မျိုးစေ့များရဲ့ ရှင်သန်နိုင်စွမ်းနဲ့ သိုလှောင်သိမ်းဆည်းခြင်း

ကိုယ်ပိုင်စိုက်ခင်းမှ ရရှိသောမျိုးစေ့များကိုဖြစ်စေ နောက်တစ်ရာသီမှာ စိုက်ပျိုးရန်အတွက် အရည်အသွေးကောင်း မျိုးစေ့များကို ဝယ်ယူထားသည်ဖြစ်စေ တတ်နိုင်သမျှ စနစ်တကျ သိုလှောင်သိမ်းဆည်းထားနိုင်ဖို့က အလွန်အရေးကြီးပါတယ်။

မျိုးစေ့သိုလှောင်သိမ်းဆည်းခြင်းဆိုတာ ရိတ်သိမ်းပြီးနောက် ရရှိလာတဲ့မျိုးစေ့တွေကို ထိန်းသိမ်းခြင်း နေရာမှစတင်ကာ မျိုးစေ့များကို ပြန်လည်စိုက်ပျိုးပြီးတဲ့အထိ ကာလကိုဆိုလိုပါတယ်။ မျိုးစေ့များကို အချိန်တိုသိုလှောင်သည်ဖြစ်စေ ကာလကြာရှည်သိုလှောင်သည်ဖြစ်စေ စနစ်တကျ သိုလှောင်သိမ်းဆည်းထားဖို့ လိုအပ်ပါတယ်။

ဘာကြောင့် သိုလှောင်သိမ်းဆည်းကြတာလဲ?

မျိုးစေ့များကို သိုလှောင်သိမ်းဆည်းရခြင်းရဲ့ ရည်ရွယ်ချက်ဟာ စတင်ရိတ်သိမ်းလိုက်ချိန်မှ ပြန်လည်စိုက်ပျိုးချိန်အထိ မျိုးစေ့တွေရဲ့ ရုပ်ပိုင်းဆိုင်ရာနဲ့ ဇီဝကမ္မအခြေအနေတွေကို ကောင်းမွန်အောင် ထိန်းသိမ်းထားနိုင်ဖို့ဖြစ်ပါတယ်။ မျိုးစေ့တွေကို သိုလှောင်သိမ်းဆည်းရာမှာ ယိုယွင်းပျက်စီးမှုကို ဖြစ်ပေါ်စေတဲ့ အကြီးမားဆုံးရန်သူတွေက အပူချိန်မြင့်မားခြင်းနဲ့ အစိုဓာတ်မြင့်မားခြင်းတို့ ဖြစ်တာကြောင့် အပူချိန်နဲ့ အစိုဓာတ်ကို ကောင်းစွာသတိပြုဖို့ လိုအပ်ပါတယ်။ နောက်ပြီး မျိုးစေ့တွေကို သိုလှောင်သိမ်းဆည်းထားချိန်မှာ အင်းဆက်အဖျက်ပိုးမွှားနဲ့ ရောဂါကျရောက်မှုများကိုလည်း ကာကွယ်ထားရမှာ ဖြစ်ပါတယ်။

မျိုးစေ့တွေကို စနစ်တကျနဲ့ သိုလှောင်သိမ်းဆည်းထားမယ်ဆိုရင်

သီးနှံအထွက်နှုန်း ကောင်းစေခြင်း
ကျန်းမာသန်စွမ်းသော အပင်များ ရရှိစေခြင်းနဲ့
ပိုးမွှားရောဂါကျရောက်မှု နည်းပါးခြင်း
သိုလှောင်ရာတွင် ရာသီဥတုပြောင်းလဲမှုကြောင့် ဖြစ်ပေါ်တတ်သော မျိုးစေ့ဆောင်ရောဂါများ ကျရောက်မှုကို လျော့နည်းစေခြင်း စတဲ့ ကောင်းကျိုးတွေ ရရှိစေနိုင်မှာ ဖြစ်ပါတယ်။

သိုလှောင်မှုအပေါ်သက်ရောက်မှုရှိသော အချက်များ

အဓိက သက်ရောက်မှုရှိနေတာတွေက အပူချိန်၊ အစိုဓာတ်၊ မျိုးစေ့ရင့်မှည့်မှု၊ မျိုးစေ့သက်တမ်း၊ အောက်စီဂျင်နဲ့ အခြားသက်ရောက်မှုတွေဖြစ်ပြီး အောက်ဖော်ပြပါ အချက်များ ပါဝင်ပါတယ်။

