ဦးဝင်းနိုင်ဘင်္ဂလားပင်လယ်အော်အရှေ့တောင်ပိုင်းနှင့် အာရေဗျပင်လယ်တို့တွင် အထက်လေပွေလှိုင်း Upper Air Cyclonic Circulation – UACC များ ဖြစ်ပေါ်လျှက်ရှိပြီး မတ်လ ၉ ရက်နေ့အထိ ဆက်လက်ရှိနေနိုင်သည်။
မတ်လ ၄ ရက် ည ၈ နာရီ ၂၀ မိနစ်အချိန်ရရှိသည့် ဒေတာများအရ
🔸 အိန္ဒိယမိုးလေဝသဌာန IMD ထုတ်ပြန်ချက်အရ ဘင်္ဂလားပင်လယ်အော်အရှေ့တောင်ပိုင်း၊ အမြင့် ၁.၅ ကီလိုမီတာ မှ ၅.၈ ကီလိုမီတာ = ပေ ၅၀၀၀ မှ ပေ ၂၀၀၀၀ အတွင်း အထက်လေပွေလှိုင်း(UACC)ဖြစ်ပေါ်လျှက်ရှိပါတယ်။ လက်ရှိဖြစ်ပေါ်နေသောလေပွေလှိုင်းသည် မတ်လ ၅ ရက်နေ့အထိ ဆက်လက်ရှိနိုင်ပြီး မတ်လ ၈ ရက်မှ ၁၀ ရက်အတွင်း ဘင်္ဂလားပင်လယ်အော်အရှေ့တောင်ပိုင်းတွင် UACC အသစ် ၁ ခု ထပ်မံဖြစ်ပေါ်လာနိုင်ပါတယ်။
🔸 အားပျော့သည့်လာနီညာ၊ အရှေ့မြောက်မုတ်သုံ၊ လေပွေလှိုင်းဖြစ်ပေါ်ခြင်းတို့နှင့်ဆက်စပ်သောမိုးလေဝသအခြေအနေများကြောင့် မတ်လ ၉ ရက် မှ ၁၁ ရက်နေ့အတွင်း ကရင်ပြည်နယ်မြောက်ပိုင်း၊ ကယားပြည်နယ်၊ ရှမ်းပြည်နယ်အရှေ့ပိုင်းတို့တွင် မိုးအသင့်အတင့်ရွာသွန်းနိုင်ပြီး နေရာကွက်၍ မိုးများနိုင်ပါတယ်။ တာချီလိတ်မြို့တွင်၂၄ နာရီ မိုးရေချိန် ၃၅ မီလီမီတာ = ၁.၃၈ လက်မ ရွာသွန်းနိုင်ပါတယ်။
🔸 မတ်လ ၉ ရက် မှ ၁၁ ရက်အတွင်း ရှမ်းပြည်နယ်တောင်ပိုင်း၊ မွန်ပြည်နယ်၊ ကရင်ပြည်နယ်တို့တွင်လည်း မိုးအနည်းငယ် ၂၄ နာရီ မိုးရေချိန်အများဆုံး ၁၀ မီလီမီတာခန့် = ၀.၄ လက်မ ခန့် ရွာသွန်းနိုင်ပါတယ်။ ရှမ်းပြည်နယ်အရှေ့ပိုင်းလောက် မိုးရေချိန်များနိုင်မည်မဟုတ်ပါ။ ဤရက်ပိုင်းအတွင်း ကျန်ပြည်နယ်တိုင်းဒေသများမှာ မိုးရွာနိုင်သည့်အခြေအနေမရှိပါ။
မိုးလေဝသပညာရှင် ဆရာဦးဝင်းနိုင်၏ ခွင့်ပြုချက်ဖြင့် ပြန်လည်ဖော်ပြသော သတင်းဖြစ်သည်။
Farm Link Co.,Ltd ကြော်ငြာ
.jpg)
ဆွေးနွေးချက်များ
-
{{ comment.user.name }} - {{ formatDate(comment.created_at) }}
{{ question.title }}