မေလ (၁၃) ရက်နေ့နောက်ပိုင်း မိုးရွာသွန်းမှုသိသိသာသာ များလာနိုင်သော ဒေသများ

“ဘင်္ဂလားပင်လယ်အော်တောင်ပိုင်း သီရိလင်္ကာအနီးမှ လေဝဲဖြစ်ထွန်းမှု (Vorticity) သည် အားကောင်းသော ဆိုင်ကလုန်းမုန်တိုင်းအဆင့်သို့ ရောက်ရှိရန်ထက်၊ မုတ်သုံလေကို ဆွဲတင်ပေးမည့် မုတ်သုံလေဝဲ (Monsoon Vortex) အဖြစ်သာ ပိုမိုအားကောင်းလာမည့် အနေအထားရှိပါတယ်”

မေလ ၅ ရက် ၊ နေ့လည် ၁ နာရီ AIFS-ENSEMBLE (AIFS-ENS) မော်ဒယ်၏ ၂၀၂၆ ခုနှစ်၊ မေလ (၇) ရက်မှ (၁၅) ရက်အတွင်း ခန့်မှန်းချက်ပုံများအရ ဘင်္ဂလားပင်လယ်အော်နှင့် မြန်မာနိုင်ငံအတွက် မိုးလေဝသအခြေအနေ အသေးစိတ်ခန့်မှန်းသုံးသပ်ချက်မှာ အောက်ပါအတိုင်း ဖြစ်ပါတယ်။

၁။ ဘင်္ဂလားပင်လယ်အော်အတွင်း မုန်တိုင်းဖြစ်ပေါ်နိုင်မှု အခြေအနေ

•  Cyclonic Vorticity အခြေအနေ - မေလ (၇) ရက်မှ (၁၀) ရက်အတွင်း သီရိလင်္ကာနိုင်ငံ အရှေ့ဘက်နှင့် ဘင်္ဂလားပင်လယ်အော် တောင်ပိုင်းတို့တွင် လေဝဲဖြစ်ထွန်းမှု (Vorticity) များ သိသိသာသာ အားကောင်းလာသည်ကို တွေ့ရပါတယ်။ မေလ (၁၀) ရက်နေ့တွင် 1006 hPa ရှိသော လေဖိအားနည်းရပ်ဝန်း (L) တစ်ခု သီရိလင်္ကာအနီးတွင် အခြေပြုနိုင်ပါတယ်။

•  ရွေ့လျားမှုနှင့် အင်အား - မေလ (၁၁) ရက်မှ (၁၃) ရက်အတွင်း ယင်းလေဝဲသည် ဘင်္ဂလားပင်လယ်အော် အလယ်ပိုင်းသို့ ဆက်လက်ရွေ့လျားလာနိုင်ပြီး လေထုလည်ပတ်မှု ပိုမိုကျယ်ပြန့်လာနိုင်ပါတယ်။ သို့သော် မေလ (၁၅) ရက်နေ့အထိ ပုံများအရ အားကောင်းသော ဆိုင်ကလုန်းမုန်တိုင်းအဆင့်သို့ ရောက်ရှိရန်ထက်၊ မုတ်သုံလေကို ဆွဲတင်ပေးမည့် မုတ်သုံလေဝဲ (Monsoon Vortex) အဖြစ်သာ ပိုမိုအားကောင်းလာမည့် အနေအထားရှိပါတယ်။

၂။ အနောက်တောင်မုတ်သုံလေ ဝင်ရောက်နိုင်မှု အခြေအနေ

•  လေကြောင်းလားရာ (850 hPa Wind) - မေလ (၁၁) ရက်နေ့မှစ၍ အီကွေတာအနီးရှိ အနောက်လေများသည် ဘင်္ဂလားပင်လယ်အော်အတွင်းသို့ အရှိန်အဟုန်ဖြင့် စတင်တိုးဝင်လာမည်ဖြစ်ပါတယ်။