ကောင်းစွာရင့်မှည့်တဲ့ မျိုးစေ့တွေဟာ မရင့်မှည့်သေးဘဲ စုဆောင်းထားတဲ့ မျိုးစေ့များထက် ရှင်သန်နိုင်စွမ်းကို အချိန်ကြာကြာ ထိန်းသိမ်းထားနိုင်ပါတယ်။ အဲ့တာကြောင့်ပဲ ကနဦး ရှင်သန်နိုင်စွမ်းမြင့်မားတဲ့ မျိုးစေ့တွေဟာ ရှင်သန်နိုင်စွမ်း နည်းပါးတဲ့ မျိုးစေ့များထက် ပိုမိုကောင်းမွန်စွာ သိမ်းဆည်းထားနိုင်တာ ဖြစ်ပါတယ်။
မာကြောပြီး ရေစိမ့် မဝင်နိုင်တဲ့ မျိုးစေ့တွေဟာ ပျော့ပျောင်းပြီး ရေစိမ့်ဝင်နိုင်တဲ့ အစေ့ခွံပါရှိသော မျိုးစေ့များထက် ရှင်သန်နိုင်စွမ်းပိုကောင်းပါတယ်။
မျိုးစေ့တွေဟာ သက်ရှိတွေဖြစ်တာကြောင့် ကိုင်တွယ်ရာမှာလည်း သတိပြုသင့်ပါတယ်။ ထိခိုက်ပျက်စီးမှု မရှိတဲ့မျိုးစေ့တွေဟာ ရုပ်ပိုင်းဆိုင်ရာ ထိခိုက်ပျက်စီးထားတဲ့ မျိုးစေ့တွေထက် ရှင်သန်စွမ်းကို ပိုမိုထိန်းသိမ်းထားနိုင်ပါတယ်။
အစိုဓာတ်ပါဝင်မှု နည်းပြီး အပူချိန်လျှော့ချထားတဲ့ အခြေအနေမှာဆိုရင် မျိုးစေ့တွေရဲ့ ရှင်သန်နိုင်သောကာလဟာလည်း ကြာရှည်မှာ ဖြစ်ပါတယ်။

မျိုးစေ့ရှင်သန်နိုင်စွမ်း (Seed Viability)

မျိုးစေ့တွေရဲ့သက်တမ်းဟာ အချိန်ကြာလာတာနဲ့အမျှ ၎င်းတို့ရဲ့ အပင်ပေါက်တဲ့နှုန်းဟာလည်း သဘာဝအတိုင်း ကျဆင်းလာမှာ ဖြစ်ပါတယ်။ မျိုးစေ့အားလုံးနီးပါးဟာ သာမန်အခြေအနေမှာ စနစ်တကျ သိုလှောင်သိမ်းဆည်းထားမယ်ဆိုရင် ယေဘူယျအားဖြင့် အနည်းဆုံး ၁ နှစ်အထိတော့ ရှင်သန်နိုင်စွမ်းရှိကြပါတယ်။ ဒါ့ကြောင့် မျိုးစေ့ကို သိုလှောင်ထားတဲ့ အခြေအနေနဲ့ မျိုးစေ့ အမျိုးအစားပေါ် မူတည်ပြီးတော့ ရှင်သန်နိုင်စွမ်းရှိတဲ့ကာလတွေ ကွာခြားနိုင်တာ ဖြစ်ပါတယ်။

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ကို ထည့်ပေးပါရန် မေတ္တာရပ်ခံအပ်ပါသည်။

