မတ်လ ၁၆ ရက်နောက်ပိုင်း နေ့အပူချိန်များ တဖြည်းဖြည်းမြင့်တက်လာနိုင်

“ဘင်္ဂလားပင်လယ်အော်နှင့် ကပ္ပလီပင်လယ်တို့တွင် ထူးခြားသည့်မိုးလေဝသအခြေအနေ (လေပွေလှိုင်း/လေဖိအားနည်းရပ်ဝန်း) ဖြစ်ပေါ်ခြင်းမရှိပါ။ တောင်တရုတ်ပင်လယ်တွင် မတ်လ ၁၆ ရက်နောက်ပိုင်း အရှေ့မြောက်မုတ်သုံ(ဆောင်းမုတ်သုံ)အားလျော့သွားပါမယ်”

မတ်လ ၁၅ ရက် ညနေ ၃ နာရီ ၃၀ မိနစ် Update အရ

📌 တောင်တရုတ်ပင်လယ်အတွင်း အရှေ့မြောက်မုတ်သုံလေအားလျော့နည်းသွားပြီးနောက် မတ်လ ၁၆ ရက်နောက်ပိုင်းတွင် နေ့အပူချိန်များ တဖြည်းဖြည်းမြင့်လာပြီး ရန်ကုန်တိုင်း၊ ပဲခူးတိုင်း၊ နေပြည်တော်၊ မန္တလေးတိုင်း၊ မကွေးတိုင်းနှင့် စစ်ကိုင်းတိုင်းအောက်ပိုင်းဒေသများတွင် မတ်လ ၂၀ ရက်နောက်ပိုင်း၌ နေ့အပူချိန်များ ၃၉°C နှင့် အထက်သို့ ရောက်လာနိုင်ပါတယ်။

📌 စစ်ကိုင်းတိုင်းအထက်ပိုင်းနှင့်ကချင်ပြည်နယ်တို့တွင် မတ်လ ၂၂ ရက်အထိ မိုးအသင့်အတင့်မှမိုးများနိုင်ပြီး ရှမ်းပြည်နယ်မြောက်ပိုင်းမှာ မိုးရေချိန်အနည်းငယ်နှင့် မိုးများနိုင်ခြင်းမရှိပဲ ထစ်ချုန်းမည့်အခြေအနေများဆက်လက်ဖြစ်ပေါ်နိုင်ပြီး၊ ကျန်ပြည်နယ်တိုင်းဒေသများမှာ မိုးအနည်းငယ်ရွာသွန်းနိုင်မည့်အခြေအနေများ မတ်လ ၁၈ ရက်အထိ ဆက်လက်ဖြစ်ပေါ်နိုင်ပါတယ်။

📌 ပြည်နယ်တိုင်းဒေသများ၏ နေ့လည်ပိုင်းလေထုစိုထိုင်းဆ(Relative Humidity)များ ၂၀% မှ ၃၀% အထိ ရှိနိုင်ပြီး၊ တောင်ပေါ်ဒေသများနှင့် ပင်လယ်ကမ်းရိုးတန်းအနီးဒေသများတွင် ညနှင့် နံနက်အစောပိုင်းအချိန် လေထုစိုထိုင်းဆ ၇၀% မှ ၈၀% အတွင်းရှိနေနိုင်ပါမယ်။ နေ့အပူချိန်မြင့်တက်ပြီး လေထုခြောက်သွေ့သည့် လက္ခဏာစတင်လာပါမယ်။

📌 နေ့အပူချိန်များမြင့်တက်လာပြီးနောက် လေထုခြောက်သွေ့လာလျှင်

📍ကျန်းမာရေးဆိုင်ရာသတိထားရမည့်အချက်များ -

📍ရေဓါတ်လျော့နည်းခြင်း(Dehydration)

📍အပူလွန်ကဲခြင်း(Heat exhaustion/Heat Stroke)

📍အသက်ရှုလမ်းကြောင်းပြဿနာ(Respiratory Issues)

📍UV Radiation မြင့်တက်ခြင်းတိုကို သတိထားကြရပါမယ်။

🌱 စိုက်ပျိုးရေးလုပ်ငန်းများအတွက် သတိထားရန်အချက်များ -

🥬 မြေဆီလွှာစိုထိုင်းဆလျော့ကျလာခြင်း (Soil moisture loss and Evapotranspiration)

