လာမည့် ၇ ရက်အတွင်း ဖြစ်ပေါ်နိုင်သည့် မိုးလေဝသအခြေအနေ

Ventusky ICON Model ၏ မေလ ၂၂ ရက်နေ့မှ ၂၈ ရက်နေ့အထိ ရရှိထားသော မိုးရေချိန်စုစုပေါင်း ခန့်မှန်းချက် (Precipitation Total Forecast) မြေပုံများအရ အနောက်တောင်မုတ်သုံလေ (Southwest Monsoon) သည် မြန်မာနိုင်ငံအတွင်းသို့ တရွေ့ရွေ့ ပိုမိုအားကောင်းစွာ တိုးဝင်လာနေပါသည်။ ၇ ရက်တာ ကာလအလယ်နှင့် ကာလနှောင်းပိုင်းများတွင် ဘင်္ဂလားပင်လယ်အော်အတွင်း လေဖိအားနည်းစနစ် ပိုမိုထင်ရှားလာနိုင်ခြေရှိသဖြင့် တစ်နိုင်ငံလုံးအတိုင်းအတာဖြင့် မိုးရွာသွန်းမှုဖြန့်ကြက်ပုံ သိသိသာသာ အားကောင်းလာမည့် Monsoon Dynamic ကို ပြသနေပါသည်။

ပြည်နယ်နှင့်တိုင်းများအလိုက် ၇ ရက်စာ စုစုပေါင်း မိုးရေချိန်နှင့်မိုးလေဝသအခြေအနေသုံးသပ်ချက်များကို ပူးတွဲပါဇယားအတိုင်း အသေးစိတ်တင်ပြထားပါသည် -

၁။ ပြည်နယ်/တိုင်းအလိုက် ၇ ရက်စာ စုစုပေါင်းမိုးရေချိန် ခန့်မှန်းချက် (ဇယားပုံတွင်ကြည့်ပါရန်)

၂။ ရက်အလိုက် မိုးရေချိန်ပြောင်းလဲမှု ဖြစ်စဉ်ဆန်းစစ်ချက် (Trend Analysis)

မေလ ၂၂ - ၂၄ ရက် (ကနဦးအရှိန်ယူခြင်းနှင့် တောင်ပိုင်းမိုးစိပ်ခြင်း) - မေ ၂၂ မှ ၂၄ ရက်အထိ မြေပုံများအရ မိုးတိမ်တိုက်များသည် မြန်မာနိုင်ငံတောင်ပိုင်း ကမ်းရိုးတန်း၊ ကပ္ပလီပင်လယ်ပြင်နှင့် ကချင်ပြည်နယ်အစွန်းတို့တွင်သာ အဓိက အားကောင်းနေဆဲ ဖြစ်သည်။ အလယ်ပိုင်း မြေပြန့်ဒေသများနှင့် ရခိုင်မြောက်ပိုင်းတို့တွင် မိုးရေချိန်ပြသမှု ကျဲပါးနေပြီး လေထုမတည်ငြိမ်မှုကြောင့် နေရာကွက်ကျား မိုးထစ်ချုန်းရွာခြင်းမျိုးသာ ရှိဦးမည် ဖြစ်သည်။

မေလ ၂၅ - ၂၆ ရက် (အစိုဓာတ်ကုန်းတွင်းသို့ စိမ့်ဝင်ကျယ်ပြန့်လာခြင်း) - မေ ၂၅ နှင့် ၂၆ ရက်များတွင် အစိုဓာတ်လမ်းကြောင်းသည် ချင်းပြည်နယ်၊ ရခိုင်ရိုးမတောင်တန်းနှင့် ပဲခူးတိုင်း၊ ကယားပြည်နယ်များအထိ လိမ္မော်ရောင်/ခရမ်းရောင်သန်းသော (၇၀-၁၂၀ mm) မိုးရေချိန်ပြအရောင်များအဖြစ် တရွေ့ရွေ့ ပိုမိုကျယ်ပြန့်စွာ တိုးဝင်လာသည်ကို တွေ့ရသည်။