•  မုတ်သုံဝင်ရောက်မည့် ကာလ - မေလ (၁၃) ရက်မှ (၁၅) ရက်အတွင်း အနောက်တောင်လေစီးကြောင်းသည် ကပ္ပလီပင်လယ်ပြင် (Andaman Sea) နှင့် မြန်မာနိုင်ငံတောင်ပိုင်း (တနင်္သာရီတိုင်း) ဒေသများသို့ စတင်ဝင်ရောက်လာနိုင်ပါတယ်။ 850 hPa တွင် လေတိုက်နှုန်း ၂၅ knots နှင့်အထက် (အပြာရောင်ရင့်ရင့်ဧရိယာ) ရှိနေခြင်းကြောင့် မုတ်သုံလေသည် အားအသင့်အတင့်မှ အားကောင်းသော (Moderate to Strong) အဆင့်ဖြင့် စတင်ဝင်ရောက်လာနိုင်ပါတယ်။

၃။ မြန်မာနိုင်ငံအပေါ် သက်ရောက်နိုင်သည့် အခြေအနေများ

•  မိုးရွာသွန်းမှု - မေလ (၁၃) ရက်နေ့နောက်ပိုင်းတွင် မြန်မာနိုင်ငံတောင်ပိုင်း၊ မြစ်ဝကျွန်းပေါ်ဒေသနှင့် ရခိုင်ကမ်းရိုးတန်းတို့တွင် မိုးရွာသွန်းမှု သိသိသာသာ များပြားလာနိုင်ပါတယ်။

•  မိုးဦးကာလ အန္တရာယ် - မုတ်သုံလေ စတင်ဝင်ရောက်ခါစတွင် ကုန်းတွင်းပိုင်းရှိ အပူရှိန်နှင့် ပင်လယ်မှ တက်လာသော စိုထိုင်းဆများကြောင့် မိုးတိမ်တောင် (Thunderstorms) များ အားကောင်းစွာ ဖြစ်ထွန်းနိုင်ပါတယ်။ မေလ (၁၀) ရက်မှ (၁၅) ရက်အတွင်း ဒေသအနှံ့အပြားတွင် မိုးကြိုးပစ်ခြင်း၊ လေပြင်းတိုက်ခတ်ခြင်းနှင့် မိုးသည်းထန်စွာရွာခြင်းများကို အထူးဂရုပြုရန် လိုအပ်ပါတယ်။

၄။ အနှစ်ချုပ် သုံးသပ်ချက်

ယခု AIFS-ENS update အရ မေလ (၁၃) ရက်ဝန်းကျင်တွင် ဘင်္ဂလားပင်လယ်အော်၌ လေဖိအားနည်းရပ်ဝန်း ဖြစ်ပေါ်လာနိုင်ပြီး၊ ယင်းနှင့်အတူ မြန်မာနိုင်ငံတောင်ပိုင်းသို့ အနောက်တောင်မုတ်သုံလေ စတင်ဝင်ရောက်လာမည် ဖြစ်ပါတယ်။ 

မေလလယ်တွင် မိုးဦးကာလ၏ ထူးခြားသည့် မိုးလေဝသဖြစ်စဉ်များအတွက် အဆင်သင့် ပြင်ဆင်ထားသင့်ပါတယ်။

⚠️သတိပြုသင့်သည့် မိုးလေဝသအခြေအနေ (မြန်မာနိုင်ငံအတွက်)

•  မိုးဦးကာလ မိုးကြိုးအန္တရာယ် - မုတ်သုံလေမဝင်မီ ကုန်းတွင်းပိုင်းတွင် အပူရှိန်မြင့်မားနေဆဲဖြစ်ရာ၊ ပင်လယ်မှ စိုထိုင်းဆရှိသောလေများ တိုးဝင်လာပါက မိုးတိမ်တောင် (Thunderstorms) များ ပိုမိုဖြစ်ထွန်းနိုင်ပါတယ်။ မိုးကြိုးပစ်ခြင်း၊ လေပြင်းတိုက်ခြင်းနှင့် မိုးသီးကြွေခြင်းတို့ကို အထူးသတိပြုရန် လိုအပ်ပါတယ်။

•  မိုးရွာသွန်းမှု - မေလ ဒုတိယပတ်အတွင်း မြန်မာနိုင်ငံတောင်ပိုင်းနှင့် ကမ်းရိုးတန်းဒေသများတွင် မိုးပိုမိုစိပ်လာနိုင်ပြီး၊ အလယ်ပိုင်းဒေသများတွင် ညနေပိုင်း မိုးထစ်ချုန်းရွာခြင်းများ ဖြစ်ပေါ်နိုင်ပါတယ်။

