ရုံးပတီနဲ့ တွဲဖက်စိုက်ပျိုးနိုင်သော အဖော်ပင် ၅ မျိုး

အဖော်ပင်စိုက်ပျိုးခြင်းဆိုတာ သီးနှံတွေကို အချိန်နဲ့တပြေးညီ စမ်းသပ်စိုက်ပျိုးတဲ့ နည်းလမ်းတစ်ခုဖြစ်ပြီး ထိခိုက်ပျက်စီးလွယ်တဲ့သီးနှံတွေကို သဘာဝနည်းဖြင့် အကာအကွယ်ပေးနိုင်တာ ဖြစ်ပါတယ်။

ဒါ့အပြင် အဖျက်ပိုးမွှားများကို ဟန့်တားဖို့၊ အကျိုးပြုအင်းဆက်များကိုဆွဲဆောင်ဖို့နဲ့ သီးနှံပင်များကြီးထွားမှုကို လှုံ့ဆော်ဖို့အတွက် မတူညီတဲ့သီးနှံတွေကို တစ်ခုနဲ့တစ်ခု အနီးဝန်းကျင်မှာ တွဲဖက်စိုက်ပျိုးကြတာ ဖြစ်ပါတယ်။ အဖော်ပင်စိုက်ပျိုးခြင်းနည်းစနစ်ကြောင့် ဓာတုပိုးသတ်ဆေးတွေနဲ့ ဓာတ်မြေသြဇာတွေ အများအပြားအသုံးပြုရတာကိုလည်း လျှော့ချပေးနိုင်ပြီး မြေဆီလွှာရဲ့ ကျန်းမာရေးကိုလည်း ပိုမိုကောင်းမွန်အောင် ကူညီပေးနိုင်တာ ဖြစ်ပါတယ်။

ယခုဆောင်းပါးမှာတော့ ရုံးပတီပင်နဲ့ တွဲဖက်စိုက်ပျိုးနိုင်မဲ့ အဖော်ပင်အချို့ကို မျှဝေပေးသွားမှာ ဖြစ်ပါတယ်။

၁။ သခွား

သခွားပင်ဟာ ရုံးပတီသီးကဲ့သို့ပင် ရေနဲ့ အာဟာရကြွယ်ဝတဲ့ မြေဆီလွှာကို ကြိုက်နှစ်သက်တာကြောင့် ၎င်းတို့ကို အတူယှဉ်တွဲပြီး စိုက်ပျိုးနိုင်ပါတယ်။ သခွားနွယ်ပင်တွေဟာ ပြန့်ကျဲပေါက်ရောက်တာဖြစ်ပြီး ရင့်မှည့်ဖို့အတွက် နေရောင်ခြည်များစွာ လိုအပ်တာကြောင့် ၎င်းတို့ကို အလွန်နီးကပ်စွာ မစိုက်ပျိုးဖို့တော့ လိုအပ်ပါတယ်။ စိုက်ခင်းထဲမှာ တွဲဖက်စိုက်ပျိုးမယ်ဆိုရင် အနည်းဆုံး ၂ ပေကနေ ၃ ပေခြားပြီး စိုက်ပျိုးရမှာ ဖြစ်ပါတယ်။

သခွားပင်ဟာ ရုံးပတီသီးပင် အနီးတစ်ဝိုက်မှာရှိတဲ့ မြေဆီလွှာကို အကာအကွယ်ပေးနိုင်ပြီး အာဟာရလုယူစားသုံးတဲ့ ပေါင်းပင်များကို တားဆီးပေးကာ မြေဆီလွှာရေငွေ့ပျံမှုကိုလည်း လျှော့ချပေးနိုင်တာ ဖြစ်ပါတယ်။

ထို့ပြင် သခွားပင်တွေဟာ ရုံးပတီပင်ရဲ့ ဝတ်မှုန်ကူးစွမ်းအားကိုလည်း ထောက်ပံ့ပေးနိုင်တာ ဖြစ်ပါတယ်။ သို့ပေမဲ့ ရုံးပတီပင်တွေကို မလွှမ်းမိုးစေဖို့ သခွားပင်တွေကို ဖြတ်တောက်တာမျိုး (သို့မဟုတ်) စင်တင်ပေးတာမျိုး ပြုလုပ်ဖို့တော့ လိုအပ်ပါတယ်။

