ပြသော သတင်းဖြစ်သည်။

Farm Link Co.,Ltd ကြော်ငြာ

ရေမီးအစုံနဲ့ လေထီးခုန်နိုင်မယ့် ဖန်းလင့်ရဲ့ #စမတ်သီးစုံလာပါပြီ.....ဦးကြီးတို့ရေ ‌လေထီးခုန်ချင်ပေမယ့် စမတ်သီးစုံကို မသိသေးရင်တော့ ဒီစာလေးကို ဆက်ဖတ်‌ပေးပါ #စမတ်သီးစုံဆိုတာ အပင်တိုင်းအတွက် အဓိကအာဟာရNPK (19:7:8)နဲ့ #ဟူးမစ်အက်စစ်တို့ အချိုးကျ ပေါင်းစပ်ထားတဲ့ ကွန်ပေါင်းဓာတ်မြေဩဇာဖြစ်ပါတယ်။ အဓိကအကျိုးကျေးဇူးတွေအနေနဲ့ကတော့ နိုက်ထရိုဂျင် 19%ပါဝင်တဲ့အတွက် ကလိုရိုဖီးလ်ဖွဲ့စည်းမှုကို အားပေးကာ သီးနှံပင်များ၏အရွက်များစိမ်းလန်းသန်စွမ်းပြီး အစာချက်လုပ်မှုအားကောင်းစေပါတယ်။ အပင်၏ပင်ပိုင်းကြီးထွားမှုကို တိုးမြင့်စေကာ အပင်သန်၍ အကြီးမြန်စေပါတယ်။ သင့်တော်တဲ့ Phosphorus 7%ပါဝင်မှုကြောင့် အပင်ရဲ့ အမြစ်ဖွဲ့စည်းတည်ဆောက်မှုကို ပို၍သန်မာလာအောင် အားပေးပါတယ်။ ဒါ့အပြင် ပန်းပွင့်ခြင်း၊အသီးသီးခြင်း၊အစေ့တည်ခြင်းလုပ်ငန်းစဉ်များကိုလည်း အားပေးပါတယ်။ လုံလောက်တဲ့ Potassium 8%က အပင်ရဲ့ ရောဂါဒဏ်၊ရာသီဥတုဒဏ်ခံနိုင်ရည်ရှိမှုကို မြင့်တက်စေပြီး အသီးအရည်အသွေး၊ အရွယ်အစားနဲ့ အရသာ ပိုမိုကောင်းမွန်စေဖို့အတွက် လိုအပ်တဲ့အာဟာရဓာတ်ဖြစ်ပါတယ်။ ဟူးမစ်အက်စစ်ပါဝင်ပေါင်းစပ်ထားတဲ့အတွက် အာဟာရဓာတ်စုပ်ယူမှုကောင်းမွန်လာခြင်း၊မြေဆီလွှာဖွဲ့စည်းပုံနှင့်ရေထိန်းနိုင်စွမ်းအားကောင်းလာခြင်းအပါအဝင် အကျိုးကျေးဇူးများစွာကိုရရှိစေမှာဖြစ်ပါတယ်။ စပါးအပါအဝင် နှံစားသီးနှံများ၊ပဲအမျိုးမျိုး၊ဟင်းသီးဟင်းရွက်နဲ့ ဥယျာဉ်ခြံသီးနှံအားလုံးမှာ အသုံးပြုနိုင်တယ်ဆိုတော့ တစ်မျိုးတည်းနဲ့ အားလုံးပါဖက်(perfect)မယ့် စမတ်သီးစုံနော် အရွေးမမှားတာသေချာပြီမလို့ အတွေးမများဘဲ သီးနှံတိုင်းကြီးထွားအောင် ဖန်းလင့်ရဲ့ #စမတ်သီးစုံကို သုံးကြပါစို့....

Read more