ဗွေဆော်ဦး ကြော်ငြာ

ကိုယ်မွေးထားတဲ့ ငါး၊ ပုစွန်လေးတွေ မြန်မြန်ကြီး၊ များများရှင်စေချင်တယ်ဆိုရင်... အားဆေးကောင်းလေးတွေ ရှိနေပါတယ်ရှင့်... ငါး၊ ပုစွန်လေးတွေ အားရှိသန်မာထွားကျိုင်းသွားစေမဲ့ Aqua Calcium, Aqua Booster, Aqua Mix ဆိုတဲ့ ဆေးလေးတွေပါနော်.. Aqua Calcium ဆိုတာက.. နာမည်နဲ့လိုက်အောင်ပဲ ငါး၊ ပုစွန်တွေအတွက်လိုအပ်တဲ့ ကယ်လ်ဆီယမ်များ ခဲပျစ်ပါဝင်နေတဲ့ အရည်မျိုးဖြစ်ပြီး ဗီတာမင်စီလည်း ပါဝင်ပါတယ်ရှင့်..။ ဒါလေးထည့်ပေးလိုက်ရင် ငါး၊ ပုစွန်တွေရဲ့ ကြီးထွားနှုန်း၊ အရွယ်အစားနဲ့ အသက်ရှင်နှုန်းတို့ကို မြှင့်တင်ပေးပြီး ကန်ထဲမှာလည်း နိုက်ထရိတ်များလျော့ကျအောင် ဆောင်ရွက်ပေးမှာပါနော်..။ Aqua Booster ဆိုတာကတော့… ဘတ်တီးရီးယား၊ ဗိုင်းရပ်၊ ပရိုတိုဇိုအာတွေရဲ့ တိုက်ခိုက်မှုကို ခံနိုင်ရည်ပိုရှိစေမဲ့ အရေးပါတဲ့ ဇီဝကမ္မဆိုင်ရာ အာဟာရအားတိုးဆေးမျိုးပါ။ သူ့မှာက သြဂဲနစ်အက်စစ်အမျိုးမျိုး၊ glycan နဲ့ အမိုင်နိုအက်ဆစ်များ ပေါင်းစပ်ပါဝင်နေလို့ ငါး၊ ပုစွန်တွေရဲ့ ကျန်းမာရေးကော ဇီဝကမ္မဖြစ်စဉ်ကိုကော ကူညီထောက်ပံ့ပေးနိုင်ပါတယ်ရှင့်။ ဒါ့အပြင် အာဟာရစုပ်ယူနိုင်စွမ်းမြင့်စေပြီး အစာခြေအင်ဇိုင်းများကို လှုံ့ဆော်ပေးသလို ဘက်တီးရီးယားဒဏ်ကို လည်း ခံနိုင်ရည်ရှိစေလို့ ကြီးထွားနှုန်းနဲ့ ရှင်သန်နှုန်း မြင့်တက်စေမှာပါနော်။ နောက်တစ်ခု... Aqua Mix ကကောဆိုရင်တော့.. သူက ကယ်ဆီယမ်၊ မဂ္ဂနီဆီယမ်နှင့် ပိုတက်ဆီယမ် ပါဝင်တဲ့ အရောအ‌နှောဖြစ်လို့ ငါး၊ ပုစွန်လေးတွေရဲ့ အသက်ရှင် နှုန်းကို တိုးမြင့်စေပြီး အစာခြေစနစ်ကိုလည်း တိုးတက်စေပါတယ်။ ပြီးတော့ ကြွက်သားများ ကျုံ့ခြင်းတင်းခြင်းများကိုလျော့စေကာ အရေခွံလဲနှုန်းမြင့်စေပြီး အခွံများကို ပိုမာကြော လာစေနိုင်ပါတယ်။ ဒါတင်ပဲလားဆိုတော့...မဟုတ်သေးဘူး...ကြီးထွားနှုန်းလည်း ပိုကောင်းလာပြီး ဖမ်းဆီးချိန်မှာ အသွေးအရောင် လည်း ပိုလှနေစေမှာ ဖြစ်ပါတယ်ရှင့်။ ဆိုတော့ ဒါလေးတွေကို သုံးပေးမယ်ဆိုရင်... ငါး၊ ပုစွန်လေးတွေ ရှင်သန်ကြီးထွားနှုန်းမြင့်မားလာနိုင်တာဆိုတော့... ဝင်ငွေပိုတိုးလာမယ်ဆိုတာက ပြောနေစရာတောင် လိုမှာမဟုတ်ပါဘူးနော်.. ဒါလေးတွေလိုချင်တယ်ဆိုရင်တော့ ‘ဗွေဆော်ဦး’ မှာ ရနေပါပြီရှင့်...