တိုင်ဖွန်း YAGI အကြွင်းအကျန်နဲ့ လေပွေလှိုင်းဘယ်နေရာရောက်နေပြီး ဘယ်ဘက်ဆက်ရွေ့သွားမလဲ?

ဒီနေ့ စက်တင်ဘာ ၁၁ ရက် နံနက်ပိုင်းမှာ လေပွေလှိုင်းက မန္တလေးနဲ့ မိတ္ထီလာကြားမှာရှိနေပြီး အနောက်ဘက်ကို ဆက်ရွေ့မယ်လို့ ခန့်မှန်းပါတယ်။

စက်တင်ဘာ ၁၁ ရက် ညပိုင်းမှာတော့ အနောက်-အနောက်မြောက်ဘက်ကို ဆက်ရွေ့ပြီး ကလေးမြို့ပေါ်ကိုရောက်လာနိုင်ကြောင်း ခန့်မှန်းရပါတယ်။ 

ကလေးမြို့ပေါ်ရောက်ပြီးရင် မြေမျက်နှာပြင်အနေအထားတွေကြောင့် လားရာပြောင်းပြီး အနောက်တောင်ဘက်ကို ဆက်လက်ရွေ့လျားနိုင်ပါမယ်။

စက်တင်ဘာ ၁၂ ရက် မနက်ပိုင်းမှာ ရခိုင်ပြည်နယ်မြောက်ပိုင်း၊ ချင်းပြည်နယ်တို့ရဲ့ အပေါ်ကိုရောက်လာပြီး အနောက်ဘက်ကို ဆက်လက်ရွေ့လျားနိုင်ပါမယ်။

စက်တင်ဘာ ၁၂ ရက် ည ပိုင်းမှာ ဘင်္ဂလားပင်လယ်အော် မြောက်ပိုင်း၊ ဘင်္ဂလားဒေ့ရှ်နိုင်ငံ စစ်တကောင်းမြို့ပေါ်ရောက်ရှိမယ်လို့ ခန့်မှန်းထားပြီး မြောက်အနောက်မြောက်ဘက်ကို ဆက်လက်ရွေ့လျားနိုင်ကြောင်း ခန့်မှန်းပါတယ်။

စက်တင်ဘာ ၁၃ ရက် ည မှာတော့ ဘင်္ဂလားဒေ့ရှ်နိုင်ငံ အနောက်တောင်ပိုင်း၊ အိန္ဒိယနယ်စပ်အနီးကို ဆက်လက်ရွေ့လျားပြီး ကုန်းတွင်းလေဖိအားနည်းရပ်ဝန်းဖြစ်လာနိုင်မယ်လို့ ECMWF Model ရဲ့ အမြင့် ပေ ၅၀၀၀  ရှိလေစီးကြောင်းများကို အခြေခံပြီး ခန့်မှန်းထားပါတယ်။

၁၃ ရက်နေ့ နောက်ပိုင်းမှာတော့ မြန်မာနိုင်ငံအနှံ့ မိုးအားအနည်းငယ်ပြန်လည်လျော့ကျသွားနိုင်ပါမယ်။

သို့သော် .... ရှေ့ပိုင်းမှာ များခဲ့တဲ့ မိုးကြောင့် မြစ်ရေများမြင့်တက်လာနိုင်တာကိုတော့ သတိနဲ့ ဆက်လက်စောင့်ကြည့်ကြရပါဦးမယ်။

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။

မာလာမြိုင် ကုမ္ပဏီ ကြော်ငြာ

ဦးကြီးတို့ရဲ့ မြေကြီးက ရွှေသီးဖို့ပဲ ဖြစ်သင့်တာပေါ့။ ဒါပေမဲ့ စပါးခင်းထဲ ရွှေခရုရောက်လာပြီဆိုရင်တော့ မြေကြီးက ရွှေသီးဖို့ကို အနှောင့်အယှက် ကောင်းကောင်းကြီးပေးပါလိမ့်မယ်။ မြန်မာ့မျိုးရင်းခရုမဟုတ်တဲ့ တောင်အမေရိကမျိုးစိတ်ဖြစ်ပြီး မြန်မာနိုင်ငံကို ကျူးကျော်လာတဲ့ မျိုးစိတ်ဖြစ်တာကြောင့် အကောင်ပွားနှုန်းကလည်း အဆမတန် မြင့်တက်လာပါတယ်။ ခရုအမ တစ်ကောင်က တစ်ခါ ဥ မယ်ဆိုရင် ဥအရေအတွက် ၁၀၀ ကနေ ၁၀၀၀ အထိ အတွဲလိုက်ဥကြပြီး တစ်နှစ်မှာ ၃ ကြိမ်အထိ မျိုးပွားနိုင်ပါတယ်။ စပါးခင်းတွေမှာ ရွှေခရုကျပြီဆိုရင် ပန်းရောင် ဥ တွေ ကို စပါးပင်တွေမှာ တွေ့ရနိုင်ပါတယ်။ ဒီရွှေခရုတွေကို ရှင်းပစ်ဖို့အတွက်ကတော့ မာလာမြိုင်ရဲ့ ခရုဘုရင် ရှိနေပါပြီ။ ခရုဘုရင်က စားသေအစွမ်းနဲ့ အဆိပ်ငွေ့အာနိသင်ရှိတာကြောင့် ရွှေခရုတွေကို အထိရောက်ဆုံး ရှင်းပေးနိုင်မှာပါ။ အစွမ်းရှိပစ္စည်းဖြစ်တဲ့ Niclosamide -olamine 83.1% WP ပါဝင်ပြီး Chloronitrophenol ဆေးအုပ်စုထဲ ပါဝင်ပါတယ်။ ရေဖျော်ဆေးမှုန့်အမျိုးအစားဖြစ်လို့ ရေ ၂၀ လီတာဝင်တဲ့ဆေးဖျန်းပုံး တစ်ပုံးမှာ ၄၀ ကနေ ၅၀ ဂရမ်အထိ အသုံးပြုနိုင်ပါတယ်။ နှုန်းထားကိုတော့ တစ်ဧကမှာ ၁၅၀ ကနေ ၂၀၀ ဂရမ်နဲ့ တွက်ချက်ပေးထားပါတယ်။ သတိပြုရမှာတော့ ဆေးဖျန်းပြီးနောက်ပိုင်း စပါးခင်းအတွင်းမှာရှိတဲ့ ရေကို ၅ စင်တီမီတာနဲ့ ၃ ရက်ထားဖို့ လိုအပ်ပါတယ်။ ဆေးဖျန်းပြီး ၅၂ ရက်ကြာမှ ရိတ်သိမ်းသင့်ပါတယ်။ ခရုဘုရင်နဲ့ဆို စပါးခင်းကို ဒုက္ခပေးတဲ့ ရွှေခရုတွေကို ရှင်းလင်းနိုင်ပြီး မြေကြီးက ရွှေသီးနိုင်ပြီပေါ့ဗျာ။

Read more

Facebook Page သို့သွားရန်