၂။ မုန်လာဥ

မုန်လာဥဟာ ကြီးထွားမှုလျင်မြန်တဲ့ ဟင်းသီးဟင်းရွက်တွေထဲက တစ်မျိုးဖြစ်ပြီး ရုံးပတီပင်ရဲ့ အောက်ခြေအနီးဝန်းကျင်မှာ စိုက်ပျိုးပါက ရုံးပတီသီးတွေ မခူးဆွတ်ခင်မှာပဲ မုန်လာဥတွေကို တူးယူရရှိနိုင်ပါတယ်။ ထို့ပြင် မုန်လာဥဟာ လှေးကျိုင်းတွေအတွက် ထောင်ချောက်သီးနှံအဖြစ်လည်း လုပ်ဆောင်ပေးနိုင်ပြီး ၎င်းတို့ရဲ့ အမြစ်တွေဟာ မာကျောတဲ့ မြေဆီလွှာကို ထိုးဖောက်ဖြိုခွင်းနိုင်တာကြောင့် ရုံးပတီပင်ရဲ့ အမြစ်တွေ ခပ်နက်နက်ဆင်းနိုင်ပြီး သန်မာပြန့်ပွားဖို့အတွက် လွယ်ကူစေနိုင်တာလည်း ဖြစ်ပါတယ်။

၃။ ပင်စိမ်း

အနံ့ပြင်းတဲ့ ဆေးဖက်ဝင် ဟင်းခတ်အမွှေးအကြိုင်အပင်တွေဟာ အဖျက်ပိုးမွှားများကို ဟန့်တားနိုင်တာကြောင့် သီးနှံပင်တွေကို တွဲဖက်စိုက်ပျိုးရာမှာ အဖော်ပင်အနေနဲ့ အသုံးပြုလေ့ရှိတာ ဖြစ်ပါတယ်။

အထူးသဖြင့် ပင်စိမ်းဟာ ယင်ဖြူ၊ လှေးကျိုင်း၊ ပျပိုးနဲ့ မွှားပင်ကူတွေကို သီးနှံပင်တွေဆီမလာအောင် ဟန့်တားနိုင်ပြီး ရုံးပတီပင်အနီးမှာ စိုက်ပျိုးပါက အရွက်တွေကို ပိုးမွှားတွေစားသောက် ဖျက်စီးခြင်းကနေ ကာကွယ်ပေးနိုင်မှာ ဖြစ်ပါတယ်။

တစ်ဖန် ပင်စိမ်းရွက်တွေဟာ အရပ်ရှည်တဲ့ ရုံးပတီပင်တွေရဲ့ အရိပ်ကိုရရှိတာကြောင့် အပင်နေလောင်ခံရနိုင်ခြေလည်း နည်းပါးနိုင်ပါတယ်။ ပင်စိမ်းကဲ့သို့ပင် ပူဒီနာ၊ စမုန်ဖြူ၊ စမုန်စပါး၊ တောရှုံးပင်၊ ကလျာဏီ စတဲ့ ဆေးဖက်ဝင်အပင်တွေ စိုက်ပျိုးထားခြင်းဖြင့် အဖျက်ပိုးတွေ ဟန့်တားနိုင်ရုံသာမက အကျိုးပြုအင်းဆက်တွေ လာရောက်အောင်လည်း ဆွဲဆောင်နိုင်တာ ဖြစ်ပါတယ်။

၄။ ပဲပင်များ

ရုံးပတီပင်တွေကို အကျိုးပြုဖို့အတွက် ပဲအမျိုးမျိုးကိုလည်း တွဲဖက်စိုက်ပျိုးနိုင်ပါတယ်။ ပဲပင်တွေဟာ မြေဆီလွှာထဲကို နိုက်ထရိုဂျင်ဓာတ် ပေါင်းထည့်ပေးနိုင်တာကြောင့် စိုက်ခင်းမြေဆီလွှာရဲ့ အာဟာရဓာတ်ပါဝင်မှုကို မြှင့်တင်ပေးနိုင်ပြီး ရုံးပတီပင်တွေကို အချိန်ကြာလာတာနဲ့အမျှ ကြီးထွားသန်မာလာအောင် ထောက်ပံ့ပေးနိုင်တာ ဖြစ်ပါတယ်။

