ဦးဝင်းနိုင်အောက်တိုဘာလ ၂၆ ရက် မွန်းတည့် ၁၂ နာရီ ဒေတာများအရ ထူးခြားသည့်မိုးလေဝသအခြေအနေမရှိပါ။ ထိုင်းမိုးလေဝသဌာန မြေပြင်မိုးလေဝသ chart တွင် လေဖိအားနည်းချိုင့်ဝှမ်းသည် ဧရာဝတီတိုင်း၊ ရန်ကုန်တိုင်း၊ ကရင်ပြည်နယ်၊ မွန်ပြည်နယ်နှင့် တနင်္သာရီတိုင်းတို့ပေါ်တွင် တည်ရှိနေပါတယ်။ ဒါ့အပြင် အောက်တိုဘာလ ၂၅ ရက် ညနေ ၆ နာရီခွဲအချိန်အထိ ဆိုင်ကလုန်းမုန်တိုင်း HAMOON အကြွင်းအကျန်တိမ်တိုက်များ၊ ရေခိုးရေငွေ့များနှင့် လေဝဲ(VORTEX)သည် ကချင်ပြည်နယ်၊ စစ်ကိုင်းတိုင်း၊ မကွေးတိုင်း၊ မန္တလေးတိုင်း၊ ချင်းပြည်နယ်နှင့် ရခိုင်ပြည်နယ်မြောက်ပိုင်းတို့တွင် ဆက်လက်တည်ရှိနေကြောင်း CIMSS မိုက်ခရိုဝေ့ပုံရိပ်များတွင် တွေ့ရဆဲဖြစ်ပါတယ်။
ဒီနေ့ post ရေးချိန်မှာတော့ မုန်တိုင်းအကြွင်းအကျန်အခြေအနေမရှိတော့ပဲ လုံးဝပျက်ပြယ်သွားပြီဖြစ်ကြောင်းတွေ့ရပါတယ်။
သို့ပေမဲ့လည်း ဆိုင်ကလုန်းမုန်တိုင်း HAMOON ရဲ့ အရှိန်သက်ရောက်မှုနှင့် နိုင်ငံတောင်ပိုင်းမှ လေဖိအားနည်း ချိုင့်ဝှမ်းအခြေအနေများကြောင့် ၃ ရက်နှင့် ၅ ရက်အထိ
- တနင်္သာရီတိုင်း၊ ကရင်ပြည်နယ်၊ မွန်ပြည်နယ်၊ ပဲခူးတိုင်း၊ ရန်ကုန်တိုင်း၊ ရခိုင်ပြည်နယ်တောင်ပိုင်း၊ ဧရာဝတီတိုင်း၊ နေပြည်တော်၊ ရှမ်းပြည်နယ်(တောင်ပိုင်းနှင့် အရှေ့ပိုင်း)၊ ကယားပြည်နယ်၊ ကချင်ပြည်နယ်တို့တွင် မိုးအသင့်အတင့်မှ မိုးများနိုင်ပြီး
- ချင်းပြည်နယ်၊ မကွေးတိုင်း၊ မန္တလေးတိုင်း၊ စစ်ကိုင်းတိုင်း၊ ရှမ်းပြည်နယ်မြောက်ပိုင်းတို့တွင် မိုးနည်းနေနိုင်ပါမယ်။
ဖြစ်ပေါ်နေဆဲ လေဖိအားနည်းချိုင့်ဝှမ်း(TROUGH)ရယ်၊ အရှေ့ဘက်က ဝင်လာတဲ့ မိုးတိမ်တွေရယ် ဒီ ၂ မျိုးပေါင်းပြီး တနင်္သာရီတိုင်း၊ မွန်ပြည်နယ်၊ ကရင်ပြည်နယ်၊ ပဲခူးတိုင်း၊ ရန်ကုန်တိုင်းနဲ့ ဧရာဝတီတိုင်းတွေမှာ နောက်လာမဲ့ ၆ နာရီအတွင်း နေရာကွက်ပြီး မိုးများနိုင်ပါတယ်။ ရေကြီးရေလျှံဖြစ်နိုင်မဲ့ နေရာတွေ သတိထားကြဖို့ပါ။
Photo_ဦးဝင်းနိုင်
(မိမိဒေသ မြို့နယ်တစ်ခုချင်းအလိုက် အသေးစိတ်မိုးလေဝသအခြေအနေများကို သိလိုပါက Green Way app ရှိ ‘ မေးကြ၊ ဖြေကြ ဒေသအလိုက် မိုးလေဝသ’ အဖွဲ့တွင် အခမဲ့အဖွဲ့ဝင်ပြီး ဆရာနှင့် တိုက်ရိုက်မေးမြန်းနိုင်ပါသည်)
ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။
Farm Link Co.,Ltd ကြော်ငြာ
.jpg)
ဆွေးနွေးချက်များ
-
{{ comment.user.name }} - {{ formatDate(comment.created_at) }}
{{ question.title }}