ဆိုင်ကလုန်းမုန်တိုင်း မိကျောင်းကြောင့် တိုင်းဒေသကြီးအချို့ မိုးရွာဦးမည်..

ဘင်္ဂလားပင်လယ်အော်မှာ ဖြစ်လာနိုင်တဲ့ အမည်ရဆိုင်ကလုန်းမုန်တိုင်း "မိကျောင်း"ဖြစ်လာနိုင်ချေကို နိုဝင်ဘာ ၂၃ ရက်နေ့မှာ စတင်အသိပေးတဲ့ post တင်ပေးခဲ့ပါတယ်။

ကနဦးကြိုတင်ခန့်မှန်းချက်တွေမှာတော့ ထိုင်းပင်လယ်ကွေ့ဘက်က ကပ္ပလီပင်လယ်ကိုဝင်လာမဲ့ INVEST-99W ကပိုအားကာင်းလာပြီး ဘင်္ဂလားပင်လယ်အော်မှာဆိုင်ကလုန်းမုန်တိုင်းဖြစ်လာနိုင်ချေ ၄၀% ရှိကြောင်း တင်ပြပေးခဲ့ပြီး ပင်လယ်ပြင်ကရေလုပ်သားတွေ အချိန်မီရှောင်နိုင်ဘို့အတွက် ကြိုတင်အသိပေးခဲ့ပါတယ်။

99W က မုန်တိုင်းဆက်မဖြစ်နိုင်တော့ကြောင်း JTWC က ကြေညာပြီးတဲ့နောက် တချိန်ထဲမှာပဲ ဘင်္ဂလားပင်လယ်အော်တောင်ပိုင်းမှာ INVEST-95B နိုဝင်ဘာ ၂၈ ရက်နေ့မှာ စတင်ဖြစ်ပေါ်ကြောင်းကြေညာခဲ့တာတွေ့ခဲ့ရပါတယ်။

ဒီဇင်ဘာ ၁ ရက်နေ့(ဒီနေ့)အထိ ဆိုင်ကလုန်းမုန်တိုင်းဖြစ်လာမဲ့အခြေအနေက သေချာနေပေမဲ့ ဆက်လက်ရွေ့လျားမဲ့လမ်းကြောင်းက မသေမချာဖြစ်နေတာကြောင့် မြန်မာနိုင်ငံအပေါ်ဆိုင်ကလုန်းမုန်တိုင်းအရှိန်သက်ရောက်နိုင်မဲ့အခြေအနေက မရေမရာဖြစ်နေခဲ့ပါတယ်။

🔸 မိုးလေဝသဌာနကြီးများမှ ထုတ်ပြန်ချက်

တရားဝင်မိုးလေဝသဌာနကြီးများကလဲ ဆိုင်ကလုန်းမုန်တိုင်းဖြစ်လာနိုင်မဲ့အခြေအနေနဲ့ ဆက်လက်ရွေ့လျားနိုင်မဲ့လမ်းကြောင်းတွေကို နေ့စဉ်ထုတ်ပြန်ပေးနေပါတယ်။ မူလခန့်မှန်းရက်ထက်နောက်ကျပြီး ဒီဇင်ဘာလ ၃ ရက်နေ့မှ ဆိုင်ကလုန်းမုန်တိုင်းဖြစ်နိုင်မယ်လို့လဲ ကြေညာထားကြပါတယ်။

ဒီဇင်ဘာလ ၁ ရက်နေ့ အိန္ဒိယမိုးလေဝသဌာနရဲ့ထုတ်ပြန်ချက်တွေမှာတော့ ဆိုင်ကလုန်းမုန်တိုင်း "မိကျောင်း" ဖြစ်လာပြီးတဲ့နောက် အိန္ဒိယနိုင်ငံ "အန်ဒရာပရာဒက်ရှ်"နဲ့"တမီလ်နာဒူး"ကမ်းခြေတွေကို ဖြတ်ကျော်ဝင်ရောက်နိုင်ပြီး မြန်မာနိုင်ငံဘက်ကို မုန်တိုင်းဦးတည်ရွေ့လျားနိုင်ဖွယ်မရှိတော့ကြောင်းတွေ့ရပါတယ်။

**မုန်တိုင်းကုန်းတွင်းဝင်အပြီး ဖြစ်လာနိုင်သည့် ကြိုတင်ခန့်မှန်းချက်များ**

🔸 ဆိုင်ကလုန်းမုန်တိုင်း ကုန်းတွင်းကို **ဒီဇင်ဘာ ၅ ရက်နေ့** မှာ ဝင်ရောက်ပြီးတဲ့နောက် ကုန်းတွင်းမုန်တိုင်း/လေဖိအားနည်းရပ်ဝန်းအနေနဲ့ဆက်လက်ရွေ့လျားလာမဲ့ မုန်တိုင်းအကြွင်းအကျန်တိမ်တိုက်တွေကြောင့် -

🔸 ဒီဇင်ဘာ ၅ ရက် ညနေပိုင်းက စ ပြီး တနင်္သာရီတိုင်း၊ မွန်ပြည်နယ်၊ ကရင်ပြည်နယ်၊ ဧရာဝတီတိုင်း၊ ရန်ကုန်တိုင်း၊ ပဲခူးတိုင်းနဲ့ ရှမ်းပြည်နယ်ဒေသအချို့မှာ မိုးအနည်းငယ် စတင်ရွာသွန်းနိုင်ပါတယ်။ မများပါ။