မေလ ၂၇ - ၂၈ ရက် (တစ်နိုင်ငံလုံး မိုးဖြန့်ကြက်မှု အားအကောင်းဆုံးကာလ) - ကာလနှောင်းပိုင်း မိုးရေချိန်ပေါင်း မြေပုံအရောင်များတွင် ဘင်္ဂလားပင်လယ်အော် မြောက်ဘက်ခြမ်း၌ လေဖိအားနည်းစနစ် သိသိသာသာ တိုးတက်အားကောင်းလာပုံပြနေပြီး ၎င်း၏ဆွဲအားကြောင့် မုတ်သုံလေသည် မြန်မာနိုင်ငံအလယ်ပိုင်း (Dry Zone) အပါအဝင် တစ်နိုင်ငံလုံးအတိုင်းအတာအထိ အရောင်မဲ့ဇုန်မရှိဘဲ မိုးတိမ်တိုက်များ အလုံးအရင်းဖြင့် ဖုံးလွှမ်းသွားကာ မိုးအကျယ်ပြန့်ဆုံး Pattern သို့ ရောက်ရှိသွားပါသည်။

၃။ ၇ ရက်အတွင်း ဖြစ်ပေါ်နိုင်သည့် မိုးလေဝသအခြေအနေနှင့် အကြံပြုချက်

(က) ကမ်းရိုးတန်းနှင့် တောင်ပိုင်းဒေသများ (ရေကြီး/မြေပြို သတိပြုရန်ဇုန်) - တနင်္သာရီ၊ မွန်၊ ကရင်နှင့် ရခိုင်တောင်ပိုင်းတို့တွင် တစ်ပတ်စာ စုစုပေါင်းမိုးရေချိန်သည် ၃၀၀ mm မှ ၅၀၀ mm အထက် အထိ လွန်ကဲစွာ စုဆောင်းရရှိနိုင်ပြီး မြေပြင်တွင် ရက်ဆက်မိုးသည်းထန်ခြင်းကြောင့် ဖြစ်ပေါ်လာမည့် လျှပ်တစ်ပြက်ရေကြီးခြင်း (Flash Floods) ၊ မြစ်ရေ/ချောင်းရေလျှံခြင်းနှင့် တောင်ခြေဒေသများတွင် မြေပြိုခြင်း (Landslides) ဘေးအန္တရာယ်များကို အထူးသတိပြု စောင့်ကြည့်ရပါမည်။

(ခ) မြန်မာနိုင်ငံအလယ်ပိုင်းနှင့် မြေပြန့်ဒေသများ (မိုးဦးကျ လေပြင်းအန္တရာယ်ဇုန်) - မေ ၂၄ ရက်မတိုင်မီအထိ နေ့ခင်းဘက်တွင် အပူရှိန်မြင့်မားနိုင်ပြီး လေထုမတည်ငြိမ်မှု (CAPE) မြင့်မားနိုင်ခြေ ရှိသောကြောင့် မွန်းလွဲ/ညနေပိုင်း မိုးတိမ်တောင်များ ဖြစ်ထွန်းချိန်တွင် မိုးသက်လေပြင်းတိုက်ခတ်ခြင်း (Severe Squalls)၊ မိုးကြိုးပစ်ခြင်းနှင့် လျှပ်စီးလက်ခြင်း ဖြစ်စဉ်များ တွဲဖက်ဖြစ်ပွားနိုင်သဖြင့် ပြည်သူများအနေဖြင့် လုံခြုံသောအမိုးအကာအောက်တွင် နေထိုင်ရန် လိုအပ်ပါသည်။ မေ ၂၅ ရက်နောက်ပိုင်းတွင် အပူရှိန် လုံးဝလျော့ကျသွားပြီး ပုံမှန်ဖြစ်မြဲမိုးရာသီသို့ ကူးပြောင်းသွားနိုင်ပါမည်။

(ဂ) ပင်လယ်ပြင်ခရီးသွားလာရေးနှင့် ရေလုပ်ငန်း - ၇ ရက်တာ ကာလနှောင်းပိုင်း (မေ ၂၆-၂၈) တွင် ကပ္ပလီပင်လယ်ပြင်နှင့် ဘင်္ဂလားပင်လယ်အော်အလယ်ပိုင်းတို့တွင် လေစီးကြောင်းအလွန်ပြင်းထန်လာနိုင်(လေတိုက်နှုန်းမြင့်လာနိုင်)သဖြင့် ပင်လယ်ပြင်တွင် နေ့စဉ်ရက်ဆက် လှိုင်းကြီးခြင်းနှင့် မိုးသက်လေပြင်းကျခြင်း များ ရှိနိုင်ပါသဖြင့် ကမ်းနီးကမ်းဝေး ငါးဖမ်းလှေများနှင့် ရေကြောင်းခရီးသွားလာသူများအနေဖြင့် မိုးလေဝသသတိပေးချက်များကို အထူးဂရုပြုကြပါရန် သုံးသပ်အကြံပြုအပ်ပါသည်။