ရုံးပတီပင်ရဲ့ပင်စည်ဟာ ပဲပင်တွေ နွယ်တက်နိုင်ဖို့အတွက် သဘာဝစင်အနေနဲ့ ထောက်ပံ့ပေးနိုင်သလို မြေပေါ်မှာပေါက်တဲ့ ပဲပင်တွေဆိုရင်လည်း ပေါင်းပင်တွေကို ဟန့်တားပေးနိုင်ပြီး မြေဆီလွှာကို ပြင်းထန်တဲ့ နေရောင်ခြည်ဒဏ်ကနေ ကာကွယ်ပေးကာ အစိုဓာတ်ထိန်းထားနိုင်တာ ဖြစ်ပါတယ်။

၅။ ငရုတ်

ငရုတ်ပင်ရဲ့ ရေနဲ့ နေရောင်ခြည်လိုအပ်ချက်ဟာ ရုံးပတီပင်နဲ့ တူညီနေတာကြောင့် ၎င်းတို့ကိုလည်း အတူတွဲဖက်စိုက်ပျိုးနိုင်ပါတယ်။ ဂေါ်ဖီထုပ်လိပ်ပြာ (cabbage worm) ဟာဆိုရင် ရုံးပတီပင်အပါအဝင် ပျိုးခင်းတွေမှာရော ဟင်းသီးဟင်းရွက် စိုက်ခင်းတွေမှာပါ စားသောက်ဖျက်ဆီးနိုင်တာ ဖြစ်ပါတယ်။ သို့ပေမဲ့ ရုံးပတီပင်အနီးမှာ ငရုတ်ပင်တွေ စိုက်ပျိုးထားခြင်းဖြင့် ဂေါ်ဖီထုပ်လိပ်ပြာအပါအဝင် မွှားပင့်ကူတွေကိုပါ ဟန့်တားနိုင်တာ ဖြစ်ပါတယ်။

အပြန်အလှန်အနေနဲ့ ရုံးပတီပင်ဟာ တနေ့တာရဲ့ အပူဆုံးအချိန်တွေမှာ ငရုတ်ပင်တွေအတွက် အရိပ်ပေးစွမ်းနိုင်ပါတယ်။ ဒါ့အပြင် ရုံးပတီပင်ဟာ ငရုတ်ပင်အတွက် မြေဆီလွှာအရည်အသွေးကိုလည်း မြှင့်တင်ပေးနိုင်ပြီး သဘာဝအာဟာရဓာတ်များ ထောက်ပံ့ပေးကာ အစိုဓာတ်ထိန်းသိမ်းရန် ကူညီပေးနိုင်ပါတယ်။ ထို့ပြင် ရုံးပတီပင်ဟာ ငရုတ်ပင်မှာကျရောက်တတ်တဲ့ အဖျက်ပိုးမွှားတွေကို ဖယ်ထုတ်နိုင်ပြီး ထောင်ချောက်သီးနှံအဖြစ်နဲ့လည်း လုပ်ဆောင်နိုင်တာ ဖြစ်ပါတယ်။

