လေဖိအားနည်းရပ်ဝန်း 19W(ဖိလစ်ပိုင်အမည် GENER)ရဲ့ မြန်မာနိုင်ငံအပေါ်သက်ရောက်မှုများ

စက်တင်ဘာ ၁၈ ရက် နံနက် ၁၁ နာရီ ရရှိသည့်ဒေတာများအရ

🔸 လေဖိအားနည်းရပ်ဝန်း 19W(GENER) အားဘယ်လောက်ကောင်းလာနိုင်မလဲ?

ဒီနေ့မနက်ပိုင်း ECMWF Track update(နံနက် ၉ နာရီ)မှာ တောင်တရုတ်ပင်လယ်က လေဖိအားနည်းရပ်ဝန်းသည် ဗြိတိန်မိုးလေဝသဌာန - UKM model ရဲ့ ခန့်မှန်းချက်က လေတိုက်နှုန်း အမြင့်ဆုံး 43mph သာရှိနိုင်တာကြောင့် အပူပိုင်းဆိုင်ကလုန်း(တိုင်ဖွန်း)မုန်တိုင်းဖြစ်လာနိုင်ချေ မရှိသလောက်သေချာသွားပြီ ဖြစ်ပါတယ်။

ECMWF Model update မှာတော့ အမြင့်ဆုံးလေတိုက်နှုန်းက ပိုမိုလျော့နည်းပြီး 38mph သာရှိနိုင်ကြောင်းတွေ့ရပါတယ်။

🔸19W ကုန်းတွင်းလေဖိအားနည်းရပ်ဝန်းအဖြစ်ဗီယက်နမ်နိုင်ငံအလယ်ပိုင်းကို ဖြတ်ကျော်ဝင်ရောက်ပြီးတဲ့နောက် လေပွေလှိုင်းက ဘယ်လို ဆက်ရွေ့လျားနိုင်မလဲ?

လေဖိအားနည်းရပ်ဝန်း 19W(ဖိလစ်ပိုင်က ပေးတဲ့ အမည် GENER)နဲ့ပဲ ဗီယက်နမ်ကမ်းခြေကို စက်တင်ဘာ ၁၉ ရက် နေ့လည်ပိုင်းက စတင်ဖြတ်ကျော်ဝင်ရောက်ပြီး၊ မနက်အစောပိုင်းက တင်ပေးခဲ့တဲ့ post ပါ လမ်းကြောင်းအတိုင်း လမ်းကြောင်းအမှတ်စဉ် 1 မှ 19 အထိ ဆက်လက်ရွေ့လျားမှာဖြစ်ကြောင်း ECMWF Model က ထွက်ရှိလာတဲ့ လမ်းကြောင်းနဲ့လည်း တူတာတွေ့ရပါတယ်။

🔸 အားကောင်းတဲ့အရှေ့လေပွေလှိုင်း ဖြတ်သန်းဝင်ရောက်နိုင်တာကြောင့် ဘာတွေဖြစ်လာနိုင်မလဲ?

ထိုင်းမြန်မာနယ်စပ် ကရင်ပြည်နယ်ကို ကမမောင်းအရှေ့ဘက်၊ မြဝတီမြို့ မြောက်ဘက်မိုင်အနည်းငယ်ခန့်အကွာမှ ဖြတ်ကျော်ဝင်ရောက်ပြီးတဲ့နောက် မြေမျက်နှာပြင်အနေအထားများအရ အနောက်မြောက်ဘက်ကို ဦးတည်ရွေ့လျားနိုင်ကြောင်းတွေ့ရပါတယ်။

🔸 ကနဦး ခန့်မှန်းချက်အနေနဲ့ ကရင်ပြည်နယ်နဲ့ မွန်ပြည်နယ်တွေမှာ စက်တင်ဘာ ၂၁ ရက်မှ စတင်ပြီး မိုးအလွန်သည်းထန်နိုင်ကြောင်း တွေ့ရပါတယ်။ ၂၀ ရက် ည ၈ နာရီမှ ၂၁ ရက် ည ၈ နာရီအထိ ၂၄ နာရီအတွင်း မိုးရေချိန် 269.6mm(၁၀ လက်မအထက်)ရွာနိုင်တာကြောင့် သံလွင်မြစ်နဲ့ ဘီးလင်းမြစ်အပါအဝင် မြစ်/ချောင်းရေများ မြင့်တက်လာနိုင်ပြီး ကရင်ပြည်နယ်နဲ့ မွန်ပြည်နယ်အတွင်း ရေကြီရေလျှံခြင်းနှင့်အတူ တောင်ကျချောင်းရေကျဆင်းခြင်း၊ မြေပြိုခြင်းစတဲ့ သဘာဝဘေးတွေ ဖြစ်လာနိုင်ကြောင်း ဦးစွာ အသိပေးလိုပါတယ်။

