သဲဆန်တဲ့မြေတွေမှာ ဘာအပင်တွေစိုက်လို့ရသလဲ?

ပုံမှန်အားဖြင့်တော့ သဲဆန်တဲ့မြေတွေဟာ ရေနဲ့ အပင်အတွက်လိုအပ်တဲ့ အာဟာရဓာတ်တွေကို ထိန်းထားနိုင်စွမ်းမရှိလို့ အပင်အများစု မဖြစ်ထွန်းကြပါဘူး။ ဒါပေမဲ့ သဘာဝမြေဆွေး၊ သစ်ဆွေးတွေထည့်ပြီး အနည်းငယ်ပြုပြင်လိုက်မယ်ဆိုရင်တော့ စိုက်လို့ရတဲ့ အပင်တွေ အများကြီးရှိပါတယ်ဗျ။ နောက်တစ်ချက်က သဲဆန်တဲ့မြေမှာလည်း ကောင်းကျိုးလေးတွေရှိနေပါသေးတယ်။ တူးရလွယ်ကူပြီး ရေဝပ်တာမျိုးမရှိဘူး၊ အစိုဓာတ်ထိန်းထားနိုင်မှု အားနည်းတာကြောင့် ဘက်တီးရီးယားတွေနဲ့ မှိုရောဂါတွေ ကျရောက်မှုကို ခံနိုင်ရည်ရှိတာတွေ့ရပါတယ်ဗျ။

သဲဆန်တဲ့မြေမှာ စိုက်ပျိုးလို့ရတဲ့ အပင်တွေကတော့...

(၁) မုန်လာဉနီ

မုန်လာဉနီက ရေသောက်မြစ်ပါရှိတဲ့ သူတို့ရဲ့အမြစ်ဖွဲ့စည်းပုံကြောင့် မြေကြီးကိုအလွယ်တကူ ထိုးဖောက်ဝင်ရောက်နိုင်ပါတယ်။ အမြစ်နက်နက်ဆင်းဖို့အတွက်ဆိုရင်တော့ သဲဆန်တဲ့မြေဟာ သူတို့အတွက် ကောင်းကောင်းအထောက်အကူဖြစ်စေပါတယ်ဗျ။

(၂) အာလူး

အာလူးကလည်း အမြစ်နှင့်ဥစားသီးနှံဖြစ်တာမို့ သဲဆန်တဲ့မြေမှာ ကောင်းစွာရှင်သန်နိုင်ပါတယ်။ ဒါ့ပြင် သဲဆန်တဲ့မြေဟာ အက်ဆစ်ဓာတ်ပိုမြင့်တာမို့ အာလူးမှာ ကျရောက်တတ်တဲ့ အနာရောဂါတွေကို လျော့ချပေးပါတယ်။

(၃) ဆလပ်ရွက်

အရွက်စားသီးနှံတွေထဲမှာတော့ သဲဆန်တဲ့မြေကို ခံနိုင်ရည်အရှိဆုံးအပင်လို့ ပြောလို့ရပါတယ်ဗျ။ ဒါပေမဲ့ ရေကို နေ့စဉ်လောင်းပေးဖို့တော့ လိုပါလိမ့်မယ်။

(၄) ခရမ်းချဉ်

ခရမ်းချဉ်ဟာ နေရောင်ခြည်ကိုကြိုက်တဲ့ အပင်တွေထဲကတစ်ပင်ပါ။ ဒါ့ကြောင့်လည်း အပူဒဏ်ကိုခံနိုင်ရည်ရှိပြီး ရေထိန်းနိုင်စွမ်းညံ့တဲ့ သဲဆန်သောမြေမှာ ကောင်းစွာရှင်သန်နိုင်ပါတယ်။

