တိုင်ဖွန်းမုန်တိုင်းအကြွင်းအကျန်များကြောင့် မိုးအလွန်များနိုင်မည့်ဒေသများ

ဇူလိုင်လ ၂၂ ရက်မှ ဇူလိုင်လ ၃၀ ရက်အတွင်းမှာ အားကောင်းနေသည့် အနောက်တောင်မုတ်သုံလေနှင့်၊ တောင်တရုတ်ပင်လယ်ဘက်မှရွေ့လျားဝင်ရောက်လာနိုင်မည့် တိုင်ဖွန်းမုန်တိုင်းအကြွင်းအကျန်များကြောင့် 

မြန်မာနိုင်ငံနေရာအနှံ့အပြားတွင် မိုးအသင့်အတင့်ရွာသွန်းနိုင်ပြီး နေရာဒေသအလိုက် မိုးများနိုင်/မိုးအလွန်များနိုင်ပါတယ်။

ဇူလိုင်လ ၁၇ ရက်တွင်ရရှိသည့် ကြိုတင်ခန့်မှန်းချက်မျာအရ -

💦 မိုးများနိုင်/မိုးအလွန်များနိုင်မည့် ဒေသများ

• မကွေးတိုင်း - စလင်း၊ ဆင်ဖြူကျွန်း၊ စေတုတ္တရာ၊ မုန်းချောင်းတမံ/ကြီးအုံကြီးဝတမံ တို့၏ ရေဝင်ဧရိယာများ

• ပဲခူးတိုင်းအရှေ့ခြမ်း-ကရင်ပြည်နယ်နှင့် ကယားပြည်နယ် နယ်နိမိတ်ဆုံရာဒေသအတွင်း

• ရှမ်းပြည်နယ်အရှေ့ပိုင်း - တာချီလိတ်-မယ်ဆိုင်ချောင်းပတ်ဝန်းကျင်ဒေသများ

💦 မိုးအသင့်အတင့်မှ မိုးများနိုင်မည့်ဒေသများ

• ရှမ်းပြည်နယ်တောင်ပိုင်း - တောင်ကြီး၊ ဟိုပုံး၊ လွိုင်လင်၊ ရွှေညောင်၊ ညောင်ရွှေ၊ ဟဲဟိုး၊ အင်းလေး၊ အောင်ပန်း၊ ကလော၊ ပင်းတယ၊ နောင်တရား

ဇူလိုင် ၁၇ ရက် - ညနေ ၅ နာရီခွဲ ကြိုတင်ခန့်မှန်းချက် (ICON MODEL PRECIPITATION FORECAST)

⚠️ တိုင်ဖွန်းမုန်တိုင်းအရွယ်အစား/လမ်းကြောင်းနှင့် မုန်တိုင်းအကြွင်းအကျန်များဝင်ရောက်လာနိုင်သည့်လမ်းကြောင်းအခြေအနေများအပေါ်မူတည်၍ ပြောင်းလဲမှုရှိလာနိုင်မည့် မိုးရွာသွန်းနိုင်ချေကြိုတင်ခန့်မှန်းချက်များကို ဆက်လက်စောင့်ကြည့် တင်ပြပေးသွားပါမည်။

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။

မာလာမြိုင် ကုမ္ပဏီ ကြော်ငြာ

ဦးကြီးတို့ရဲ့ မြေကြီးက ရွှေသီးဖို့ပဲ ဖြစ်သင့်တာပေါ့။ ဒါပေမဲ့ စပါးခင်းထဲ ရွှေခရုရောက်လာပြီဆိုရင်တော့ မြေကြီးက ရွှေသီးဖို့ကို အနှောင့်အယှက် ကောင်းကောင်းကြီးပေးပါလိမ့်မယ်။ မြန်မာ့မျိုးရင်းခရုမဟုတ်တဲ့ တောင်အမေရိကမျိုးစိတ်ဖြစ်ပြီး မြန်မာနိုင်ငံကို ကျူးကျော်လာတဲ့ မျိုးစိတ်ဖြစ်တာကြောင့် အကောင်ပွားနှုန်းကလည်း အဆမတန် မြင့်တက်လာပါတယ်။ ခရုအမ တစ်ကောင်က တစ်ခါ ဥ မယ်ဆိုရင် ဥအရေအတွက် ၁၀၀ ကနေ ၁၀၀၀ အထိ အတွဲလိုက်ဥကြပြီး တစ်နှစ်မှာ ၃ ကြိမ်အထိ မျိုးပွားနိုင်ပါတယ်။ စပါးခင်းတွေမှာ ရွှေခရုကျပြီဆိုရင် ပန်းရောင် ဥ တွေ ကို စပါးပင်တွေမှာ တွေ့ရနိုင်ပါတယ်။ ဒီရွှေခရုတွေကို ရှင်းပစ်ဖို့အတွက်ကတော့ မာလာမြိုင်ရဲ့ ခရုဘုရင် ရှိနေပါပြီ။ ခရုဘုရင်က စားသေအစွမ်းနဲ့ အဆိပ်ငွေ့အာနိသင်ရှိတာကြောင့် ရွှေခရုတွေကို အထိရောက်ဆုံး ရှင်းပေးနိုင်မှာပါ။ အစွမ်းရှိပစ္စည်းဖြစ်တဲ့ Niclosamide -olamine 83.1% WP ပါဝင်ပြီး Chloronitrophenol ဆေးအုပ်စုထဲ ပါဝင်ပါတယ်။ ရေဖျော်ဆေးမှုန့်အမျိုးအစားဖြစ်လို့ ရေ ၂၀ လီတာဝင်တဲ့ဆေးဖျန်းပုံး တစ်ပုံးမှာ ၄၀ ကနေ ၅၀ ဂရမ်အထိ အသုံးပြုနိုင်ပါတယ်။ နှုန်းထားကိုတော့ တစ်ဧကမှာ ၁၅၀ ကနေ ၂၀၀ ဂရမ်နဲ့ တွက်ချက်ပေးထားပါတယ်။ သတိပြုရမှာတော့ ဆေးဖျန်းပြီးနောက်ပိုင်း စပါးခင်းအတွင်းမှာရှိတဲ့ ရေကို ၅ စင်တီမီတာနဲ့ ၃ ရက်ထားဖို့ လိုအပ်ပါတယ်။ ဆေးဖျန်းပြီး ၅၂ ရက်ကြာမှ ရိတ်သိမ်းသင့်ပါတယ်။ ခရုဘုရင်နဲ့ဆို စပါးခင်းကို ဒုက္ခပေးတဲ့ ရွှေခရုတွေကို ရှင်းလင်းနိုင်ပြီး မြေကြီးက ရွှေသီးနိုင်ပြီပေါ့ဗျာ။

Read more

Facebook Page သို့သွားရန်