နိုဝင်ဘာ ၈ - ၁၂ ရက်အတွင်း ဖြစ်ပေါ်နိုင်တဲ့ မိုးလေဝသအခြေအနေများ

နိုဝင်ဘာလ ၆ ရက် နံနက် ၁၁ နာရီမှာ တွေ့ရတဲ့ မိုးလေဝသဒေတာတွေအရ ယနေ့နဲ့ မနက်ဖြန်မှာ ထူးခြားမိုးလေဝသ ဖြစ်စဉ်တွေဖြစ်နိုင်ချေ အရမ်းနည်းနေတာကြောင့် နိုဝင်ဘာလ ၈ - ၁၂ ရက်ရဲ့ မိုးလေဝသအခြေအနေတွေကိုသာ ပြောပြပေးသွားပါ့မယ်။

NOAA ရဲ့ကြိုတင်ခန့်မှန်းချက်အရ

• ဘင်္ဂလားပင်လယ်အော်နဲ့ တောင်တရုတ်ပင်လယ်တွေမှာ မုန်တိုင်းဖြစ်နိုင်ချေက ၂၀ % သာ ရှိနေကြောင်း
•  နိုဝင်ဘာလ ၈ ရက်မှ ၂၁ ရက်အထိကာလအတွင်း မိုးရွာသွန်းနိုင်မယ့်အခြေအနေက နှစ်စဉ်ရွာသွန်းမြဲအောက် ၆၅% မှ ၈၀% အထိ လျော့နည်းနိုင်ကြောင်းပဲ ဖြစ်ပါတယ်။ 

METEOBLUE ကြိုတင်ခန့်မှန်းချက်အရ

နိုဝင်ဘာလအတွင်း 

• ကချင်ပြည်နယ်အထက်ပိုင်းမှာ နှစ်စဉ်နိုဝင်ဘာလအတွင်း မိုးရွာသွန်းခြင်းရဲ့ ပုံမှန်ရွာသွန်းမြဲအောက်
• ရခိုင်ပြည်နယ်၊ ချင်းပြည်နယ်တောင်ပိုင်း၊ မကွေးတိုင်း၊မန္တလေးတိုင်း၊ ရှမ်းပြည်နယ်-အရှေ့ပိုင်းနဲ့ တောင်ပိုင်း၊ ကယားပြည်နယ်၊ နေပြည်တော်၊ ပဲခူးတိုင်း၊ ဧရာဝတီတိုင်း၊ ရန်ကုန်တိုင်း၊ ကရင်ပြည်နယ်၊ မွန်ပြည်နယ်၊ တနင်္သာရီတိုင်းတွေမှာ နိုဝင်ဘာလအတွင်းမိုးရွာသွန်းခြင်းရဲ့ ပုံမှန်ရွာသွန်းမြဲအထက်
• ချင်းပြည်နယ်မြောက်ပိုင်း၊ ရှမ်းပြည်နယ်မြောက်ပိုင်း၊ စစ်ကိုင်းတိုင်းနဲ့ ကချင်ပြည်နယ်တောင်ပိုင်းတွေမှာတော့ နိုဝင်ဘာလအတွင်းမိုးရွာသွန်းခြင်းရဲ့ ပုံမှန်ရွာသွန်းမြဲခန့်သာ ရွာသွန်းနိုင်ချေရှိကြောင်း ခန့်မှန်းချက်ရှိနေတာတွေ့ရပါတယ်။

WINDY ကြိုတင်ခန့်မှန်းချက်ကတော့ 

နိုဝင်ဘာလ ၁၅ ရက်အထိ ကြိုတင်ခန့်မှန်းချက်မှာတော့ နိုဝင်ဘာလ ၁၁ ရက် ညနေပိုင်းမှ နိုဝင်ဘာ ၁၃ ရက်အတွင်းမှာ အရှေ့ဘက်မှ မိုးတိမ်များဝင်ရောက်လာနိုင်ပြီး ဧရာဝတီတိုင်း၊ ရန်ကုန်တိုင်း၊ ပဲခူးတိုင်းအရှေ့ခြမ်း၊ ကရင်ပြည်နယ်၊ မွန်ပြည်နယ်နဲ့ တနင်္သာရီတိုင်းတွေမှာ မိုးအနည်းငယ်ရွာသွန်းနိုင်မယ့် အခြေအနေများဖြစ်ပေါ်နိုင်တာကလွဲရင် ကျန်ပြည်နယ်နဲ့တိုင်းအားလုံးမှာတော့ တိမ်ကင်းစင်ပြီး သာယာနေနိုင်ကြောင်းတွေ့ရပါတယ်။

