နောက် ၂၄ နာရီအတွင်း ရခိုင်၊ ပဲခူး၊ ဧရာဝတီ၊ ရန်ကုန်၊ ကရင်၊ မွန်နဲ့ တနင်္သာရီတိုင်းတို့မှာ မိုးဆက်လက်များနိုင်ဖွယ်ရှိ

🔸 ထိုင်းမိုးလေဝဋ္ဌာန(TMD)က ထုတ်ပြန်တဲ့ မိုးလေဝသ chart အရ ဘင်္ဂလားပင်လယ်အော် မြောက်ပိုင်းမှ လေဖိအားနည်းရပ်ဝန်းက အနောက်ဘက်(အိန္ဒိယနိုင်ငံကုန်းတွင်းဘက်)ကို တဖြည်းဖြည်းရွေ့လျားရင်း အားပျော့လာတာတွေ့ရပါတယ်။ ဘင်္ဂလားပင်လယ်အော်မှာ အနောက်တောင်မုတ်သုံလေကတော့ အားအလွန်ကောင်းနေဆဲဖြစ်ပါတယ်။

🔸 မိုး/ဇလမှ ထုတ်ပြန်တဲ့ မြစ်ရေအခြေအနေ၊ Google Flood Hub မှ ဒီနေ့မနက်ရရှိတဲ့ မြစ်ရေကြီးတဲ့အခြေအနေတွေမှာတော့ ရခိုင်ပြည်နယ်၊ ပဲခူးတိုင်းအရှေ့ခြမ်း-အနောက်ခြမ်း၊ ဧရာဝတီတိုင်း၊ ရန်ကုန်တိုင်း၊ ကရင်ပြည်နယ်၊ မွန်ပြည်နယ်တွေထဲက မြစ်ချောင်းတွေမှာ ရေအမှတ်များမြင့်တက်နေဆဲဖြစ်ကြောင်းတွေ့ရပါတယ်။

🔸 နောက်လာမဲ့ ၂၄ နာရီအတွင်းမှာ ရခိုင်ပြည်နယ်၊ ပဲခူးတိုင်း၊ ဧရာဝတီတိုင်း၊ ရန်ကုန်တိုင်း၊ ကရင်ပြည်နယ်၊ မွန်ပြည်နယ်နဲ့ တနင်္သာရီတိုင်းတွေမှာ မိုးဆက်လက်များနေနိုင်ဦးမှာဖြစ်ကြောင်း တွေ့ရတာကြောင့် မြစ်ရေကြီးနေတဲ့ မြန်မာပြည်တောင်ပိုင်းဒေသများမှာ အထူးသတိထားပြီး ဆက်လက်ရင်ဆိုင်ဖြတ်ကျော်ကြရဖို့ ရှိနေပါတယ်။

🔸 ၂၀၂၄ ခုနှစ်၊ ဇူလိုင် ၁ ရက်နေ့မှာ ကချင်ပြည်နယ်က စတင်ဖြစ်လာတဲ့ ပထမရေကြီးကာလက အခု ဇူလိုင် ၂၇ ရက်အထိရောက်လာပြီး ၁ လနီးပါး ကြာမြင့်လာပြီဖြစ်ပါတယ်။ အကယ်၍မုတ်သုံအားပြတ်ခြင်း/အားလျော့ခြင်းမဖြစ်ရင် ဩဂုတ်လ လကုန် မိုးလယ်ရာသီကုန်ဆုံးချိန်အထိ မိုးတွေဆက်များနေပြီး ရေကြီးရက်ထပ်မံရှည်ကြာသွားနိုင်တာကြောင့် နောက်ဆက်တွဲဖြစ်လာနိုင်တဲ့ ကျန်းမာရေးဆိုင်ရာဆိုးကျိုးများအတွက် ရေကြီးတဲ့ဒေသအားလုံးမှာ ဆေးဝါး၊ သောက်သုံးရေလိုအပ်ချက်များ မြင့်တက်လာနိုင်ပါကြောင်း။

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။ 

မာလာမြိုင် ကုမ္ပဏီ ကြော်ငြာ

ဦးကြီးတို့ရဲ့ မြေကြီးက ရွှေသီးဖို့ပဲ ဖြစ်သင့်တာပေါ့။ ဒါပေမဲ့ စပါးခင်းထဲ ရွှေခရုရောက်လာပြီဆိုရင်တော့ မြေကြီးက ရွှေသီးဖို့ကို အနှောင့်အယှက် ကောင်းကောင်းကြီးပေးပါလိမ့်မယ်။ မြန်မာ့မျိုးရင်းခရုမဟုတ်တဲ့ တောင်အမေရိကမျိုးစိတ်ဖြစ်ပြီး မြန်မာနိုင်ငံကို ကျူးကျော်လာတဲ့ မျိုးစိတ်ဖြစ်တာကြောင့် အကောင်ပွားနှုန်းကလည်း အဆမတန် မြင့်တက်လာပါတယ်။ ခရုအမ တစ်ကောင်က တစ်ခါ ဥ မယ်ဆိုရင် ဥအရေအတွက် ၁၀၀ ကနေ ၁၀၀၀ အထိ အတွဲလိုက်ဥကြပြီး တစ်နှစ်မှာ ၃ ကြိမ်အထိ မျိုးပွားနိုင်ပါတယ်။ စပါးခင်းတွေမှာ ရွှေခရုကျပြီဆိုရင် ပန်းရောင် ဥ တွေ ကို စပါးပင်တွေမှာ တွေ့ရနိုင်ပါတယ်။ ဒီရွှေခရုတွေကို ရှင်းပစ်ဖို့အတွက်ကတော့ မာလာမြိုင်ရဲ့ ခရုဘုရင် ရှိနေပါပြီ။ ခရုဘုရင်က စားသေအစွမ်းနဲ့ အဆိပ်ငွေ့အာနိသင်ရှိတာကြောင့် ရွှေခရုတွေကို အထိရောက်ဆုံး ရှင်းပေးနိုင်မှာပါ။ အစွမ်းရှိပစ္စည်းဖြစ်တဲ့ Niclosamide -olamine 83.1% WP ပါဝင်ပြီး Chloronitrophenol ဆေးအုပ်စုထဲ ပါဝင်ပါတယ်။ ရေဖျော်ဆေးမှုန့်အမျိုးအစားဖြစ်လို့ ရေ ၂၀ လီတာဝင်တဲ့ဆေးဖျန်းပုံး တစ်ပုံးမှာ ၄၀ ကနေ ၅၀ ဂရမ်အထိ အသုံးပြုနိုင်ပါတယ်။ နှုန်းထားကိုတော့ တစ်ဧကမှာ ၁၅၀ ကနေ ၂၀၀ ဂရမ်နဲ့ တွက်ချက်ပေးထားပါတယ်။ သတိပြုရမှာတော့ ဆေးဖျန်းပြီးနောက်ပိုင်း စပါးခင်းအတွင်းမှာရှိတဲ့ ရေကို ၅ စင်တီမီတာနဲ့ ၃ ရက်ထားဖို့ လိုအပ်ပါတယ်။ ဆေးဖျန်းပြီး ၅၂ ရက်ကြာမှ ရိတ်သိမ်းသင့်ပါတယ်။ ခရုဘုရင်နဲ့ဆို စပါးခင်းကို ဒုက္ခပေးတဲ့ ရွှေခရုတွေကို ရှင်းလင်းနိုင်ပြီး မြေကြီးက ရွှေသီးနိုင်ပြီပေါ့ဗျာ။

Read more

Facebook Page သို့သွားရန်