ဒီဇင်ဘာလ ၆ ရက်နောက်ပိုင်း-ဒီဇင်ဘာ ၁၀ ရက်နေ့အထိ -

🔸 ရခိုင်ပြည်နယ်၊ ချင်းပြည်နယ်၊ စစ်ကိုင်းတိုင်းအောက်ပိုင်း၊ မန္တလေးတိုင်း၊ ရှမ်းပြည်နယ်တွေမှာ နေရာစိပ်စိပ်မိုးများနိုင်ပါမယ်။

🔸 ကျန်ပြည်နယ်တိုင်းတွေမှာတော့ နေရာကျဲကျဲ-မိုးပါးပါး(အနည်းငယ်သာ)ရွာနိုင်ဖွယ်ရှိပါတယ်။

ပင်လယ်ပြင်အခြေအနေကြိုတင်ခန့်မှန်း

🔸 ပင်လယ်ပြင်မှာ လေပြင်း တစ်နာရီ ၁၅ မိုင်ခန့်သာ တိုက်ခတ်နိုင်ပြီး လှိုင်းအမြင့်ဆုံး ၄ ပေခန့်သာရှိနိုင်ပါတယ်။

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။

ဗွေဆော်ဦး ကြော်ငြာ

ကိုယ်မွေးထားတဲ့ ငါး၊ ပုစွန်လေးတွေ မြန်မြန်ကြီး၊ များများရှင်စေချင်တယ်ဆိုရင်... အားဆေးကောင်းလေးတွေ ရှိနေပါတယ်ရှင့်... ငါး၊ ပုစွန်လေးတွေ အားရှိသန်မာထွားကျိုင်းသွားစေမဲ့ Aqua Calcium, Aqua Booster, Aqua Mix ဆိုတဲ့ ဆေးလေးတွေပါနော်.. Aqua Calcium ဆိုတာက.. နာမည်နဲ့လိုက်အောင်ပဲ ငါး၊ ပုစွန်တွေအတွက်လိုအပ်တဲ့ ကယ်လ်ဆီယမ်များ ခဲပျစ်ပါဝင်နေတဲ့ အရည်မျိုးဖြစ်ပြီး ဗီတာမင်စီလည်း ပါဝင်ပါတယ်ရှင့်..။ ဒါလေးထည့်ပေးလိုက်ရင် ငါး၊ ပုစွန်တွေရဲ့ ကြီးထွားနှုန်း၊ အရွယ်အစားနဲ့ အသက်ရှင်နှုန်းတို့ကို မြှင့်တင်ပေးပြီး ကန်ထဲမှာလည်း နိုက်ထရိတ်များလျော့ကျအောင် ဆောင်ရွက်ပေးမှာပါနော်..။ Aqua Booster ဆိုတာကတော့… ဘတ်တီးရီးယား၊ ဗိုင်းရပ်၊ ပရိုတိုဇိုအာတွေရဲ့ တိုက်ခိုက်မှုကို ခံနိုင်ရည်ပိုရှိစေမဲ့ အရေးပါတဲ့ ဇီဝကမ္မဆိုင်ရာ အာဟာရအားတိုးဆေးမျိုးပါ။ သူ့မှာက သြဂဲနစ်အက်စစ်အမျိုးမျိုး၊ glycan နဲ့ အမိုင်နိုအက်ဆစ်များ ပေါင်းစပ်ပါဝင်နေလို့ ငါး၊ ပုစွန်တွေရဲ့ ကျန်းမာရေးကော ဇီဝကမ္မဖြစ်စဉ်ကိုကော ကူညီထောက်ပံ့ပေးနိုင်ပါတယ်ရှင့်။ ဒါ့အပြင် အာဟာရစုပ်ယူနိုင်စွမ်းမြင့်စေပြီး အစာခြေအင်ဇိုင်းများကို လှုံ့ဆော်ပေးသလို ဘက်တီးရီးယားဒဏ်ကို လည်း ခံနိုင်ရည်ရှိစေလို့ ကြီးထွားနှုန်းနဲ့ ရှင်သန်နှုန်း မြင့်တက်စေမှာပါနော်။ နောက်တစ်ခု... Aqua Mix ကကောဆိုရင်တော့.. သူက ကယ်ဆီယမ်၊ မဂ္ဂနီဆီယမ်နှင့် ပိုတက်ဆီယမ် ပါဝင်တဲ့ အရောအ‌နှောဖြစ်လို့ ငါး၊ ပုစွန်လေးတွေရဲ့ အသက်ရှင် နှုန်းကို တိုးမြင့်စေပြီး အစာခြေစနစ်ကိုလည်း တိုးတက်စေပါတယ်။ ပြီးတော့ ကြွက်သားများ ကျုံ့ခြင်းတင်းခြင်းများကိုလျော့စေကာ အရေခွံလဲနှုန်းမြင့်စေပြီး အခွံများကို ပိုမာကြော လာစေနိုင်ပါတယ်။ ဒါတင်ပဲလားဆိုတော့...မဟုတ်သေးဘူး...ကြီးထွားနှုန်းလည်း ပိုကောင်းလာပြီး ဖမ်းဆီးချိန်မှာ အသွေးအရောင် လည်း ပိုလှနေစေမှာ ဖြစ်ပါတယ်ရှင့်။ ဆိုတော့ ဒါလေးတွေကို သုံးပေးမယ်ဆိုရင်... ငါး၊ ပုစွန်လေးတွေ ရှင်သန်ကြီးထွားနှုန်းမြင့်မားလာနိုင်တာဆိုတော့... ဝင်ငွေပိုတိုးလာမယ်ဆိုတာက ပြောနေစရာတောင် လိုမှာမဟုတ်ပါဘူးနော်.. ဒါလေးတွေလိုချင်တယ်ဆိုရင်တော့ ‘ဗွေဆော်ဦး’ မှာ ရနေပါပြီရှင့်...