(၅) ပြောင်းဖူး

ပြောင်းဖူးပင်ဟာ (heavy-feeder) လို့ခေါ်တဲ့ မြေဆီမြေဩဇာများစွာစားသုံးတဲ့ အပင်မျိုးပါ။ ဒါပေမဲ့ သူ့အတွက်လိုအပ်တဲ့ မြေဩဇာသာကျွေးပေးနိုင်ရင် သဲဆန်တဲ့မြေမှာ ဖြစ်ထွန်းနိုင်ပါတယ်။

(၆) မြေပဲ၊ ကြက်သွန်

မြေပဲ၊ ကြက်သွန်ပင်တွေကလည်း ဥစားသီးနှံတွေဖြစ်တာမို့ သဲဆန်တဲ့မြေမှာ ကောင်းစွာဖြစ်ထွန်းနိုင်ပါတယ်ဗျ။

(၇) ဖရဲ

ဖရဲပင်ဟာ အခြားသီးနှံပင်တွေနဲ့ယှဉ်ရင် သက်တမ်းပိုကြာတဲ့အပင်ဖြစ်ပေမဲ့ ရေစီးဆင်းမှုကောင်းပြီး ပူနွေးတဲ့ပတ်ဝန်းကျင်ကိုကြိုက်လို့ သဲဆန်တဲ့မြေမှာ စိုက်ပျိုးနိုင်ပါတယ်။

(၈) သခွားမွှေး

သခွားမွှေးပင်တွေက ရေစီးဆင်းမှုမြန်တဲ့မြေမျိုးကို ကြိုက်နှစ်သက်လို့ သဲဆန်တဲ့မြေဟာ သူတို့အကြိုက်ပါ။ ဒါပေမဲ့ ရေနဲ့ အာဟာရဓာတ်တွေတော့ ဖြည့်တင်းပေးဖို့ လိုပါလိမ့်မယ်။

(၉) ကညွတ်ပင်

ကညွတ်ပင်ကလည်း သဲဆန်တဲ့မြေမှာစိုက်ပျိုးနိုင်ပြီး ကျောက်မှုန့်မြေဩဇာ များများထည့်ပေးနိုင်ရင် အထွက်နှုန်းပိုကောင်းစေပါတယ်။

(၁၀) ပဲအမျိုးမျိုး

ပဲမျိုးနွယ်ဝင်အများစုကတော့ သဲဆန်တဲ့မြေမှာ ရှင်သန်နိုင်ပြီး အထွက်နှုန်းကောင်းချင်ရင်တော့ မြေဆွေးများများထည့်ပေးဖို့ လိုအပ်ပါတယ်ဗျ။

ကဲ ကိုယ့်ရဲ့မြေက သဲဆန်တဲ့မြေဖြစ်နေလို့ ဘာပင်တွေစိုက်ရမှန်းမသိဖြစ်နေရင်တော့ ဒီအပင်လေးတွေ စမ်းစိုက်ကြည့်ဖို့ အကြံပြုလိုက်ရပါတယ်ခင်ဗျ။

Ref; https://www.gardeningchannel.com/35-best-plants-sandy-soil/

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ကိုထည့်ပေးပါရန် မေတ္တာရပ်ခံအပ်ပါသည်။