Photo - ဦးဝင်းနိုင်

#(မိမိဒေသ မြို့နယ်တစ်ခုချင်းအလိုက် အသေးစိတ်မိုးလေဝသအခြေအနေများကို သိလိုပါက Green Way app ရှိ ‘ မေးကြ၊ ဖြေကြ ဒေသအလိုက် မိုးလေဝသ’ အဖွဲ့တွင် အခမဲ့အဖွဲ့ဝင်ပြီး ဆရာနှင့် တိုက်ရိုက်မေးမြန်းနိုင်ပါသည်)

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။

မာလာမြိုင် ကုမ္ပဏီ ကြော်ငြာ

ဦးကြီးတို့ရဲ့ မြေကြီးက ရွှေသီးဖို့ပဲ ဖြစ်သင့်တာပေါ့။ ဒါပေမဲ့ စပါးခင်းထဲ ရွှေခရုရောက်လာပြီဆိုရင်တော့ မြေကြီးက ရွှေသီးဖို့ကို အနှောင့်အယှက် ကောင်းကောင်းကြီးပေးပါလိမ့်မယ်။ မြန်မာ့မျိုးရင်းခရုမဟုတ်တဲ့ တောင်အမေရိကမျိုးစိတ်ဖြစ်ပြီး မြန်မာနိုင်ငံကို ကျူးကျော်လာတဲ့ မျိုးစိတ်ဖြစ်တာကြောင့် အကောင်ပွားနှုန်းကလည်း အဆမတန် မြင့်တက်လာပါတယ်။ ခရုအမ တစ်ကောင်က တစ်ခါ ဥ မယ်ဆိုရင် ဥအရေအတွက် ၁၀၀ ကနေ ၁၀၀၀ အထိ အတွဲလိုက်ဥကြပြီး တစ်နှစ်မှာ ၃ ကြိမ်အထိ မျိုးပွားနိုင်ပါတယ်။ စပါးခင်းတွေမှာ ရွှေခရုကျပြီဆိုရင် ပန်းရောင် ဥ တွေ ကို စပါးပင်တွေမှာ တွေ့ရနိုင်ပါတယ်။ ဒီရွှေခရုတွေကို ရှင်းပစ်ဖို့အတွက်ကတော့ မာလာမြိုင်ရဲ့ ခရုဘုရင် ရှိနေပါပြီ။ ခရုဘုရင်က စားသေအစွမ်းနဲ့ အဆိပ်ငွေ့အာနိသင်ရှိတာကြောင့် ရွှေခရုတွေကို အထိရောက်ဆုံး ရှင်းပေးနိုင်မှာပါ။ အစွမ်းရှိပစ္စည်းဖြစ်တဲ့ Niclosamide -olamine 83.1% WP ပါဝင်ပြီး Chloronitrophenol ဆေးအုပ်စုထဲ ပါဝင်ပါတယ်။ ရေဖျော်ဆေးမှုန့်အမျိုးအစားဖြစ်လို့ ရေ ၂၀ လီတာဝင်တဲ့ဆေးဖျန်းပုံး တစ်ပုံးမှာ ၄၀ ကနေ ၅၀ ဂရမ်အထိ အသုံးပြုနိုင်ပါတယ်။ နှုန်းထားကိုတော့ တစ်ဧကမှာ ၁၅၀ ကနေ ၂၀၀ ဂရမ်နဲ့ တွက်ချက်ပေးထားပါတယ်။ သတိပြုရမှာတော့ ဆေးဖျန်းပြီးနောက်ပိုင်း စပါးခင်းအတွင်းမှာရှိတဲ့ ရေကို ၅ စင်တီမီတာနဲ့ ၃ ရက်ထားဖို့ လိုအပ်ပါတယ်။ ဆေးဖျန်းပြီး ၅၂ ရက်ကြာမှ ရိတ်သိမ်းသင့်ပါတယ်။ ခရုဘုရင်နဲ့ဆို စပါးခင်းကို ဒုက္ခပေးတဲ့ ရွှေခရုတွေကို ရှင်းလင်းနိုင်ပြီး မြေကြီးက ရွှေသီးနိုင်ပြီပေါ့ဗျာ။

Read more

Facebook Page သို့သွားရန်