မိုးလေဝသပညာရှင် ဆရာဦးဝင်းနိုင်၏ ခွင့်ပြုချက်ဖြင့် ပြန်လည်ဖော်ပြသော သတင်းဖြစ်သည်။

Farm Link Co.,Ltd ကြော်ငြာ

ရေမီးအစုံနဲ့ လေထီးခုန်နိုင်မယ့် ဖန်းလင့်ရဲ့ #စမတ်သီးစုံလာပါပြီ.....ဦးကြီးတို့ရေ ‌လေထီးခုန်ချင်ပေမယ့် စမတ်သီးစုံကို မသိသေးရင်တော့ ဒီစာလေးကို ဆက်ဖတ်‌ပေးပါ #စမတ်သီးစုံဆိုတာ အပင်တိုင်းအတွက် အဓိကအာဟာရNPK (19:7:8)နဲ့ #ဟူးမစ်အက်စစ်တို့ အချိုးကျ ပေါင်းစပ်ထားတဲ့ ကွန်ပေါင်းဓာတ်မြေဩဇာဖြစ်ပါတယ်။ အဓိကအကျိုးကျေးဇူးတွေအနေနဲ့ကတော့ နိုက်ထရိုဂျင် 19%ပါဝင်တဲ့အတွက် ကလိုရိုဖီးလ်ဖွဲ့စည်းမှုကို အားပေးကာ သီးနှံပင်များ၏အရွက်များစိမ်းလန်းသန်စွမ်းပြီး အစာချက်လုပ်မှုအားကောင်းစေပါတယ်။ အပင်၏ပင်ပိုင်းကြီးထွားမှုကို တိုးမြင့်စေကာ အပင်သန်၍ အကြီးမြန်စေပါတယ်။ သင့်တော်တဲ့ Phosphorus 7%ပါဝင်မှုကြောင့် အပင်ရဲ့ အမြစ်ဖွဲ့စည်းတည်ဆောက်မှုကို ပို၍သန်မာလာအောင် အားပေးပါတယ်။ ဒါ့အပြင် ပန်းပွင့်ခြင်း၊အသီးသီးခြင်း၊အစေ့တည်ခြင်းလုပ်ငန်းစဉ်များကိုလည်း အားပေးပါတယ်။ လုံလောက်တဲ့ Potassium 8%က အပင်ရဲ့ ရောဂါဒဏ်၊ရာသီဥတုဒဏ်ခံနိုင်ရည်ရှိမှုကို မြင့်တက်စေပြီး အသီးအရည်အသွေး၊ အရွယ်အစားနဲ့ အရသာ ပိုမိုကောင်းမွန်စေဖို့အတွက် လိုအပ်တဲ့အာဟာရဓာတ်ဖြစ်ပါတယ်။ ဟူးမစ်အက်စစ်ပါဝင်ပေါင်းစပ်ထားတဲ့အတွက် အာဟာရဓာတ်စုပ်ယူမှုကောင်းမွန်လာခြင်း၊မြေဆီလွှာဖွဲ့စည်းပုံနှင့်ရေထိန်းနိုင်စွမ်းအားကောင်းလာခြင်းအပါအဝင် အကျိုးကျေးဇူးများစွာကိုရရှိစေမှာဖြစ်ပါတယ်။ စပါးအပါအဝင် နှံစားသီးနှံများ၊ပဲအမျိုးမျိုး၊ဟင်းသီးဟင်းရွက်နဲ့ ဥယျာဉ်ခြံသီးနှံအားလုံးမှာ အသုံးပြုနိုင်တယ်ဆိုတော့ တစ်မျိုးတည်းနဲ့ အားလုံးပါဖက်(perfect)မယ့် စမတ်သီးစုံနော် အရွေးမမှားတာသေချာပြီမလို့ အတွေးမများဘဲ သီးနှံတိုင်းကြီးထွားအောင် ဖန်းလင့်ရဲ့ #စမတ်သီးစုံကို သုံးကြပါစို့....

Read more