ဗွေဆော်ဦး ကြော်ငြာ

ကိုယ်မွေးထားတဲ့ ငါး၊ ပုစွန်လေးတွေ မြန်မြန်ကြီး၊ များများရှင်စေချင်တယ်ဆိုရင်... အားဆေးကောင်းလေးတွေ ရှိနေပါတယ်ရှင့်... ငါး၊ ပုစွန်လေးတွေ အားရှိသန်မာထွားကျိုင်းသွားစေမဲ့ Aqua Calcium, Aqua Booster, Aqua Mix ဆိုတဲ့ ဆေးလေးတွေပါနော်.. Aqua Calcium ဆိုတာက.. နာမည်နဲ့လိုက်အောင်ပဲ ငါး၊ ပုစွန်တွေအတွက်လိုအပ်တဲ့ ကယ်လ်ဆီယမ်များ ခဲပျစ်ပါဝင်နေတဲ့ အရည်မျိုးဖြစ်ပြီး ဗီတာမင်စီလည်း ပါဝင်ပါတယ်ရှင့်..။ ဒါလေးထည့်ပေးလိုက်ရင် ငါး၊ ပုစွန်တွေရဲ့ ကြီးထွားနှုန်း၊ အရွယ်အစားနဲ့ အသက်ရှင်နှုန်းတို့ကို မြှင့်တင်ပေးပြီး ကန်ထဲမှာလည်း နိုက်ထရိတ်များလျော့ကျအောင် ဆောင်ရွက်ပေးမှာပါနော်..။ Aqua Booster ဆိုတာကတော့… ဘတ်တီးရီးယား၊ ဗိုင်းရပ်၊ ပရိုတိုဇိုအာတွေရဲ့ တိုက်ခိုက်မှုကို ခံနိုင်ရည်ပိုရှိစေမဲ့ အရေးပါတဲ့ ဇီဝကမ္မဆိုင်ရာ အာဟာရအားတိုးဆေးမျိုးပါ။ သူ့မှာက သြဂဲနစ်အက်စစ်အမျိုးမျိုး၊ glycan နဲ့ အမိုင်နိုအက်ဆစ်များ ပေါင်းစပ်ပါဝင်နေလို့ ငါး၊ ပုစွန်တွေရဲ့ ကျန်းမာရေးကော ဇီဝကမ္မဖြစ်စဉ်ကိုကော ကူညီထောက်ပံ့ပေးနိုင်ပါတယ်ရှင့်။ ဒါ့အပြင် အာဟာရစုပ်ယူနိုင်စွမ်းမြင့်စေပြီး အစာခြေအင်ဇိုင်းများကို လှုံ့ဆော်ပေးသလို ဘက်တီးရီးယားဒဏ်ကို လည်း ခံနိုင်ရည်ရှိစေလို့ ကြီးထွားနှုန်းနဲ့ ရှင်သန်နှုန်း မြင့်တက်စေမှာပါနော်။ နောက်တစ်ခု... Aqua Mix ကကောဆိုရင်တော့.. သူက ကယ်ဆီယမ်၊ မဂ္ဂနီဆီယမ်နှင့် ပိုတက်ဆီယမ် ပါဝင်တဲ့ အရောအ‌နှောဖြစ်လို့ ငါး၊ ပုစွန်လေးတွေရဲ့ အသက်ရှင် နှုန်းကို တိုးမြင့်စေပြီး အစာခြေစနစ်ကိုလည်း တိုးတက်စေပါတယ်။ ပြီးတော့ ကြွက်သားများ ကျုံ့ခြင်းတင်းခြင်းများကိုလျော့စေကာ အရေခွံလဲနှုန်းမြင့်စေပြီး အခွံများကို ပိုမာကြော လာစေနိုင်ပါတယ်။ ဒါတင်ပဲလားဆိုတော့...မဟုတ်သေးဘူး...ကြီးထွားနှုန်းလည်း ပိုကောင်းလာပြီး ဖမ်းဆီးချိန်မှာ အသွေးအရောင် လည်း ပိုလှနေစေမှာ ဖြစ်ပါတယ်ရှင့်။ ဆိုတော့ ဒါလေးတွေကို သုံးပေးမယ်ဆိုရင်... ငါး၊ ပုစွန်လေးတွေ ရှင်သန်ကြီးထွားနှုန်းမြင့်မားလာနိုင်တာဆိုတော့... ဝင်ငွေပိုတိုးလာမယ်ဆိုတာက ပြောနေစရာတောင် လိုမှာမဟုတ်ပါဘူးနော်.. ဒါလေးတွေလိုချင်တယ်ဆိုရင်တော့ ‘ဗွေဆော်ဦး’ မှာ ရနေပါပြီရှင့်...