နောက် ၃ ရက် ၄ ရက်အတွင်း ပဲခူးမြို့ဝန်းကျင်မိုးများနိုင် (လပြည့်ဒီရေတက်ချိန်နဲ့လည်း တိုက်)

အခုအချိန်မှာ စစ်တောင်းမြစ်ရေက အထက်ဘက် တောင်ငူမှာ စိုးရိမ်ရေမှတ်အထက် ၅ ပေခွဲကျော်ရောက်နေပြီး နောက် ၂၄ နာရီအတွင်း ၁ ပေခွဲလောက် ကျနိုင်မယ်လို့ မိုးဇလရဲ့ ၁၅ ရက်နေ့ နေ့လည် ခန့်မှန်းချက်မှာ တွေ့ရပါတယ်။ ဒီရေတွေက အောက်ဘက်ကို ဆက်ဆင်းလာမှာပါ။

ရေတွေ အောက်ဘက်ကို ရောက်လာချိန် နောက် ၃ ရက် ၄ ရက်အတွင်း ပဲခူးမြို့ဝန်းကျင်မှာ မိုးကများနိုင်ပြီး၊ ၁၇ ရက် - လပြည့်နေ့ ဒီရေတက်ချိန်နဲ့လဲ တိုက်ဆိုင်နေနိုင်ပါမယ်။ အဲ့ဒီရက်အတွင်း မိုးရေချိန် ၂၄ နာရီအတွင်း ၃၀ မီလီမီတာနဲ့အထက် ရွာရင်တော့ ပုံပါရေကြီးနိုင်ချေရှိတဲ့ risk area တွေအတွက် အန္တရာယ်များပါတယ်။

မိုးနှောင်းကာလက အောက်တိုဘာ ၁၀ ရက်နေ့အထိ ဆက်ရှိနေပြီး၊ မုတ်သုံဆုတ်ခွာရက်က ခန့်မှန်း အောက်တိုဘာ ၁၅ ဝန်းကျင်လောက်ဖြစ်နိုင်တာမို့ မုတ်သုံဆုတ်ခွာချိန်ကာလတွေအတွင်းမှာ မိုးများတတ်ပါသေးတယ် ဆိုတာလဲ မေ့မထားကြပါနဲ့။

ကျန်တဲ့ဒေသတွေ(ဧရာဝတီ၊ ချင်းတွင်း စတဲ့ဒေသတွေ)ထက် စစ်တောင်းမြစ်အောက်ပိုင်း၊ ပဲခူးအောက်ဘက်၊ သံလျှင်နဲ့ ရန်ကုန် အရှေ့ပိုင်းခရိုင်လိုနေရာတွေပါ မိုးများနိုင်မဲ့ အခြေအနေကို စောင့်ကြည့်သတိထားသင့်ပါတယ်။

လောလောဆယ်တော့ ဒီလောက်ပဲ အသိပေးနိုင်/သတိပေးနိုင်ပါသေးတယ်။

အထူးသတိပြုရမှာက "မိုးနှောင်းကာလက အောက်တိုဘာ ၁၀ ရက်နေ့အထိ ဆက်ရှိနေပြီး၊ မုတ်သုံဆုတ်ခွာရက်က ခန့်မှန်း အောက်တိုဘာ ၁၅ ဝန်းကျင်လောက်ဖြစ်နိုင်တာမို မုတ်သုံဆုတ်ခွာချိန်ကာလတွေအတွင်းမှာ မိုးများတတ်ပါသေးတယ် ဆိုတာလဲ မေ့မထားကြပါနဲ့"

အဲ့ကာလအတွင်းမှာ ဘာမဆိုဖြစ်နိုင်ပါသေးတယ်။ ဒီကာလအတွင်းမှာ အထူးသတိထားစောင့်ကြည့်ရမှာက တောင်တရုတ်ပင်လယ်ပါ။ အဲ့ဒီဘက်မှာ ထူးခြားမိုးဝေသအခြေအနေတွေ ဖြစ်လာနိုင်သေးတာမို့လို့ ကျနော်တို့ဘက်ကို ဘယ်လိုသက်ရောက်မှုတွေ ဖြစ်လာနိုင်ဦးမလဲဆိုတာကို ဦးစားပေး စောင့်ကြည့်ရပါဦးမယ်။