🥬 အပင်ရေငွေ့ပျံနှုန်းမြင့်မားလာခြင်း (Heat Stress)

🥬 ပိုးမွှားကျရောက်မှုတိုးမြင့်လာနိုင်ခြင်း(Pest Outbreaks) တို့ကြောင့်စိုက်ပျိုးသီးနှံဆုံးရှုံးခြင်း၊ အထွက်နှုန်းလျော့နည်းခြင်းတို့မှကာကွယ်ရန် သက်ဆိုင်ရာစိုက်ပျိုးရေးပညာရှင်များနှင့် တိုင်ပင်ဆောင်ရွက်သင့်သလို အစိမ်းရောင်လမ်းဆော့ဝဲရဲ့ အမေးအဖြေကဏ္ဍမှာလည်း အခမဲ့ ဝင်ရောက်မေးမြန်းဆွေးနွေးနိုင်ပါတယ်။

မိုးလေဝသပညာရှင် ဆရာဦးဝင်းနိုင်၏ ခွင့်ပြုချက်ဖြင့် ပြန်လည်ဖော်ပြသော သတင်းဖြစ်သည်။

Farm Link Co.,Ltd ကြော်ငြာ

စပါးစိုက်ပျိုးဖို့ ပြင်နေကြပြီလား? ဒါဆို Farm Link ရဲ့ အထူး special product တွေနဲ့ မိတ်ဆက်ပေးလိုက်ပါတယ်.. 👉 Erase (အီရေစ့်) က ပေါင်းပင်တွေကို သေစေရုံတင်မကဘဲ နောက်ထပ် ပေါင်းသတ်ဆေး ထပ်ဖျန်းစရာ မလိုလောက်အောင်ကို ပေါင်းပေါက်ရောက်မှုကို ထိထိရောက်ရောက် ဟန့်တားပေးနိုင်ပါတယ်။ 👉 စမတ်သီးစုံဆိုတာ အပင်တိုင်းအတွက် အဓိကအာဟာရNPK (19:7:8)နဲ့ #ဟူးမစ်အက်စစ်တို့ အချိုးကျ ပေါင်းစပ်ထားတဲ့ ကွန်ပေါင်းဓာတ်မြေဩဇာဖြစ်ပါတယ်။ အဓိကအကျိုးကျေးဇူးတွေအနေနဲ့ကတော့ နိုက်ထရိုဂျင် 19%ပါဝင်တဲ့အတွက် ကလိုရိုဖီးလ်ဖွဲ့စည်းမှုကို အားပေးကာ သီးနှံပင်များ၏အရွက်များစိမ်းလန်းသန်စွမ်းပြီး အစာချက်လုပ်မှုအားကောင်းစေပါတယ်။ 👉 ဆလက်ပလက်စ်ဆိုတာ စပါးဆစ်ပိုး (Rice stem borer) ၊ စပါးရွက်လိပ်ပိုး(Rice leaf folder)၊ စပါးငမြောင်တောင်ပိုး( Rice armyworm) စတဲ့ စပါးဖျက်ပိုးတွေကိုလည်း ၇၀%အထိကို ကာကွယ်နှိမ်နင်းနိုင်ပါတယ်။ 👉စပါးနှံတွေ ထွက်လာခါမှ ဂုတ်ကျိုးရောဂါကြောင့် အနှံဖြူပြီး ပျက်စီးသွားတာဟာ တောင်သူတို့အတွက် အကြီးမားဆုံး ဆုံးရှုံးမှုပါပဲ။ ဒီဆုံးရှုံးမှုကို အမြစ်ပြတ် တားဆီးဖို့ဆိုရင် ရှူးဝါး ကိုသာ သတိရလိုက်ပါ။ 👉စပါးခင်းမှာ ရွက်ဖျားဝါပြီး မီးလောင်သလို အကွက်လိုက်ဖြစ်ကာ တဖြည်းဖြည်းခြောက်လိုက်လာပြီဆို အဲ့ဒါကိုဖြုတ်လောင်ခြင်း (hopper burn)လို့ခေါ်ပါတယ်။ မထိန်းချုပ်နိုင်အောင် ဆိုးဆိုးရွားရွာကျရောက်ပါက အထွက်နှုန်းကို ရာနှုန်းပြည့်ထိ ဆုံးရှုံးစေနိုင်တာတာကို ဗိုက်တာဂရိုကိုသာ ထိန်းချုပ်နိုင်တာပါ