🔸 အဲ့ဒီနောက်မှာတော့ စက်တင်ဘာ ၂၁-၂၂ ရက် ၂ ရက်မှာ လေပွေလှိုင်းရွေ့လျားရာလမ်းတလျှောက်မှာရှိတဲ့ ကရင်ပြည်နယ်၊ မွန်ပြည်နယ်၊ ပဲခူးတိုင်း အရှေ့ခြမ်း+အနောက်ခြမ်း၊ နေပြည်တော်၊ မန္တလေးတိုင်း၊ မကွေးတိုင်း၊ စစ်ကိုင်းတိုင်းအောက်ပိုင်းနဲ့ ရခိုင်ပြည်နယ်တွေမှာ မိုးသည်းထန်နိုင်မယ်လို့ပဲ ကနဦး ခန့်မှန်းပေးထားချင်ပါတယ်။

ဒီပြည်နယ်တိုင်းဒေသတွေမှာတော့ မိုးသည်းထန်ပြီး ရေကြီးရေလျှံဖြစ်လာနိုင်ချေ မြင့်မားတာကြောင့် ကြိုတင်ပြင်ဆင်မှုများဆောင်ရွက်ထားကြရန်လည်း အကြံပြုလိုပါတယ်။

🔸 ရခိုင်ပြည်နယ်အနေနဲ့တော့ လေပွေလှိုင်း ဘင်္ဂလားပင်လယ်အော်ထဲဆင်းသွားပြီး ပြန်လည်အားကောင်းလာကာ အနည်းဆုံး မုန်တိုင်းငယ်အဆင့်အထိ ပြန်ဖြစ်လာနိုင်တာကြောင့် လေပြင်းတိုက်ခတ်ခြင်းနဲ့ မိုးသည်းထန်ခြင်းများကို လမ်းကြောင်းညာဘက်ခြမ်းက ရခိုင်ကမ်းရိုးတန်းတခုလုံး သတိထားကြရမှာဖြစ်ပါတယ်။ တောင်ဘက်က ဧရာဝတီမြစ်ဝကျွန်းပေါ် အနောက်ဘက်ကမ်းရိုးတန်းကို လေပွေလှိုင်းအရှိန်သက်ရောက်မှုနည်းနိုင်ပါမယ်။

🔸 လေဖိအားနည်းရပ်ဝန်း ဗီယက်နမ်ကမ်းခြေကို ဖြတ်ကျော်ဝင်ရောက်ပြီးတဲ့နောက် အရှေ့လေပွေလှိုင်းလမ်းကြောင်းပြောင်းလဲမှုအခြေအနေပေါ်မူတည်ပြီး မိုးသည်းထန်နိုင်မဲ့ ပြည်နယ်တိုင်းဒေသများရဲ့ အသေးစိတ် တည်နေရာက ပြောင်းလဲသွားနိုင်တာကြောင့် နောက်ရက်တွေမှာလဲ ကြိုတင်ခန့်မှန်းအသိပေးချက်များဆက်လက်တင်ပြပေးသွားပါဦးမယ်။

ဒီနေ့ နံနက်ပိုင်း update အထိတော့ ပြောင်းလဲမှု မရှိသလောက်ပါပဲ။

NOTE:

၄ ရက်အတွင်းဖြစ်လာနိုင်မဲ့မိုးလေဝသအခြေအနေများ ကြိုတင်ကြည့်ရှုနိုင်ရန် MMWeather Knowledge website မှာလဲ တင်ပေးထားပါတယ်။ ကိုယ်ဒေသအလိုက် မိုးဘယ်လောက်များနိုင်မယ်ဆိုတဲ့ ခန့်မှန်းချက်ကို ကြည့်ကြပါ။

