ဦးဝင်းနိုင်ဖေဖော်ဝါရီ ၅ ရက် - ည ၁၀ နာရီ ၃၀ မိနစ်အချိန်ရရှိသည့်ဒေတာများအရ
📌 ဖိလစ်ပိုင်နိုင်ငံအရှေ့ဘက်ပင်လယ်ပြင်တွင်ဖြစ်ပေါ်နေသည့် အပူပိုင်းမုန်တိုင်း TS-PENHA သည် ဖိလစ်ပိုင်တောင်ပိုင်းကို ဖြတ်ကျော်ပြီးနောက် တောင်တရုတ်ပင်လယ်ထဲတွင် အနည်းငယ်အားပိုကောင်းလာနိုင်သော်လည်း Typhoon အဆင့်ထိအားပိုကောင်းလာနိုင်ချေနည်းပြီး Tropical Storm အဆင့်အတွင်းသာဆက်၍ရှိနေနိုင်ပါတယ်။ တိုင်ဖွန်းမုန်တိုင်းအဆင့်အထိရောက်နိုင်မည့်အခြေအနေ အလွန်နည်းပါတယ်။
📌 ECMWF Model ခန့်မှန်းလမ်းကြောင်းအရ မုန်တိုင်း PENHA သည် အနောက်-အနောက်တောင်ဘက်သို့ဆက်လက်ရွေ့လျားပြီး ဗီယက်နမ်နိုင်ငံတောင်ဘက် တောင်တရုတ်ပင်လယ်အနောက်တောင်ဘက်အထိ ရောက်ရှိလာနိုင်ကြောင်းခန့်မှန်းထားပါတယ်။ မုန်တိုင်းအရှိန်သက်ရောက်မှုကြောင့် တနင်္သာရီတိုင်းတောင်ပိုင်းဒေသအချို့တွင် ၇ ရက် မိုးရေချိန်ပေါင်း ၂၀.၃ mm (၀.၈ လက်မခန့်) မိုးအနည်းငယ်ရွာသွန်းနိုင်ပါတယ်။
📌 ECMWF Model ခန့်မှန်းလမ်းကြောင်းအရ မုန်တိုင်း PENHA ၏ အရှိန်သက်ရောက်မှုကြောင့် ရှမ်းပြည်နယ်အရှေ့ပိုင်း - မိုင်းလား၊ မိုင်းယောင်း၊ ကျိုင်းတုံ၊ တာချီလိတ် မြို့နယ်များတွင် မိုးအနည်းငယ်(မိုးဖွဲမျှသာ)ရွာနိုင်ပါမယ်၊ ဖေဖော်ဝါရီ ၈ ရက်နှင့် ၉ ရက်နေ့များတွင် ၂၄ နာရီအတွင်း မိုးရေချိန်အများဆုံး ၁.၅ မီလီမီတာခန့် (၀.၀၅ လက်မခန့်)သာ ရွာသွန်းရရှိနိုင်ပါတယ်။
မိုးလေဝသပညာရှင် ဆရာဦးဝင်းနိုင်၏ တရားဝင်ခွင့်ပြုချက်ဖြင့် ပြန်လည်ဖော်ပြသော သတင်းဖြစ်ပါသည်။
Farm Link Co.,Ltd ကြော်ငြာ
ဆွေးနွေးချက်များ
-
{{ comment.user.name }} - {{ formatDate(comment.created_at) }}
{{ question.title }}