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။

မာလာမြိုင် ကုမ္ပဏီ ကြော်ငြာ

ဦးကြီးတို့ရဲ့ မြေကြီးက ရွှေသီးဖို့ပဲ ဖြစ်သင့်တာပေါ့။ ဒါပေမဲ့ စပါးခင်းထဲ ရွှေခရုရောက်လာပြီဆိုရင်တော့ မြေကြီးက ရွှေသီးဖို့ကို အနှောင့်အယှက် ကောင်းကောင်းကြီးပေးပါလိမ့်မယ်။ မြန်မာ့မျိုးရင်းခရုမဟုတ်တဲ့ တောင်အမေရိကမျိုးစိတ်ဖြစ်ပြီး မြန်မာနိုင်ငံကို ကျူးကျော်လာတဲ့ မျိုးစိတ်ဖြစ်တာကြောင့် အကောင်ပွားနှုန်းကလည်း အဆမတန် မြင့်တက်လာပါတယ်။ ခရုအမ တစ်ကောင်က တစ်ခါ ဥ မယ်ဆိုရင် ဥအရေအတွက် ၁၀၀ ကနေ ၁၀၀၀ အထိ အတွဲလိုက်ဥကြပြီး တစ်နှစ်မှာ ၃ ကြိမ်အထိ မျိုးပွားနိုင်ပါတယ်။ စပါးခင်းတွေမှာ ရွှေခရုကျပြီဆိုရင် ပန်းရောင် ဥ တွေ ကို စပါးပင်တွေမှာ တွေ့ရနိုင်ပါတယ်။ ဒီရွှေခရုတွေကို ရှင်းပစ်ဖို့အတွက်ကတော့ မာလာမြိုင်ရဲ့ ခရုဘုရင် ရှိနေပါပြီ။ ခရုဘုရင်က စားသေအစွမ်းနဲ့ အဆိပ်ငွေ့အာနိသင်ရှိတာကြောင့် ရွှေခရုတွေကို အထိရောက်ဆုံး ရှင်းပေးနိုင်မှာပါ။ အစွမ်းရှိပစ္စည်းဖြစ်တဲ့ Niclosamide -olamine 83.1% WP ပါဝင်ပြီး Chloronitrophenol ဆေးအုပ်စုထဲ ပါဝင်ပါတယ်။ ရေဖျော်ဆေးမှုန့်အမျိုးအစားဖြစ်လို့ ရေ ၂၀ လီတာဝင်တဲ့ဆေးဖျန်းပုံး တစ်ပုံးမှာ ၄၀ ကနေ ၅၀ ဂရမ်အထိ အသုံးပြုနိုင်ပါတယ်။ နှုန်းထားကိုတော့ တစ်ဧကမှာ ၁၅၀ ကနေ ၂၀၀ ဂရမ်နဲ့ တွက်ချက်ပေးထားပါတယ်။ သတိပြုရမှာတော့ ဆေးဖျန်းပြီးနောက်ပိုင်း စပါးခင်းအတွင်းမှာရှိတဲ့ ရေကို ၅ စင်တီမီတာနဲ့ ၃ ရက်ထားဖို့ လိုအပ်ပါတယ်။ ဆေးဖျန်းပြီး ၅၂ ရက်ကြာမှ ရိတ်သိမ်းသင့်ပါတယ်။ ခရုဘုရင်နဲ့ဆို စပါးခင်းကို ဒုက္ခပေးတဲ့ ရွှေခရုတွေကို ရှင်းလင်းနိုင်ပြီး မြေကြီးက ရွှေသီးနိုင်ပြီပေါ့ဗျာ။

Read more

Facebook Page သို့သွားရန်