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။

ဗွေဆော်ဦး ကြော်ငြာ

ကိုယ်မွေးထားတဲ့ ငါး၊ ပုစွန်လေးတွေ မြန်မြန်ကြီး၊ များများရှင်စေချင်တယ်ဆိုရင်... အားဆေးကောင်းလေးတွေ ရှိနေပါတယ်ရှင့်... ငါး၊ ပုစွန်လေးတွေ အားရှိသန်မာထွားကျိုင်းသွားစေမဲ့ Aqua Calcium, Aqua Booster, Aqua Mix ဆိုတဲ့ ဆေးလေးတွေပါနော်.. Aqua Calcium ဆိုတာက.. နာမည်နဲ့လိုက်အောင်ပဲ ငါး၊ ပုစွန်တွေအတွက်လိုအပ်တဲ့ ကယ်လ်ဆီယမ်များ ခဲပျစ်ပါဝင်နေတဲ့ အရည်မျိုးဖြစ်ပြီး ဗီတာမင်စီလည်း ပါဝင်ပါတယ်ရှင့်..။ ဒါလေးထည့်ပေးလိုက်ရင် ငါး၊ ပုစွန်တွေရဲ့ ကြီးထွားနှုန်း၊ အရွယ်အစားနဲ့ အသက်ရှင်နှုန်းတို့ကို မြှင့်တင်ပေးပြီး ကန်ထဲမှာလည်း နိုက်ထရိတ်များလျော့ကျအောင် ဆောင်ရွက်ပေးမှာပါနော်..။ Aqua Booster ဆိုတာကတော့… ဘတ်တီးရီးယား၊ ဗိုင်းရပ်၊ ပရိုတိုဇိုအာတွေရဲ့ တိုက်ခိုက်မှုကို ခံနိုင်ရည်ပိုရှိစေမဲ့ အရေးပါတဲ့ ဇီဝကမ္မဆိုင်ရာ အာဟာရအားတိုးဆေးမျိုးပါ။ သူ့မှာက သြဂဲနစ်အက်စစ်အမျိုးမျိုး၊ glycan နဲ့ အမိုင်နိုအက်ဆစ်များ ပေါင်းစပ်ပါဝင်နေလို့ ငါး၊ ပုစွန်တွေရဲ့ ကျန်းမာရေးကော ဇီဝကမ္မဖြစ်စဉ်ကိုကော ကူညီထောက်ပံ့ပေးနိုင်ပါတယ်ရှင့်။ ဒါ့အပြင် အာဟာရစုပ်ယူနိုင်စွမ်းမြင့်စေပြီး အစာခြေအင်ဇိုင်းများကို လှုံ့ဆော်ပေးသလို ဘက်တီးရီးယားဒဏ်ကို လည်း ခံနိုင်ရည်ရှိစေလို့ ကြီးထွားနှုန်းနဲ့ ရှင်သန်နှုန်း မြင့်တက်စေမှာပါနော်။ နောက်တစ်ခု... Aqua Mix ကကောဆိုရင်တော့.. သူက ကယ်ဆီယမ်၊ မဂ္ဂနီဆီယမ်နှင့် ပိုတက်ဆီယမ် ပါဝင်တဲ့ အရောအ‌နှောဖြစ်လို့ ငါး၊ ပုစွန်လေးတွေရဲ့ အသက်ရှင် နှုန်းကို တိုးမြင့်စေပြီး အစာခြေစနစ်ကိုလည်း တိုးတက်စေပါတယ်။ ပြီးတော့ ကြွက်သားများ ကျုံ့ခြင်းတင်းခြင်းများကိုလျော့စေကာ အရေခွံလဲနှုန်းမြင့်စေပြီး အခွံများကို ပိုမာကြော လာစေနိုင်ပါတယ်။ ဒါတင်ပဲလားဆိုတော့...မဟုတ်သေးဘူး...ကြီးထွားနှုန်းလည်း ပိုကောင်းလာပြီး ဖမ်းဆီးချိန်မှာ အသွေးအရောင် လည်း ပိုလှနေစေမှာ ဖြစ်ပါတယ်ရှင့်။ ဆိုတော့ ဒါလေးတွေကို သုံးပေးမယ်ဆိုရင်... ငါး၊ ပုစွန်လေးတွေ ရှင်သန်ကြီးထွားနှုန်းမြင့်မားလာနိုင်တာဆိုတော့... ဝင်ငွေပိုတိုးလာမယ်ဆိုတာက ပြောနေစရာတောင် လိုမှာမဟုတ်ပါဘူးနော်.. ဒါလေးတွေလိုချင်တယ်ဆိုရင်တော့ ‘ဗွေဆော်ဦး’ မှာ ရနေပါပြီရှင့်...