ဇင်ထူးနိုင်

Ref: https://www.bhg.com/

https://www.thespruce.com/

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။

ဗွေဆော်ဦး ကြော်ငြာ

ကိုယ်မွေးထားတဲ့ ငါး၊ ပုစွန်လေးတွေ မြန်မြန်ကြီး၊ များများရှင်စေချင်တယ်ဆိုရင်... အားဆေးကောင်းလေးတွေ ရှိနေပါတယ်ရှင့်... ငါး၊ ပုစွန်လေးတွေ အားရှိသန်မာထွားကျိုင်းသွားစေမဲ့ Aqua Calcium, Aqua Booster, Aqua Mix ဆိုတဲ့ ဆေးလေးတွေပါနော်.. Aqua Calcium ဆိုတာက.. နာမည်နဲ့လိုက်အောင်ပဲ ငါး၊ ပုစွန်တွေအတွက်လိုအပ်တဲ့ ကယ်လ်ဆီယမ်များ ခဲပျစ်ပါဝင်နေတဲ့ အရည်မျိုးဖြစ်ပြီး ဗီတာမင်စီလည်း ပါဝင်ပါတယ်ရှင့်..။ ဒါလေးထည့်ပေးလိုက်ရင် ငါး၊ ပုစွန်တွေရဲ့ ကြီးထွားနှုန်း၊ အရွယ်အစားနဲ့ အသက်ရှင်နှုန်းတို့ကို မြှင့်တင်ပေးပြီး ကန်ထဲမှာလည်း နိုက်ထရိတ်များလျော့ကျအောင် ဆောင်ရွက်ပေးမှာပါနော်..။ Aqua Booster ဆိုတာကတော့… ဘတ်တီးရီးယား၊ ဗိုင်းရပ်၊ ပရိုတိုဇိုအာတွေရဲ့ တိုက်ခိုက်မှုကို ခံနိုင်ရည်ပိုရှိစေမဲ့ အရေးပါတဲ့ ဇီဝကမ္မဆိုင်ရာ အာဟာရအားတိုးဆေးမျိုးပါ။ သူ့မှာက သြဂဲနစ်အက်စစ်အမျိုးမျိုး၊ glycan နဲ့ အမိုင်နိုအက်ဆစ်များ ပေါင်းစပ်ပါဝင်နေလို့ ငါး၊ ပုစွန်တွေရဲ့ ကျန်းမာရေးကော ဇီဝကမ္မဖြစ်စဉ်ကိုကော ကူညီထောက်ပံ့ပေးနိုင်ပါတယ်ရှင့်။ ဒါ့အပြင် အာဟာရစုပ်ယူနိုင်စွမ်းမြင့်စေပြီး အစာခြေအင်ဇိုင်းများကို လှုံ့ဆော်ပေးသလို ဘက်တီးရီးယားဒဏ်ကို လည်း ခံနိုင်ရည်ရှိစေလို့ ကြီးထွားနှုန်းနဲ့ ရှင်သန်နှုန်း မြင့်တက်စေမှာပါနော်။ နောက်တစ်ခု... Aqua Mix ကကောဆိုရင်တော့.. သူက ကယ်ဆီယမ်၊ မဂ္ဂနီဆီယမ်နှင့် ပိုတက်ဆီယမ် ပါဝင်တဲ့ အရောအ‌နှောဖြစ်လို့ ငါး၊ ပုစွန်လေးတွေရဲ့ အသက်ရှင် နှုန်းကို တိုးမြင့်စေပြီး အစာခြေစနစ်ကိုလည်း တိုးတက်စေပါတယ်။ ပြီးတော့ ကြွက်သားများ ကျုံ့ခြင်းတင်းခြင်းများကိုလျော့စေကာ အရေခွံလဲနှုန်းမြင့်စေပြီး အခွံများကို ပိုမာကြော လာစေနိုင်ပါတယ်။ ဒါတင်ပဲလားဆိုတော့...မဟုတ်သေးဘူး...ကြီးထွားနှုန်းလည်း ပိုကောင်းလာပြီး ဖမ်းဆီးချိန်မှာ အသွေးအရောင် လည်း ပိုလှနေစေမှာ ဖြစ်ပါတယ်ရှင့်။ ဆိုတော့ ဒါလေးတွေကို သုံးပေးမယ်ဆိုရင်... ငါး၊ ပုစွန်လေးတွေ ရှင်သန်ကြီးထွားနှုန်းမြင့်မားလာနိုင်တာဆိုတော့... ဝင်ငွေပိုတိုးလာမယ်ဆိုတာက ပြောနေစရာတောင် လိုမှာမဟုတ်ပါဘူးနော်.. ဒါလေးတွေလိုချင်တယ်ဆိုရင်တော့ ‘ဗွေဆော်ဦး’ မှာ ရနေပါပြီရှင့်...