•  ပင်လယ်ပြင် - ကပ္ပလီပင်လယ်ပြင်နှင့် ဘင်္ဂလားပင်လယ်အော်တောင်ပိုင်းတို့တွင် လေတိုက်နှုန်း အသင့်အတင့်ရှိနေသဖြင့် လှိုင်းအသင့်အတင့် ရှိနိုင်ပါတယ်။

မိုးလေဝသပညာရှင် ဆရာဦးဝင်းနိုင်၏ ခွင့်ပြုချက်ဖြင့် ပြန်လည်ဖော်ပြသော သတင်းဖြစ်သည်။

Farm Link Co.,Ltd ကြော်ငြာ

ရေမီးအစုံနဲ့ လေထီးခုန်နိုင်မယ့် ဖန်းလင့်ရဲ့ #စမတ်သီးစုံလာပါပြီ.....ဦးကြီးတို့ရေ ‌လေထီးခုန်ချင်ပေမယ့် စမတ်သီးစုံကို မသိသေးရင်တော့ ဒီစာလေးကို ဆက်ဖတ်‌ပေးပါ #စမတ်သီးစုံဆိုတာ အပင်တိုင်းအတွက် အဓိကအာဟာရNPK (19:7:8)နဲ့ #ဟူးမစ်အက်စစ်တို့ အချိုးကျ ပေါင်းစပ်ထားတဲ့ ကွန်ပေါင်းဓာတ်မြေဩဇာဖြစ်ပါတယ်။ အဓိကအကျိုးကျေးဇူးတွေအနေနဲ့ကတော့ နိုက်ထရိုဂျင် 19%ပါဝင်တဲ့အတွက် ကလိုရိုဖီးလ်ဖွဲ့စည်းမှုကို အားပေးကာ သီးနှံပင်များ၏အရွက်များစိမ်းလန်းသန်စွမ်းပြီး အစာချက်လုပ်မှုအားကောင်းစေပါတယ်။ အပင်၏ပင်ပိုင်းကြီးထွားမှုကို တိုးမြင့်စေကာ အပင်သန်၍ အကြီးမြန်စေပါတယ်။ သင့်တော်တဲ့ Phosphorus 7%ပါဝင်မှုကြောင့် အပင်ရဲ့ အမြစ်ဖွဲ့စည်းတည်ဆောက်မှုကို ပို၍သန်မာလာအောင် အားပေးပါတယ်။ ဒါ့အပြင် ပန်းပွင့်ခြင်း၊အသီးသီးခြင်း၊အစေ့တည်ခြင်းလုပ်ငန်းစဉ်များကိုလည်း အားပေးပါတယ်။ လုံလောက်တဲ့ Potassium 8%က အပင်ရဲ့ ရောဂါဒဏ်၊ရာသီဥတုဒဏ်ခံနိုင်ရည်ရှိမှုကို မြင့်တက်စေပြီး အသီးအရည်အသွေး၊ အရွယ်အစားနဲ့ အရသာ ပိုမိုကောင်းမွန်စေဖို့အတွက် လိုအပ်တဲ့အာဟာရဓာတ်ဖြစ်ပါတယ်။ ဟူးမစ်အက်စစ်ပါဝင်ပေါင်းစပ်ထားတဲ့အတွက် အာဟာရဓာတ်စုပ်ယူမှုကောင်းမွန်လာခြင်း၊မြေဆီလွှာဖွဲ့စည်းပုံနှင့်ရေထိန်းနိုင်စွမ်းအားကောင်းလာခြင်းအပါအဝင် အကျိုးကျေးဇူးများစွာကိုရရှိစေမှာဖြစ်ပါတယ်။ စပါးအပါအဝင် နှံစားသီးနှံများ၊ပဲအမျိုးမျိုး၊ဟင်းသီးဟင်းရွက်နဲ့ ဥယျာဉ်ခြံသီးနှံအားလုံးမှာ အသုံးပြုနိုင်တယ်ဆိုတော့ တစ်မျိုးတည်းနဲ့ အားလုံးပါဖက်(perfect)မယ့် စမတ်သီးစုံနော် အရွေးမမှားတာသေချာပြီမလို့ အတွေးမများဘဲ သီးနှံတိုင်းကြီးထွားအောင် ဖန်းလင့်ရဲ့ #စမတ်သီးစုံကို သုံးကြပါစို့....

Read more