စက်တင်ဘာ ၅ ရက်နောက်ပိုင်း အလယ်ပိုင်းဒေသများ မိုးရမည်

စက်တင်ဘာလ ၁ ရက် ညနေ ၄ နာရီအချိန်တွင် ရရှိသည့်ဒေတာများအရ တောင်တရုတ်ပင်လယ်ထဲရောက်လာပြီး တိုင်ဖွန်းမုန်တိုင်းဖြစ်လာနိုင်မဲ့ လေဖိအားနည်းရပ်ဝန်းကတော့ ဖိလစ်ပိုင် အရှေ့ဘက်ကမ်းခြေနားမှ ကပ်ပြီး စ နေပါပြီ။

ဖိလစ်ပိုင်နိုင်ငံအတွက် ပဥ္စမမြောက်ဖြစ်တဲ့အတွက် အင်္ဂလိပ်အက္ခရာ "E"နဲ့ စ တဲ့ "Enteng" လို့ အမည်ပေးထားပါတယ်။ အပြည်ပြည်ဆိုင်ရာ မိုးလေဝသဌာတွေကတော့ စောင့်ကြည့်ရမဲ့အခြေအနေဖြစ်လို့ "INVEST-92W" လို့ ကနဦးအမည် သတ်မှတ်ထားပါတယ်။

တောင်တရုတ်ပင်လယ်ထဲဝင်လာပြီးတဲ့အခါ ဘင်္ဂလားပင်လယ်အော်အနောက်မြောက်ပိုင်းပင်လယ်ပြင်မှာလဲ လေဖိအားနည်းရပ်ဝန်း အသစ်တခုဖြစ်ဘို့ အစပျိုးလာမယ်လို့ တွေ့ရပါပြီ။

ENTENG ခေါ် 92W ဆက်လက်ရွေ့လျားနိုင်မဲ့ လမ်းကြောင်းအရ တောင်တရုတ်ပင်လယ်ထဲအထိရောက်လာပြီးတဲ့အခါ အနောက်တောင်မုတ်သုံလေအားကောင်းလာမှာ၊ လေဖိအားနည်းရပ်ဝန်းသစ်တခု ဖြစ်လာမှာကြောင့် မြန်မာနိုင်ငံကို အရှေ့ဘက်က မိုးတွေရော၊ အနောက်ဘက်က မိုးတွေရော ဆွဲသွင်းလာတော့မယ်လို့ ခန့်မှန်းရပါတယ်။

အချုပ်အားဖြင့် -

🔸 စက်တင်ဘာလ ၅ ရက်နောက်ပိုင်းမှာ - အလယ်ပိုင်းဒေသတွေလဲ မိုးရမယ် တနင်္သာရီတိုင်းမှာတော့ မိုးများ/မိုးအလွန်များနိုင်မဲ့အခြေအနေတွေဖြစ်လာနိုင်ပါမယ်။ ကျန်ပြည်နယ်တိုင်းတွေမှာ ဖြစ်လာနိုင်မဲ့ မိုး/လေ မိုးအခြေအနေကိုတော့ စောင့်ကြည့်ပါဦးမယ်။

🔸 ပင်လယ်ပြင်က ကမ်းနီးရေလုပ်ငန်းလုပ်ကွက်တွေအနေနဲ့တော့ စက်တင်ဘာလ ၇ ရက်မှ ၁၀ ရက်အတွင်း လှိုင်း+လေ ထန်နေပါမယ်။ လေတိုက်နှုန်း တနာရီ မိုင် ၃၀ ခန့်နဲ့ လှိုင်းအမြင့် ၂ မီတာ(၆.၅၆ ပေ)ခန့်အထိ ရှိနိုင်ကြောင်း ကနဦးခန့်မှန်းချက်အနေနဲ့ တင်ပြလိုက်ရပါတယ်။

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။

Farm Link Co.,Ltd ကြော်ငြာ

🌾စပါးဈေးမကောင်းတဲ့ ရာသီမှာ အမြတ်ကျန်အောင် ဘယ်လိုစိုက်မလဲ⁉️ ❗စပါးဈေးကလည်းမသေချာ၊ သွင်းအားစုစရိတ်တွေကလည်း တက်နေတဲ့ဒီလိုအချိန်မှာ သွင်းအားစုဖိုးကို လျှော့ချပြီး အထွက်နှုန်းကို ထိန်းထားနိုင်မှ ဦးကြီးတို့ အဆင်ပြေမှာနော် ✔️ဒါကြောင့် ကိုယ်သုံးသမျှ ကိုယ့်အတွက်အကျိုးရစေမယ့် အရည်အသွေးစိတ်ချရတဲ့ သွင်းအားစုပစ္စည်းတွေကိုပဲ ရွေးချယ်သုံးသင့်ပါတယ်။